BENEDICITE

        Jaunaren egintza guziak, Jauna benedika zazue; ospa eta mendeetan oroz-gainetik gorets zazue.

        Jaunaren aingeruak, Jauna benedika zazue; ortziak, benedika zazue Jauna.

        Ortzi-gainetako ur guziak, Jauna benedika zazue; Jaunaren dohain guziak, benedika zazue Jauna.

        Iguzkiak eta ilhargiak, Jauna benedika zazue; ortziko izarrak, benedika zazue Jauna.

        Zareten uri-ihintzak, Jauna benedika zazue; Jaunaren izpiritu guziak, benedika zazue Jauna.

        Suak eta khaldak, Jauna benedika zazue; hotzak eta beroak, Jauna benedika zazue.

        Ihintz-izotzak, Jauna benedika zazue; hormateak eta hotzak, benedika zazue Jauna.

        Hormak eta elhurrak, Jauna benedika zazue; gauak eta egunak, benedika zazue Jauna.

        Argiak eta ilhunbeak, Jauna benedika zazue; simistak eta hedoiak, Jauna benedika zazue.

        Lurrak Jauna benedika beza; ospa beza eta oroz gainetik gorets mendeetan.

        Mendi eta mendixkak, Jauna benedika zazue; lurraren gainean muskiltzen zareten guziak, benedika zazue Jauna.

        Ithur-urak, Jauna benedika zazue; itsasoak eta hibaiak, benedika zazue Jauna.

        Arrain eta urpetan erabiltzen zareten guziak, Jauna benedika zazue; airetako hegastin guziak, Jauna benedika zazue.

        Abere eta aziendak, benedika zazue Jauna; giza-semeak, Jauna benedika zazue.

        Izraelek benedika beza Jauna; ospa eta oroz gainetik gorets beza mendeetan.

        Jaunaren aphezak, benedika zazue Jauna; Jaunaren zerbitzariak, Jauna benedika zazue.

        Izpirituak eta zuzenduruen arimak, benedika zazue Jauna; sainduak eta bihotzez aphaletsiak zaretenak, Jauna benedika zazue.

        Ananias, Azarias, Misael, benedika zazue Jauna; ospa eta oroz gainetik gorets zazue mendeen-mendetan.

        Benedikatzen ditugu Aita eta Semea, Izpiritu Sainduarekin batean; ospatzen eta oroz gainetik goresten ditugu mende guzietan.

        Benedikatua zare, Jauna, zeruetako ortzian; ospagarri eta handiesgarri zare, eta oroz gainetik goretsia zare mendeetan.

        Benedikatua zare, Jauna, zure erreinuko jar-lekhuan, goresgarri zare oroz gainetik, eta goretsia zare mendeen-mendetan.

Donibane-Lohitzun uztailaren 29 1856

J. Duvoisin

Ezpeletarra