BONAPARTAK

Izen hori aspaldi bazen Italian,

Aiphatzen zuten gora mende hamabian.

Lomellini, Medicis, arian horrekin,

Bizi ziren iadanik zenbait argirekin.

Bazuten Venizian Bonapart izena,

Urrezko liburuan, ohorez emana.

Adar horrek baditu gizon aiphatuak,

Erroman kardinale, bai aita sainduak,

Kapuxino bat hila saindu omenean,

Erran gabe zenbat den lerro iakinean.

Arrastoak badire, Florenzian gaindi,

Bonapartak zirela ezagun aspaldi.

Korsan ikusten dire odolez lehenak,

Ahaide dituztela Ornano, Kolonnak.

Bonaparten izena zuten garraiatzen,

Bainan premuak ziren Napoleon deitzen.

Ursinsen ganik zuten izen hori hartu,

Morthutako lehoina erran nahi baitu.

Odol horrek baditu ethorkiz argiak,

Ilhunbez ere kasik nolaz peit biziak;

Mirakuluz bezala, iotzen du Korserat,

Eta handik segidan franses eskolarat.

Napoleon lehenak zaukan kasu guti,

Zer ethorki zukeien bere aitaz goiti:

Montenotte zeraukan ethorki nausia,

Han baitzitzaion hasi hirriz bitoria.