ETENARI BURUZKO MANIFESTU BAT SEI ERRETENETAN Urduri nago, ez dispertso eta asmatu ezinda nabilelako, hori ohikoa zait aspaldion, Iñigo eta Itziar Iruretagoienak niganako erakutsi zuten konfiantza aseko ez dudalako baizik.
Eta urte batzuetatik hona autoestimu kulturalarekin aixkidetuta ez nagoenez, Chat GPT4ri, Maiakovskiren estilora hausturari buruzko poema metasortzeko eskatu nion, eta antzerako zerbait idatzi zidan:
(itzulpena eta moldaketak nireak dira):
Hautsi! Hemen eta orain! Kateak apurtu, arauak inorrarazi, ezarritakoarekin eten.
Hautsi! Jokoaren arauak desegin! Konbentzioak uxatu, tradizioak ahaztu aurrera egitea zailtzen digunarekin eten.
Hautsi! Iragana iragazi! Oroitzapenak ezereztu, itxaropena galdu, atzera lotzen gaituenarekin eten.
Hautsi! Oraina suntsitu! Egunerokotasuna berriztu, apatia desagerrarazi, uneaz gozatzea eragozten digunarekin eten.
Hautsi! Etorkizuna ahaztu! Aurreikuspenak birrindu, biharra irudikatzeko inperatiboarekin eten.
Hautsi! Dena kamustu! Ezagun dena ezezagundu, etxekoa arroztu gu izatea oztopatzen digunarekin eten.
Hautsi! Falaziak moztu, ilusioak galdu, hurkoarengandik ikastea mugatzen digunarekin eten.
Hautsi! Beldurra ukatu! Konformismoa mespretxatu, epelduria kondenatu, militatzea debekatzen digunarekin eten.
Hautsi! Kaskarkeriarekin amaitu! Adostasunak salatu, bake sozialak leherrarazi, baztertzen, ukatzen eta menosten gaituztenekin eten.
Kraskatu, akitu, ahuldu, herniatu. Sortzeko eten! Geratu garatzeko, apurtu eraikitzeko, eten libre izateko.
Ejem.
Ez dakit 1923rako balioko zukeen, baina 2023rako?
Ezen, etenago dago predikatzen dudanaren eta adierazten dudanaren esaten dudanaren eta ulertzen denaren arteko aldea etena dago hitzaren eta gertakariaren artean etena dago gertakariaren eta errealtzat daukagunaren artean etena dago artean horretan, baiki etena dago artean ere egilearen eta bere obraren artean esku hartze teknologikoagatik, hartzailearen nagikeria eta akritikotasunagatik, denok ezberdin baina denok antzeko eta homologagarri izateko keriagatik. edo edonor saritzen dutelako.
baina et, et, et...
ETENARI BURUZKO MANIFESTU BAT SEI ERRETENETAN |