Mendiko negarra

                           (Batzukua)

                        Ene aberri laztana,

                        Jausi zara España-pian...

                        Obia erijotza da!

         I

      (Bikua)

Aberrija, nok

Ikusi zendun

Iñoz erbestek

Bezauta!

Orain gustirik

Txarrena

Zeure jabe

Eta jauna da.

Zelan lotsaz il etzara!

         II

Antziñan zeure

Jaun nagositxat

Goikua zendun

Bakarrik.

Orain erbeste

Dongerik

Dongienak

Zagoz beturik.

Il baño ezta oberik!

         III

Zeure basotik

Atzo igoten zan

Eskari ona

Zerura.

Gaur erdeldunak

Sartuta,

Axia emen

Birauz bete da.

Zelan ondiño il etzara!

         IV

Len zeurentzako

Lagi gustijak

Zeuk egiten oi

Zenduzan.

Gaur motzak einda

Españan,

Zeu salduta

Zagoz an bertan.

Zegatik iltzen etzaran!

         V

Areitz-azpijan

Len bizkattarrak

Batzarrak-etten

Ebezan.

Gaur Aretxeko

Ganian

Danak dabiltz

Zoli dirutan.

Ta, bixi zara zeu olan!

         VI

Zeure semiak

Zenduzan atzo

Zeure buruba

Zaintzeko.

Arerijuak

Oraindo

Eruaten

Dautzuz galtzeko.

Eta, etzara il onddiño!

         VII

Ekandu onak

Asabaeri

Zoruna emon

Len eutsen.

Ara motzenak

Gaur emen

Zeure bijotz

Garbija usteltzen.

Ta zeu, Ama, etzara iltzen!

         VIII

Abenda Zarra

Zeure semiak

Irauten eben

Len utsik.

Arrotzakin gaur.

Nastaurik,

Zeurentzako

Ezta odolik.

Zelan etzara il bertotik!

         IX

Len zeure seme

Eta alabeak

Ezesten eben

Arrotza.

Españarrakin

Batuta,

Gaur ezkontzen

Dabe ber-bera.

Oraindik zeu bixi zara!

         X

Len euzkerea

Zeuk belarrijan

Zentzuban biar

Zan legez.

Euzkeldun garbi

Bat berez

Ezin da gaur

Idoro iñunbez.

Zelan etzara il zeu lorrez!

         XI

Goiko Jaun ona

Kendu dautzunak

Lagi zarrak dauz

Suzitu;

Abendea be

Il dautzu,

Ta euzkera

Dana zatittu.

Ta, olan bixi nai dozu!

         XII

Eztakust orain

Zeure zeruban

Gurutz Zurija

Argirik;

Ez zelayan bez

Azirik

Areitz Deuna

Orleiz jantzirik.

Ta, bixi zara bilosik!

         XIII

Gurutz Zurija

Baltzittu da ta

Areitz orleya

Orittu.

Geratu ezer

Etxatzu:

Seme onik,

Ama, eztozu.

Il, Aberrija, zakigu!

         XIV

Obi-onduan

Negarrez zakust

Miñez beterik,

Gaxua!

Amatau yatzuz

Gogua

Eta odol

Orren berua.

Ta, Ama, ondiño il etzara!

         XV

Ez egin negar:

Etzaut, Ama, nai

Negar-egiñik

Zu ikusi:

Zeure negarrok

Motzari

Eragitten

Dautso barre-irri.

Il, Ama, laster! Il zadi!

1896-Orrila

Baserritarra, 13' g. zenbakija, 1897-Garila-25