Porroten bilduma
David Tijero

Birmingham, 2007

 

 

ESALDI GALDUAK

 

Zenbat esaldi geratu dira libre?

zenbat lerro erreko dira airean?

ideiek ihes egiten dute buruan preso egon arren

zorizko zubi elektrikoetan sakabanatzen dira

tranpez beterik dagoen burmuinean

eskuak geldoak dira

barneko gudaren itzulpen eskasa dira hitzak

ezindua, gutxitua, dena doa

lur biziak harresia apurtu du

ez du inor behean harrapatuko

bidaia hau ere bakarrik egitea erabaki nuen.

 

Porroten bilduma
David Tijero

Birmingham, 2007