BELGUNDARIA

Yaioterri, aide ta atsegiñak

Alde batean utzita

Misiolari gartsu bikaina

Badijoa urrutira;

Pozez eta egan itsas uinak

Daramate itsas ontzia;

Orra, eldu da ontzi arina

Yaungoikoaren mastira.

Txit-aundia da bere arloa.

Atzapar beltzen mendean

Miloika dauzka etsai gaiztoak

gizon zar, gaste, umeak.

Maitasun sua eurrez dariola

Kristoren adiskideak

Zabaltzen du bere Berriona

Kristo Yaunaren Bidea.

Otz eta bero, gose-egarritan

Bigungarri bat darama.

Bere neke ta saminalditan

Lagun bat da, bat bakarra;

Onek urtzen dizkio eztitan

Naigabe samin garratzak;

Auxe da duan zorionikan

Kristro Yaunaren gurutza.

Bere gorputza zauriz gorria

Eta ubelduz betea

Eskuan dauka, dago begira

Laztantzen du, bai, maitea;

Egun guztitan bere bizia

Eskeñirik jeikitzean

Beragatikan iltzeko naia

Daukala, dio, lurrean.

Onela goiko gure Yaunari

Opaldurikan bizia

Biurtzen dio txit zoragarri

Bere sinismen garbia.

Lagun daiogun guk ere gaurtik

Bakoitzaren al neurrian

Bizi gaitezen gaizkatuakin

Betiko zorionian.

                        IRURETAGOYENA'TAR Jon

                        Seminarium Conciliare