ESKAILERETAN JESARRITA

 

Itxaron ohi nizun eskaileretan jesarrita

zurekin gogoratu naiz gaur arratsaldez

une batez niregana etorriz ikusi zaitut

nire begirada lausoan orbana baitzinan

nik beti ez ikusiarena egiten nuen

nire alboan izan baino lehen

gauza ez nintzelako

zure soari eusteko musukatu aurretik

gogoratu dut eskailera horietan jesarrita

nire barkamena espero zenuela

oraindik ere ez dakit zuri barkatzea

benetan aukerarik zailena zenentz

ez ote nintzen ni preso zegoen bakarra

librea zen norbait bahitzen saiatzean?