IRLAK OLATU ZAIN

 

Isolaturiko irlak gara

ez dagokigun aro honetan

mareak gutariko gehienok irentsi gintuen

luzapen mingots honen hondarrak

jasotzeari uko egin genionean

uretan beste batzuen bila

dabiltzan irla bakartiak gara

iraganaz mintzatu ahal izateko

etorkizunari buruz

inoiz ez baitzitzaigun ezer aipatu

bizitzak itxaropena ebatsi zigun irla antzuak gara

marea berri baten olatu isilak

noiz itoko jardunaldiak ematen dituzten irlak