Begoña'ko ixar zerutarrari

Bizkai'ko mendi polit bateko

Artadi illuntsu ta zarran,

Gabez illargi betia legez,

Agertu Andra-Miren zan.

      Oña, baso ta bazter gustijok

Bere arpegi ederrak

Betetan euzan zeruko argiz,

Danoi eskiñik eskerrak.

      Ordutik ona, lior ta itxasoz,

Miren-arpegi garbija,

Aldi gustittan, da gustijontzat

Goiko zorundun Ixarra.

      Atoz, atoz, ba, bizkattar onak,

Begoña'k daukan Artera:

Zuben Ama ta Jaunguarena

Bertan dagona Bera da.

      Ama mattia, entzun eiguzu

Geure bijotzen arrena:

Zeuk emon ezik argija geuri,

Oso itxutuko geu gara.

      Gaurko Bizkai au,

Ama laztana,

Ezta antziñeko lakua:

Len ekandu ta lagija, ta gaur

Abenda zarra galduta.

      Zaindu gagixuz, geu bizkattarrok...

Erruki, Ama, zakigu!

Eta estuntza gogor-gogorrok

Zeure semioi azkatu.

1895-Garila

Baserritarra, 16'g. zenbakija, 1897-Agorila-15