PRIMA

Kristo sorzeaz

        Ave Maria

—Iainko Iauna euzu artha,

Ene faboratzeko.

—Iauna zaite fite kexa,

Ni penatik kenzeko.

Bers. Aitak duela loria,

Bai seme gizonduak:

Resp. Hala duela loria

Espiritu-sainduak.

        Allel. edo Laus tibi.

        Memento salutis.

Orhoit zaite Iainko Iauna,

Nola zaren zu gizona:

Birjina xahua ganik,

Noizpait gorputzor izanik.

Maria graziatsua,

Iainkotiar dohatsua:

Zaren ama, gure iabe,

Hilzean ere utzi gabe.

O Kristo zure loria,

Zure ama da Maria:

Zuri aita bardin esker,

Espirituari halaber. Amen.

        1. ofiz. Alxatua.

        2. ofiz. Heldu.

        3. ofiz. Mudanza.

                Deus in nomine tuo. Sal. 53.

Libratuaren eskerrak

Iainko Iauna iabe bekit,

Zure izen saindua:

Eta zure bothereaz,

Dudan salbamendua.

Iauna ene othoitzari,

Enzutera zakitza:

Adizazu lotsa gabe,

Ene ahoko hitza.

Lekortarrak iaiki dira,

Ene kontra bortizki:

Zutzaz kontu gutirekin,

Narabilate gaizki.

Badariak zu Iainkoa,

Ene zara iabea:

Ene arimaren ere,

Pordoin eta habea,

Eror bedi kalteori,

Etsai minon gainera:

Gal itzatzu promes legez,

Ez natzaten menera.

Bihotz onez nik darotzut,

Bihurturen eskerra:

Eta zinez laudatuko,

Zure izen ederra.

Ezen zuk libratu nauzu,

Lazeria guzitik

Etsaiok ia galdu dira,

Ni libro naiz hauzitik.

        Aitak duela loria.

        Benedixisti Domine. Sal. 84.

Kristoren sendagaillez

Iauna faboratu duzu,

Mugaz zeure primeza:

Iakob libratuko duzu,

Zeren zaren arteza.

Zure pobluari kulpa,

Diozu barkatuko:

Eta haren bekhatuez,

Ez nihoiz orhoituko.

Gozatuko duzu zoriz,

Zeure kolera mina:

Bai hautsiko kolerari,

Bere zorrotz hagina.

O Iainkoa ken ezazu,

Gure ganik kolera:

Eta gaitzatzu burupez,

Salbatzeko maillera.

Helas! bethi nahi duzu,

Zeure koleran bizi:

Bethi luzatuko duzu,

Zeren dudan merezi?

Zer, etzaizku itzuliko,

Emaiteko bizia:

Zure baithan behar dugu,

Alegria guzia.

Erakuts guzu, o Kristo,

Ontasun eternala:

Eta pontuan iguzu

Salbamendu leiala.

Iainko Iauna ni banago,

Zure hitzen begira:

Bakearen ustea dut

Etzaitzu laket hira.

Bakea igorzen duzu,

Zure sainduen gana:

Eztitezin bekhatuaz,

Niholatan engana.

Alabainan zure hurbil,

Beldurtiak daudezi:

Halakoak bere baithan,

Loria du merezi.

Ontasuna eta egia,

Bidean dira batzen:

Iustizia eta bakea,

Elkarri zaizko lotzen.

Egiroki lurretik da,

Bere mugan ilkia:

Iustiziak zerutik du,

Behatzeko ailkia.

Kristok emanen daroku,

Faborea botherez:

Gure lurrak iasaiteko,

Fruituori faborez.

Haren aitzinean leial

Dabila iustizia:

Eta xuxen darabila,

Bere urrats guzia.

        Aitak duela loria.

        Laudate Dominum. Sal. 116.

Iainkoa miserikordios eta egiati

Nazio guziok iaiki,

Iaunaren laudatzera:

Poblu guziok zatozte,

Iankoaz minzatzera.

Haren miserikordia,

Heldu zaiku frankoki:

Haren egiak badirau,

Sekulan eternalki.

        Aitak, etc.

        1. ofiz. Aña. Assumpta.

Alxatua da Maria,

Parabisu gainera:

Aingeruok bozik dohaz,

Iaunaren aitzinera.

        2. ofiz. Aña. Missus.

Heldu zaika Mariari,

Gabriel aingerua:

Hau da Iosephen esposa,

Sendagailla purua.

        3. ofiz. Aña. O admira.

Mudanza miragarria,

Kreatzaillea gizon:

Gizonaren hazi gabe,

Gizon eginik egon.

Birjina baithan sorthurik

Digun Iainkotasuna:

Hau da bada Iainkoaren,

Liberal ontasuna.

        1.3. ofiz. Kap. Kant. 6.

        Quae est ista.

        Nor da argi-albaren legez iaikitzen den hori, ederra ilhargia bezala, hautatu iguzkia bezala, izigarria gazteluko garnizoin arraniatuaren gisa.

                —Iainkoari esker

                —Zure xuxen laudatzeko,

                Birjina sakratua.

                —Egin nazazu ni digne,

                Ez naizen garaitua.

                Iauna euzu gutzaz pietate.

                Kristo euzu gutzaz pietate.

                Iauna euzu gutzaz pietate.

                —Iauna enzun ezazu ene othoitza.

                —Eta ene oihua bethor zure gana.

        1. ofiz. Othoitza. Deus qui Virginalen.

        Iainko ona, Birjina Mariaren sabela zeure lekutzat hautatu duzuna, othoitzez gagozkitzu, haren arartekoz propi gaitzatzu, eta egin digne, hartzaz orhoitzapen egiteko, zein bizi baitzara mendez mende. —Amen.

                —Iauna enzun ezazu ene othoitza.

                —Eta ene oihua betor zure gana.

                —Dugun bethi benedika,

                Gure Iainko eztia.

                —Demogun ahalaz esker,

                Egin ahal guztia.

                —Iainko ona zeren zaren,

                Guztior pietoso.

                —Fidelen arimok bethoz,

                Salborik lorioso. Amen.

        Hunela errazu othoitzen aitzinean eta ondoan bethi.

        2. ofiz. Kap. Isa. 24. Ecce Virgo conci.

        Huna birjinak konzebituko du eta iaioko seme bat, eta deithuko da Emanuel, eta ianen du burra, kaltearen gaitzesteko, eta ianen du eztia, ungiaren hautatzeko iakiteko. —Iainkoari esk.

        Othoitza. Deus qui de B.

        Iainko ona, Birjina Mariaren sabelean aingerua zure hitzaren mandatari izanik gizon egin zarena, othoitzez gagozkitzu, egiazki ura zure ama dala sinhetsirik haren arartekoz zure ganik ezan dezagun fabore zein bizi baitzara mendez mende Iaun. —Amen.

        3. ofiz. Othoitza. Deus qui salutis.

        Salbamendu eternalaren Iainkoa, Birjina Maria dohatsuaren birjinatasun izorraren bertutez, mundua salbatu nahi izatu duzuna, othoitzez gagozkitu, haren arartekoz ardiets dezagun geure salbamendua, nola haren bidez izatu baitugu biziaren iabea Iesu Kristo gure Iauna, zein bizi baita zurekin eta Espiritu-sinduarekin mendez mende. —Amen.