Eta jaso egunkarian

azkenengo orria

oraindik berria

dago

elurrez jantzia dagoen

ametsetan

azkenengo kolpearen odol gorria.

 

Eta jaso egunkarian

ametsez

ametsago dadin

elurretan zuri

orlegi dagoen itxaropen

tantoa.

Tontoa

izango da itxaropenetan

elurrago

zuri ametsez

biltzen ez badu

oraindik gorri dagoen

itxaropen odol

beroa.

 

Eta jaso egunkarian

oraindik

bete ez den

ametsaren katilu ezezaguna.

Biziaren ametsez

orlegiago

koarto bazterrean geratu den

zoko

pinua, argi erosietan gogoz

dagoen

ametsezko ametsa.

 

Eta jaso egunkarian

horitzen ari den

itxaropenaren

izen

dagoeneko motelegia.

Gizonaren bihotzaren

kolpea

pauso bat baino

oraino

motzago

elurretan zuriz

amets.

 

Eta jaso egunkarian

iadanik

erori den

azkenengo orria,

pauso ezinean dabilen

bizitzaren susmo

suzko

akabera iluna,

itxaropenaren adar zimela

erori den

itxaropen

tantoen

lurruna.

 

Eta jaso egunkarian

egunkaria bera,

eta ezar

ordez,

egun berrien jabe den

egunkaria.