Arotz bati ziyoten...

          1

Arotz bati ziyoten

mandatuba laja:

al zuben azkarrena

egiteko kaja,

Don Gaspar Lizarralde

ipigandu zediñ.

          2

Arotzak esan ziyon

mandatariyari

«Nik artu biar diyot

neurriya berari,

kaja gorputzarentzat

justu irten dediñ.

          3

Eta nora juango naiz

artzera neurriya?»

«Done Migel kalera,

etxe bat berriya

an ikusiko dezu

balkoi urdin duna.

          4

Bigarren bizitzara

juan zaitia billa,

an arkituko dezu,

pulmoniyak illa,

kaja lenbailen egiñ

biar diyozuna.»

          5

Juan zan gure arotza

listoi bat artuta,

eta, esan ziyoten

etxera sartuta,

bigarren bizitzara

iyo zan aguro.

          6

Bañan iyo zanian

kezketan jarri zan,

okerreko lekuba

zitekela izan;

pixka bat duda-mudan

egon eta gero,

          7

bi golpe atiari

eman zizkan: Da! Da!

Eta irten zanari

egin ziyon galda:

«Don Gaspar Lizarralde

emen bizi al da?»