ETENARI BURUZKO MANIFESTU BAT SEI ERRETENETAN Eguna ez bada gauaren etena esnatzea ez bada ametsa etetea gosaltzea ez bada gosearen orroa etetea...
Etenda berrabiarazten gara goizero: ogia eten gurina eten irratiari hitza airean utzita atearen bestaldera igaro bizikidetza etenda.
Etenean naiz, elipsia naiz intermitentea naiz.
Eta etenda sentitzen naiz aldi gehiegiz: urrunago somatzen dut, adibidez, maite dudan jendea orain jende gehiegik daramalako zakur bat lagun eta bikotea maskotaz baina batez ere, orain jende gehiegik daramalako zakur bat baitan.
Etenean naiz, etenean gara sinekdokea, zatia osoa izendatzeko edo alderantziz, osoa zatitan, ez dakit.
Etena bada bi buru edo muturretatik teinkatuz haustea etena bada prozesu bat amaitu aurretik gelditzea etena bada urradura, isilaldia, pausa, hutsegitea, jarraia ez dena etena bada zatikatua, osatugabea, maingua etena bada greba, iraultza, aldaketa eteten dira haurdunaldiak, harremanak, esaldiak, zubiak eteten dira kontratuak, akordioak, elkarkidetzak eteten dira istorioak, paperak, bideak
baina et, et, et
Eten nadin, eten dezadan kontaduria hau gogaikarri jarri aurretik.
ETENARI BURUZKO MANIFESTU BAT SEI ERRETENETAN |