LAUDEAK

Laudeak bisitazinoaz

        Ave Maria.

        Deus in adiuto.

—Iainko Iauna, euzu artha,

Ene faboratzeko, etc.

        1. ofiz. Alxatua.

        2. ofiz. Heldu.

        3. ofiz. Mudanza.

                Dominus regna. Sal. 92.

Elizaren fundazinoaz

Iaunak guztiz aginzen du,

Handitasun handian

Indar hutsik baizen ezta;

Nahi duen aldian.

Hark daduka lurra fermu,

Nihoiz eztadin higi:

Hura handi den arauaz,

Nik solas albanegi.

Hastetik ezarri zeitzun,

Iauna zuri tronua:

Oraino menderik etzen,

Eta bai zu iaundua.

Hibaiek alxatu zuten,

Bere boza zin-zinez:

Alxatu zuten, o Iauna,

Ezin ixil egonez.

Gurguriak igan dira,

Uholdenez gorago:

Azkenean iarzen dira,

Ezinez gehiago.

Itsas-uhinok halaber,

Badira miragarri:

Iauna xit areago da,

Diotsote elkarri.

Zure frogak segur dira,

Ezta errezelurik:

Iauna zu saindua zara,

Ezta zure taillurik.

        Aitak duela, loria.

        1. ofiz. Aña. Assumpta.

Alxatua da Maria,

Parabisu gainera:

Aingeruak bozik dohaz,

Iaunaren aitzinera.

        2. ofiz. Aña. Missus:

Heldu zaika Mariari,

Gabriel aingerua:

Han da Iosephen esposa,

Sendagaillu purua.

        3. ofiz. Aña. O admira.

Mudanza miragarria

Kreatzaillea gizon:

Gizonaren hazi gabe,

Gizon eginik egon.

Birjina baithan sorthurik,

Digun Iainkotasuna:

Hau da bada Iainko baten,

Lorios ontasuna.

        1. ofiz. Alxatua.

        2. ofiz. Agur Maria.

        3. ofiz. Zu sorthu.

                Iubilate Deo. Sal. 99.

Lauda Iainkoa

Kanta beza bazter orok,

Iainkoaren loria:

Kontent hutsez errepika,

Laudorio ioria.

Aitzinera zatozkote,

Bozkarioz betherik:

Berdin berze mihon ezta,

Hunelako gortherik.

Iakizue Iauna dela,

Bera bakhar Iainkoa:

Hark gu egin, ez gu geurok,

Horra laudatzekoa.

Gu haren poblua gara,

Haren hespilakoak:

Beretzean badagotza,

Aithor hunelakoak.

Lauda ezazue bada,

Iaun onaren izena:

Kantaz eta laudorioz,

Ahal bezain maizena.

Ezen Iaun hau eztia da,

Ontasunez fin gabe:

Haren egiak badirau,

Bera mugarri iabe.

        Aitak duela.

        1. ofiz. Aña. Maria Virgo.

Alxatua da Maria,

Zeruko ganbarara:

Han erregen erregea,

Iarzen bere gogara.

        2. ofiz. Aña. Ave Maria.

Agur Maria zerutik,

Graziaz bethea:

Iaun ona zeurekin duzu,

O zeruen athea.

        3. ofiz. Aña. Quando.

Zu sortu zinen pontuan,

Andre Birjina ganik:

Eskriturak bethe ziren,

Han erranak eginik.

Iautsi zara gure bilha,

Uri lanxurda legez:

Laudorio darotzugu,

Iaun zeure faborez.

        1. ofiz. Zure urrin.

        2. ofiz. O Maria.

        3. ofiz. Moisek.

                Deus, Deus meus. Sal. 62.

Elizaren desirak

Goizgoizetik, o Iainkoa,

Ni baniz iratzarri:

Eta zure gana ditut,

Gogetak ezarri.

Ene arimak zu zaitu,

Handiro desiratzen,

Arago zait gorputzor,

Desirkundez hiratzen.

Leku hau da desertu bat,

Idor eta gogorra:

Gain hori da leku saindu

Eta zu bai gothorra.

Zure ontasuna bezain,

Ezta bizi hain onik:

Beraz eztut ixilduko,

Aithorraren ezpainik.

Nik bizi naizeino zaitut,

Zu bethi laudathuko:

Eta zure izenean,

Eskuak alxatuko.

Ase bekit arimori,

Muin-urinez bezala:

Neure mihiz kantatzeko,

Laudorio leiala.

Ohean ere ni banaiz,

Maiz zutzaz orhoituko:

Zeren zu iabe zaitudan,

Badut maiz beillatuko.

Boztuko naiz ni zurekin,

Zu harturik geriza:

Ene arimak zu zaitu,

Bere saihets bortitza.

Ni hil nahiz dabilzanok,

Hilen dira gathazka:

Eta dira geldituko,

Azearien bazka.

Bai errege boztuko da,

Iauna baithan handiro:

Hura baithan gezurtiak,

Ezin iragan diro.

        Deus miser. Sal. 66.

Iainko Iauna gutzaz duen,

Handi pietatea:

Pietatez bai erakuts,

Bere begitartea.

Ezagutzeko lurrean,

Zure bide saindua:

Jendek ere iakiteko

Zure salbamendua.

O Iainkoa, zu pobluak,

Leialki laudatzeko:

Bai poblu guzia zuri,

Xuxen gomendatzeko.

Zure iustiziez ere,

Boz ditezin jendeak:

Zeren xuxenzen ditutzun,

Lehen-gero mendeak.

O Iainkoa, zu pobluak,

Baizaitu laudatuko:

Bai lurrak bere fruitua,

Ordua moldatuko.

Arren benekika gaitzan,

Gure Iainko Iainkoak:

Bai Iainkoak benedika,

Beldur diten zokoak.

        Aitak duela loria.

        1. ofiz. Aña. In odorem.

Zure urrin onak gaitu,

Lasterrean ekharri:

Zure maitez hor darraitzo,

Donzeillatxok elkarri.

        2. ofiz. Aña. Ne timeas.

O Maria, zuk ez duda,

Izan duzu grazia:

Berdin zuk iaioko duzu,

Iainko Seme bizia.

        3. ofiz. Aña. Rubum.

Moisek ikusi zuen,

Sasi bat ez erretzen:

Nahi bada sua zeikan,

Bethiere berretzen.

Amatasunaren karraz,

Birjina zara xahu:

Gu beharroz egiozu,

Seme Iaunari oihu.

        1. ofiz. Benedikatua.

        2. ofiz. Iainkoak.

        3. ofiz. Ieseko.

                Benedicite omnia. Dan. 3.

Hirur morroinen kanta

Iainkoaren obra zuek,

Benedika Iainkoa:

Guztiok ezaguturik,

Guztion gainekoa.

Iainkoaren aingeruok,

Benedika halaber:

Zuek zeruak ez ixil,

Bai hura lauda laster.

Benedika ezazue,

Zeru gaineko urak:

Berthuteak benedika,

Ez gal hartako gurak.

O iguzki-ilhargiak

Benedika ozenki:

Zuek zeruko ezarrok,

Benedika iniuski.

Bai uriok ihinzokin,

Hari benedikatzen:

Iaunaren espirituok,

Zagozkote laudatzen.

Zuek sua eta karra,

Benedika Iainkoa:

Zuek hotza eta uda

Lauda fin gabekoa.

Benedika ezazue,

O ihinz eta bruma:

Benedika ezaue,

O izotz eta horma!

Zuek o hotz eta elhur,

Gau-egunok orobat:

Lauda ezazue Iauna,

Bozik ahal bezanbat.

Argi eta ilhunbeak,

Emozue aithorra:

Xismistak eta hodoiak,

Lauda hain Iaun gothorra.

Ea lurra benedika,

Benedika, Iainkoa:

Benedika eta lauda,

Nola Iaun gainekoa.

Aldapak eta mendiak,

Hari benedikatzen:

Zuek ere zuhamuiok

Haren errepikatzen.

Ithurriak hibaiekin,

Haz garren gurguriaz:

Itsasoa minza zaite,

Dakizun aheriaz.

Baleak zeuen aldian,

Ureko arrainekin:

Benedika ezazue,

Aireko xoriekin.

Ehizi eta bi abre,

Nihon diren guztiaz:

Guztiz bai gizakumeok,

Egin solas eztiak.

Benedika beza finki,

Orino Israelek:

Bethi finik gabe lauda,

Haren aho mazelek.

Ea zuek, o apezak,

Iaiki laudoriora:

Iaiki haren sehi oro

Fitetz debozinora.

Zuek espiritu iustu,

Eta bihotz humilak:

Laudorioz errepika,

Iaun onaren ezkilak.

Ananias, Azarias,

Orobat zu Misael:

Iainko hunen laudatzeko,

Etzaratela mothel.

Dugun lauda finik gabe,

Aita eta Semea:

Espiritu sainduari,

Bien aithor emea.

Zeruan, Iauna, baduzu,

Laudorio fermua:

Eneori hain fin gabez,

Badut segur damua.

        1. ofiz. Aña. Benedicta.

Benedikatua zara,

O alaba Iaungoikoz:

Bizitzean parte dugu,

Zuk zure arartekoz.

        2. ofiz. Aña. Dabit ei.

Iainkoak emanen dio,

Aita Dabiten ailki:

Iakob baithan mana dezan,

Koroaz eternalki.

        3. ofiz. Aña. Germinavit.

Ieseko arraza hozi,

Eta ia da izorra:

Iakob ganik agertu da.

Sendagaillaz izarra.

Birjinak iaio daroku,

Kristo salbatzailea:

Bethi laudatua zaren,

Gure kreatzaillea.

        1. ofiz. Ierusemgo.

        2. ofiz. Iaunaren.

        3. ofiz. Huna Mariak.

                Laudate Dominus. Sal. 148.

Kreatura ordenanza onean
ezarriaz laudorioa

Lauda, zeruak, lauda,

Aire onez Iainkoa

Lauda leku goran gora,

Guztion gainekoa.

Haren aingeruok ere,

Lauda sendagail hotsez:

Haren bertute guztiok,

Orobat firrimotsez.

Lauda ezazue gora,

Gure Iainko eztia:

Horko urok emozue,

Laudorio guztia.

Ezen hark hitz bat ahotik,

Athera bezain sarri:

Zuek guziok zarate,

Argitarat ethorri.

Hark eman darozkitzue,

Zeini bere tokiak:

Bethi xuxen ibilzeko,

Legeak fin askiak.

Lauda pontuan lurretik,

Kreaturok Iainkoa:

Dragoin eta usin orok

Lauda gaingainekoa.

O su, elhor, babazuza,

Eta berze tormentak:

Emoitzue Iainkoari,

Aithorraren errentak.

Aldapak eta mendiak,

Has kantuon laudatzen:

Zuhaitz bethekor, alzifre,

Has guztiok laudatzen.

Elhiok berze tropekin,

Emozue aithorra:

Suge eta hegastinok,

Eztuzuen agorra.

Erregeok pobluokin,

Prinze eta iujeok:

Lurrean ladazazue,

Laudatua zeruok.

Morroin, neskatxa, bai senton,

Eta berze guztiok,

Haren izenor ezagut,

Gorenena iustuok.

Aithor hori badagoza,

Zeru eta lurrean:

Zeren bereok dituen,

Alxatzen batzarrean.

Haren sainduek badute

Laudorio handia:

Beregainki Israeli,

Zeren duen mamia.

        Cantate Domino. Sal. 140.

Khanta bekizko Iaunari,

Finki kanta berriak.

Eliza sainduan zaitza,

Xit eder aheriak.

Israel orai boz bedi,

Bere kreatzaillean:

Siongo alabak ere,

Kristo salbatzaillean.

Haren izena bezate,

Gathanboretan lauda:

Gitarrez eta maniurez,

Ohorezki gomenda.

Ezen Iaunak du plazera,

Bere jenden gainean:

Guztiz ere jende manso,

Baketiar denean.

Halako jendeak dira,

Loriaz gozatuko:

Bai zeruko iauregian,

Atseginez histuko.

Hekin ahoan aithorra,

Eskuetan ezpata:

Biktorios ilki dira,

Irabazi konbata.

Infidelen kontra dira,

Finki mindekatuko:

Poblu gaixtoen gainean,

Egia trenkatuko.

Haiñen erregeak dira,

Zepoetan sarthuko:

Hainen nobleak orobat,

Esku-lothu hartuko.

Prestuek eginen dute,

Halako iustiziaz

Hau da prestuen ohore,

Eta handi grazia.

Gure Iauna lauka bedi,

Bere sainduak gatik:

Zeren diren faboratu,

Hanbat ere zerutik.

Lauda ezazue finki,

Bere indar handian:

Lauda bere handitasun

Paregabe mendian.

Lauda klaroinen soinuaz,

Eta tronpeta hantuz:

Zistra, maniura, gitarra,

Edo bi harpa kantuz.

Lauda ezkilez bildurik,

Elkarrekin korura:

Organoz eta biolatz,

Edo berzez ardura.

Lauda zinbalez, albokaz

Edo berzez Iainkoa:

Hats harzen duten guztiez,

Hau da laudatzekoa.

        Aitak duela loria.

        1. ofiz. Aña. Pulchra.

Ierusalengo alaba,

O zein zaren ederra,

Gazteluko harmadaren,

Bardin duzu indarra.

        2. ofiz. Aña. Ecce ancil.

Iaunaren zerbitzari naiz,

O aingeru zuzia!

Zure hitzaren arauaz,

Gertha bekit guzia.

        3. ofiz. Aña. Ecce Maria.

Huna Mariak daroku,

Iaio Salbatzaillea,

Hau Baptistak erakutsi,

Bekhatu kenzaillea.

        1.3. Kapitulua. Viderunt eam. Cant. 6

        Siongo alabek ikusi zuten eta dohatsutzat estimatu, eta erregeek laudatu zuten. —Iainkoari esker.

        2. ofiz. Kap. Egredietur. Isai. III.

        Ieseren errotik ilkiko da zuhaitz landarea, eta haren, errotik iganen da lorea eta harn ganean pausatuko da Iainkoaren espiritua. —Iainkoari esker.

O Gloriosa

O andre loriakoa,

Zeruez goragokoa:

Nork baitzaitu kreatu,

Ugatzaz duzu bazkatu.

Eba tristeak galdua,

Zutzaz dugu bidaldua.

Egin zara zu leiho,

Gu zeruan sarzeko.

O erregeren athea,

Arraitasunez bethea:

Boz bitezi jendeak,

Huna salbo mendeak,

Birjinaren Semeari,

Sekulako gloriori:

Orobata Aita zuri,

Bai Espiritu-sainduari. Amen.

        1. ofiz. O Iainko.

        Bazkoz. Agur.

        2. ofiz. Espiritu.

        3. ofiz. Misterio.

                Benedictus Dominus. Luc. I.

Zakariaren kanta

Israelgo Iainko Iauna,

Zaren benedikatu:

Zeren duzun pobluori,

Urrikaldez salbatu.

Zeren atheratu duzun,

Bere lazeriatik:

Librarior bidaldurik,

Dabid baten etxetik.

Prometatu zenerokun,

Bethi danik profetez:

Eta patriarka saindu

Zure leial tronpetez.

Behin noizpait bidalzeko

Gure salbatzaillea:

Eta herrosen artetik,

Gure libratzaillea.

Gure buraso zaharren

Hunla kontentatzeko:

Eta zeure testamentaz,

Jendeak orhoitzeko.

Gure Aita Abrahani

Zin eginik hunela:

Gure salbatzera zeror

Ethorriko zinela.

Etsai herros gosearen,

Menetik libratzeko:

Eta beldurtasun gabe,

Guk zu zerbitzatzeko.

Onhetsirik saindutasun,

Eta bai iustizia:

Hemen zure aitzinean,

Pukhatzeko bizia.

Eta zuk, o ene haurra,

Gorenaren profeta,

Haren biden aphainzeko

Aitzindurik tronpeta.

Erakutsiko diozu,

Pobluari bidea:

Penitenzia sainduaz,

Salbatzeko jendea.

Iainkoaren urrikaldez,

Hau behar da gerthatu:

Zeren Iainkoak darokun,

Gain hartarik behatu.

Heriotze ilhunean,

Ez ilhunik uzteko:

Baina bide dohatsuaz,

Gu zerukotz hazteko.

        Aitak duela loria.

        1. ofiz. Aña. Beata Dei.

O zuk, Iainkoaren ama,

Maria dohatsua:

Bethiko birjina xahu,

Tenplu graziatsua.

Espiritu-sainduaren,

Egoitza sakratua:

Exenplu gabe bakharra,

Plazer konsekratua.

Othoitz iazaguzu Kristo,

Zure Seme maitea:

Elizagizonean duen,

Handi pietatea.

Duen emazte debotez,

Oraino pietate,

Eta zure faboreaz,

Guk guztiok boztate.

        Baskoz Regina caeli.

Agur erregina saindu,

Boztasunez bethea: al.

zeren sendo piztu zaitzun,

Zeure seme maitea. al.

Bere hitza konplitu du,

Izaguzu partea. al.

        Kyrie eleison.

Iauna euzu gutzaz pietate,

Kristo euzu gutza pietate,

Iauna euzu gutzaz pietate.

        Domine exaudi orat.

Iauna enzun ezazu ene othoitza.

Eta ene oihua bethor zure gana.

        Othoitza. Deus qui de B.

        Iainko ona, Birjina Maria dohatsuaren sabelean, aingerua zure mandatari izanik, gizon egin zarena, othoitzez gagotkitzu, egiazki hura zure Ama dala sinhetsirik, haren arartekoz zure ganik izan dezagun fabore. Zein bizi baitzara mendez mende. —Amen.

        2. ofiz. Aña. Spiritus Sanctus.

                Espiritu-saindua da,

                O Maria iautsiko:

                Iainkoaren seme Iauna,

                Zure sabelerako. al.

        Kyrietik othoitza leheneko gisa Deus qui de B.

        3. ofiz. Aña. Mirabile.

                Misterio miraria,

                Egun zaiku kontatzen:

                Bi naturaleza dira,

                Elkar gana iuntatzen.

                Iainkoa egin da gizon,

                Lehenor gelditurik:

                Lehen etzuenik hartu,

                Ez ordea pairurik.

                Hargatik ez nahasi da,

                Ez halaber zathitu:

                Ezta bera ganbiatu,

                Baina bai gu goititu.

        Kyrie eta Domine exaudi

        Othoitza. Deus qui sal.

        Salbamendu eternalaren Iainkoa, Birjina Mariaren birjinatasun izorraren bertutez mundua salbatu nahi izatu duzuna, othoitzez gagozkitzu, haren arertekoz ardiets dezagun gure salbamendua, nola haren bidez izatu baitugi biziaren iabea, Iesu Kristo gure Iauna, zein bizi baita zurekin eta Espiritu-sainduarekin, mendez mende. —Amen.

        Orhoitzapenak sainduaz, bestaz, igandeaz,

        astelegunaz, halakorik denean.

        1.3. ofiz. Sainduez. Sancti Dei.

                Gure Iainkoaren saindu,

                Ararteko eztiak:

                Hor gomenda gaitzatzue,

                Salba gaiten guztiak.

                Iauna baithan boz bitezi,

                Bethi jende prestuak:

                Eta loria bitezi,

                Haren bihotz iustuak.

        Othoitza. Protege.

        Iauna begira ezazu zeure poblua, eta eguzu Petri eta Paulo zure apostoluen eta berze zure apostoluen bitartekoz ere bethi fabore.

        Omnes sancti

        Iauna, zure saindu guztiek leku guzietan begite guretzat othoitz, hekin bizitze onaz eta merituez orhoiturik, hekin othoitzak balia dakizkigun, eta iguzu geure, mendean zure bakea, eta zure elizatik ken ezazu gure gaixtakeria guztia eta xuxen ezazu gure bidea, gure akzione eta borondate guztia, eta zure zerbitzariena salbamenduko moldean: emezu gure ungi egilei sekulako ontasuna, eta defuntu leial guztiei sekulako pausuak Iesu Kristo zure seme gure Iaunaren izenean. —Amen.

        2. ofiz. Sainduez. Ecce.

                Huna Iaun ethorriko da

                Saindu guztiak harekin:

                Egun hartan argi handiz,

                Argituko da: boz hekin.

                —Hura agertuko date,

                Iaun hodoi xurian:

                —Eta millionza saindu,

                Han haren konpainian.

                —Iauna entzun ezazu ene othoitza.

                —Eta ene oihua bethor zure gana.

        Othoitza. Consciencias.

        Iauna othoitzez gagozkitzu, gure konzienziak bisitaturik arren garbi ditzatzun Iesu Kristo zure Seme gure Iaunari bere saindu guztiekin ethorzen denean prestatua bat dakion bere egoitza gure baithan, zein bizi baita Iainko, mendez mende. —Amen.

        Domine exaudi.

—Iauna, enzun ezazu ena othoitza.

—Eta ene oihua bethor zure gana.

        Benedicamus Domino.

—Dugun bethi benedika,

Gure Iainko eztia:

—Demogun ahalaz esker,

Egin ahal guztia.

        FIdelium animae.

—Iainko ona zeren zaren,

Guztior pietoso,

—Fidelen arimok bethor,

Salborik lorioso. Amen.

        Hunela othoitzaren ondoan bethi akhabatuko duzu.

        Prima segidan hasten ezpaduzu, errazu ixilik Pater.

—Iainkoak bigu bere bakea.

—Eta sekulako bizitzea.

        Errazu ondoan Salve, edo heldu dena. Konpleten ondoan

        eta trikatzen zarenean gauza bera: trikatzen ezpazara,

        zoaz aitzina, hauk erran gabe.