DABIDEN GORANTZAK EDO PSALMIAK

GORANTZA I.

Xüxenen zori huna, egin-bidiak eta egin-biden saria. Gaxtuen zorigaitza.

        1. Dohatsü sinhets gabe dienen goguala iralli ezten gizona, eta ogengilen bidian baratü eztena, eta gaxtuen üzürrizko züzülian jarri eztena.

        2. Bena Jaunaren legiari lothürik, legia egünaz eta gaiaz goguan dabilana.

        3. Eta hur bazterrian lanthatürik, früitia bere aruan emaiten dien zühaña üdüri beitüke.

        4. Eta haren ostua ezta eroriko, eta haren eginak oro untsa heltüren dira.

        5. Sinhets gabiak eztira ez halako, aiziak lür gañetik eramaiten dien erhautsa bezala beitira.

        6. Hortakoz ere sinhets gabiak eztirade phiztüren jüjamentian, ez eta ere ogengiliak jüstuen bilkhüran.

        7. Jaunak ezagützen beitü jüstuen bidia, eta sinhets gaben bidia galdüko da.

GORANTZA II.

Etsaiak ezintürik daude. Erregek goithzen tü, eta erreginatzen da.

        1. Zentako jentiak burrünbaz jaiki dirade, eta zentako egin düzte giz'eliek balheiüzko goguak?

        2. Txütitü dira lürreko erregiak, eta printziak algarri jüntatü Jaunaren eta haren Khristuaren kuntra.

        3. Ethen detzagün haien hediak, eta gütarik hürrün urthuk dezagün haien üztarria.

        4. Zelietan daguenak erri eginen deie, eta Jauna haiez trüfatüko da.

        5. Ordian bere koleran mintzatüren zaie eta bere fürian ikhar'eraziko dütü.

        6. Ni, aldiz, errege ezarri nai Sioneko bere mendi saintian, haren maniak iaurt ditzadan.

        7. Jaunak erran deit: Ene semia zia zü; egün sorthü zütüt.

        8. Galth'ezazü, eta huntarzüntako emanen deitzüt giz'eliak, eta bürüzagigua lür bazterrialano.

        9. Ern'eraziko dütüzü bürdüñazko zaharuaz eta phorrokatüko dütüzü gathülü giliaren untzia bezala.

        10. Eta orai, erregiak, entheleg'ezazie, eta ikhas ezazie ziek, lürra jüjatzen düzienek.

        11. Jauna zerbütx'ezazie beldürrian, eta hartan alagera zizteie ikharaz.

        12. Erakhutspenari loth zizteie, azkenian Jauna khex' eztadin, eta gal etzizteien bide xüxenetik kanpo.

        13. Haren khexia laster herakitzen beita, dohatsü hari behatzen dienak oro.

GORANTZA III.

Dabiden othoitzia Absalunen armadaren ihes duelarik. Bere bihotz minian Jaunari hersatzen zaio, haren ganik salbamentia horra delakoz.

Dabiden khantoria Absalun bere semiaren ihes zuelarik.

        1. Jauna, zentako hanitxtü dirade ene lasterk'erazliak? Hanitx ene kuntra jaikiten dütüzü.

        2. Hanitxek diozie ene arimari: Jinkua ganik ez ügürüki salbamentürik.

        3. Zü hatik, Jauna, ene begirazalia, ene loria eta bürü altx'erazlia zirade.

        4. Jaunari oihü eta hel egin deiot, eta bere mendi saintütik entzün nai.

        5. Etzan niz eta luak hartü nai; eta jaiki niz, Jaunak hartü benai bere estalgi pian.

        6. Milaka üngüratzen naien giz'elien eniz beldür izanen. Txüti zite, Jauna, salba nezazü, ene Jinkua.

        7. Jo beitütüzü, nik merexi gabe, ene kuntra zienak oro; ogen giler hautsi beteietzü hortzak.

        8. Salbamentia Jaunian da, eta zük, ene Jinkua, benedikatzen düzü zure popülia.

GORANTZA IV.

Jaunari sokhorri galthatürik, Dabidek bere etsaiak bakiala khümitatzen tü.

Khantoren ürhentzeko Dabiden khantoria.

        1. Othoiez nintzeiolarik, ene xüxenguako Jinkuak ardietsi nai; tinkatürik nielarik bihotza zabaltü deitazü, ene Jinkua.

        2. Ürrikalt zakitzat, eta ene othoitziari beha zite.

        3. Gizon semiak, nuiz artino phezü dükezie bihotza? Zentako maite düzie harrotarzüna, eta gezür bilha zabiltze?

        4. Jakin ezazie Jaunak loriaztatü diela bere saintia. Behatüren zait Jauna oihü egiten derokedanian.

        5. Khexa zizte, eta ez ogenik egin; goguan ebilten tüzienetzaz ohian dolü zizte.

        6. Xüxenguako sakrifizio bat egizie, eta Jaunian esparantxa har zazie; hanitxek beitioie: Nurk erakhutsiko deizkü gaiza hunak?

        7. Jauna, zeinhatürik düzü gütan gañen zure begitharteko argia; ene bihotzari boztario eman derozü.

        8. Aberastü tüzü ogizko, arduzko eta oliozko ekhoitzpenez.

        9. Ni aldiz, bakian lo gitez, gozatüko nüzü ene phausiaz.

        10. Zük, Jauna, berheziki esparantxan bermatü benaizü.

GORANTZA V.

Profetaren othoitzia. Ogen giliak eztira Jinkuaren aitzinian agertüko. Gaitzez betherik dirate, xüxenak aldiz huntarzünez eta loriaz.

Dabiden khantoria huntarzüna ükhen dienari.

        1. Ene elher gogo emezü, Jauna, eta entzün ezazü ene oihia.

        2. Beha zite ene othoitziaren botzari, ene errege Jauna.

        3. Zü othoitüko beitzütüt; Jauna, goizik entzünen düzü ene botza.

        4. Goizan txütitüko nitzaizü, eta ezagütüko dit etziradiela gaizki nahi dien Jinko bat.

        5. Zure khantian eztüzü egonen gaxtua, eta ogen giliak zure begien aitzinetik hürrüntüko tüzü.

        6. Zük hügüntzen tüzü gaizki giliak oro; gal erazten ere bai gezürtiak oro.

        7. Jaunak hastio dü odol ixurlia eta inganazalia. Ni aldiz zure ürrikaltarzün handian,

        8. Sarthüko nüzü zure etxen, eta beldürrez betherik othoitüko zütüt zure eliza saintian.

        9. Lagünt nezazü, Jauna, zure xüxenguako bidian; ene etsaiak diela kausa, ebil eraz nezazü zure begien aitzinian.

        10. Egiarik ahuan ezpeitüte, bihotza thüsto dizie.

        11. Tzüntzürra leze zabal bat bezala beitüte, falsüki ari zütüzün mihiz; jüj'itzatzü, Jinkua.

        12. Elhort eraz itzetzü bere goguak; zure ganik hürrünt eraz itzatzü, bere gaxtokeriak diela kausa, therritatü beitzütie, Jauna.

        13. Eta alagera ditiela zütan esparantxa dütienak oro, bethi alagranzian beitirate, eta haiekin beitzirate.

        14. Eta zütan loriatüko dütüzü zure izena maite dütienak oro, zük benedikatüko beitüzü xüxen dena.

        15. Jauna, zure amodiuaz üngüratü gütüzü estalgi batez bezala.

GORANTZA VI.

Dabidek eritarzün batetan galthatzen deio Jaunari ezti eztiki trata dezan. Osagarria Jinkua ganik ügürikitzen dü, eta bere etsaien ihakinez trüfatzen da.

Dabiden khantoria azken zortzigerren lerroko.

        1. Jauna, enezazüla hez zure fürian, ez eta ere kaztiga zure khexian.

        2. Ürrikalt zakitzat, Jauna, flakü beniz; sendo nezazü, Jauna, ezürrak oro harritürik beitütüt.

        3. Büria oro nahasirik dit; bena zük, Jauna, nuiz artino hola ütziko naizü?

        4. Ützül zakitzat, Jauna, eta solt'ezadazü arima, salba nezazü zure ürrikaltarzünaren amorekati.

        5. Heriuan nihur ere eztüzü zützaz ohart denik, infernian aldiz nurk laidatüko zütü?

        6. Akhitü nüzü ene hasperenetan; gai oroz ene nigarrez latsatüko dit ohia, nigarrez bustatüko dit ene etzangia.

        7. Errabia khexiak thürbüstü ditazü begia; zahartü nüzü ene etsai güzien artian.

        8. Hürrünt zizte ene ganik gaizki giliak oro, Jaunak entzün beitü ene nigarren herotsa.

        9. Jauna ene heiagorari behatü da; Jaunari ene othoitzia agradatü zaio.

        10. Ahalke gorri ditiela eta lotsaz ikhara ene etsaiak oro; gibelialat ützül bite lasterka eta ahalkez gorri.

GORANTZA VII.

Jaunari heiagoraz ari da Dabid, Saulek lasterkatzen dielarik. Etsaier dioie Jaunak kaztigatüko tiela.

Dabidek Jaunari khantatü zeion gorantza, Khüs Jeminien semiaren elhen kausa.

        1. Ene Jinko Jauna, esparantxa zütan hartü dit; begira nezazü undotik horra zaiztan etsaietarik, eta salba nezazü.

        2. Bizia lehuak bezala eraman ezteizadan, nihurk ere ezpanai haren eskietarik idekiten eta salbatzen.

        3. Ene Jinko Jauna, egin balin badüt hori, ene eskietan gaizkirik balin bada,

        4. Gaizki egiten zeitaner, gaizkia ützüli badeiet, eror nadila, merexi bezala, ene etsaien azpiala.

        5. Etsaiak lasterka dezala ene bizia, eta atzaman; ostika dezala ene bizia, eta erhauts dezala ene loria.

        6. Jaiki zite, Jauna, zure khexian, eta erakhuts ezazü zure ahala en'etsaien bazterretan.

        7. Eta jaiki zite, ene Jinko Jauna, eman düzün maniaren arabera; eta giz'elien bilkhüra dükezü üngürian.

        8. Hortakoz zuatza gora. Jaunak jüjatzen tü giz'eliak.

        9. Jüja nezazü, Jauna, ene xüxentarzünaren arabera, eta ene ogen gabetarzünaren arabera.

        10. Ogen gilen gaxtokeria akabiko düzü; xüxena lagüntüko düzü zük, bihotzak eta errañak ikhertzen beitütüzü, Jinkoa.

        11. Arazuki Jauna ganik ene lagüntzia, bihotz xüxenak salbatzen beitütü.

        12. Jinkua jüje xüxen, azkhar eta lüzakor, egün oroz khexatzen deia?

        13. Ezpalin bazireie haren ganat ützültzen, ber'ezpata iharrausiko dü; hedatüko dü üzteia eta prest etxekiten dü.

        14. Eta hartan adelatü tü herioko untziak; bere flexak sü-garstatü tü.

        15. Etsaiak sorthü dü gaizkia, bihotz-min ükhen dü, eta gaxtokeria sorthü dü.

        16. Mala zilo bat egin dü eta barnatü, eta egin dien zilo barna erori da.

        17. Orano ere bürütik min düke; eta bere gaxtokeria eraitsiko zaio bürü gaña.

        18. Xüxen delakoz laidatüko düt Jauna, eta Gaingainko Jaunaren izena khantatüko.

GORANTZA VIII.

Jinkuaren lan miragarriak. Guretako dien ürrikaltarzün müga gabekua. Egin dütienak oro gizonaren eskü pian ezarri dütü.

Ürhentzeko Dabiden khantoria lakiuen gañen.

        1. Jaun gure Bürüzagia, lür güzian zuñ eder den zure izena!

        2. Zure handitarzün ederra igaran düzü zelü gañiala.

        3. Haurttuen ahuan eta egoskizalenian ere gorantza ederrak ezarri tüzü, zure etsaiaren eta mendekazaliaren arrabaskatzeko.

        4. Soz naguenian zelier, zure erhiko laner, argizagiari eta egin dütüzün izarrer,

        5. Zer da gizona hartaz zü ohartzeko, edo gizonaren semia haren ikhustera zü jiteko?

        6. Aingüriak beno beheraxiago ezarri düzü, loriaz eta uhurez khoruatürik, zure esküko lanen bürüzagi.

        7. Oro zankho petan ezarri derotzü, ardi eta idi güziak, eta hoiez gañeti kanpoko aberiak;

        8. Zelüko hegaltariak, eta itxasoko arrain, itxas barneko bidexketan igerikariak.

        9. Jaun gure Bürüzagia, lür güzian zuñ miragarri den zure izena!

GORANTZA IX.

Dabidek esker emaiten deio Jinkuari, hunki egin dielakoz Israeltarrer, eta berheziki Dabidi. Agertzen tü gaxtuen xederak eta eskeliaren pazenzia.

Semiaren koxelien gañen Dabiden ürhentzeko khantoria.

        1. Aithortüko zütüt, Jauna, bihotz oroz; erranen ditit zure edergallü güziak.

        2. Zütan boztüko eta alageratüko nüzü; zure izena khantatüko dit, Gaingainkua.

        3. Ene etsaia gibelt erazi dükezünian, engoxatüko tüzü eta hilen zure aitzinian ni hügüntzen naienak.

        4. Eman beteitazü züzen, eta ene althe jarri beitzia; zure tronuan jarri zirade xüxenguan aritzeko.

        5. Zaflatü tüzü nazioniak, eta sinhets gabia hil düzü; haien izena galdü düzü sekülakoz, mendez mendekoz.

        6. Etsaien axkorak lanpüstü dütüzü bethiko, eta haien hiriak barreiatü.

        7. Orhizpena galdü dizie herots handitan; eta Jauna bethiko dago.

        8. Bere tronua adelatü dü jüjatzeko, eta berak bardinian jüjatü dü lür güzia, bardinki jüjatü dütü giz'eliak.

        9. Eskeliaren heupe izan da Jauna; behar ordian heltzen zaio bere eskarniuan.

        10. Zütan esparantxa dezela ezagütü zütienek; zure bilha dabilzienak ezpeitütüzü ützi, Jauna.

        11. Soñü egizie Sionen daguen Jaunari; haren zühürtzia barrei'ezazie giz'elien artian.

        12. Odol mendekazalia haiez ohartü beita, ezpeitü ahatze eskelen oihia.

        13. Ürrikalt zakitzat, Jauna, soizü nula beheratü naien etsaiek.

        14. Herioko portaletarik gora eramaiten naizü, zure gorantzen erraiteko nik Sioneko alhabaren portaletan.

        15. Boztariotüko nüzü bizia begiratü deitazülakoz; giz'eliak sarthü beitirade egin zeitaden zilo barnen.

        16. Gordallian hedatü zeitaden zephuan haien zankhua hartü beita.

        17. Ezagüt dezela Jaun züzen emailia; ogen gilia bere eskü lanetan atzaman beita.

        18. Ifernialat duatzala ogen giliak eta Jinkua ahatzten düten giz'eli güziak.

        19. Sekülakoz eztateke eskelia ahatzerik, sekülakoz eztateke eskelen pazentzia inganatürik.

        20. Txüti zite, Jauna, gizona azkhar eztadin; jüja ditiela nazioniak zure aitzinian.

        21. Bürüzagi ezerzü legemaile bat, jentek ikhas dezen gizon diela.

        22. Zentako, Jauna, hürrüntü ziade ene ganik, eta ezteitazüt kasüik egiten ene beharretan, ene eskarniuan?

        23. Bürü mentsa hantzen delarik, eskelia zankhopetan diagozü; bere gogoketan inganatzen dütüzü.

        24. Bere bihotzeko nahiküntietan laidatürik beita ogen gilia, eta hunetsirik gaxtua.

        25. Ogen giliak therritatü Jauna, eta bilhatzera etzaio juanen.

        26. Haren begietan eztüzü Jinkorik, zer nahi denboraz haren bidiak lohizün dütüzü.

        27. Zure jüjamentier eztiezü kasürik egiten, bere etsaiak goithüren ditizü.

        28. Bere bihotzian erran beitü: Undokuetarik undokuetarano eniz igitüko, gaitzik gabe egonen niz.

        29. Ahua mareditzionez, gaxtokeriaz eta falsükeriaz betherik dizü, gaxtokeria eta bihotz mina mihi pian ditizü.

        30. Gordallian huntarzünak gorderik erphai diagozü ogenik eztienaren erhaiteko.

        31. Eskeliari begiez soz gordallian hedatzen diozü zephua, kharbian daguen lehuak bezala.

        32. Erphai diagozü eskeliaren atzamaiteko, eraman ahal dezan jin erazi dükienien.

        33. Eror eraziko dizü bere zephuala; bera aphaltüko düzü, eta iralliko, eskelia goithü dükienian.

        34. Bere goguan erran beitü: ahatzkortü da Jinkua, büria ützüli dü behin ere deusik ikhus elezan.

        35. Txüti zite, ene Jinko Jauna, altx'ezazü besua, ez ahatz eskelia.

        36. Zentako sinhets gabiak therritatü dü Jinkua? Bere goguan erran beitü arranküratüren eztela.

        37. Ikhusten düzü, eskarniuer eta bihotz miner soz beitzaude, ogen giliak atzaman detzatzün.

        38. Eskeliaren hunkigilia zirade, eta aitama gabe direnen zaña.

        39. Phorrok' ezazü ogengiliaren eta gaxtuaren besua, ogenik txerkhatü unduan ezpeteie edirenen.

        40. Jauna erregiñatüko da bethi, eta mendez mende. Jentiak galdüko zizteie harren lürretik.

        41. Eskelen nahiari behatü da Jauna. Zure beharriak entzün dizü, Jauna, haien bihotzeko adelagua,

        42. Züzen emaiteko ait' ama gabe eta zaphatürik denari; handiagotzea lürrian iseia eztadin gizona.

GORANTZA X.

Mendialat ihes egin lezan erranik adixkidek, Dabidek ihardesten deie eztela deusen lotsa Jinkuan ezarriz gerozti bere fidanza.

Dabiden ürhentzeko khantoria.

        1. Jinkuan düt ene fidanza, nulaz diozie ene arimari: Txoria bezala zuaza mendialat?

        2. Ogengilek hedatü dielakoz üzteia, ülhünpian ere adelatü dütielakoz flexak untzian, bihotzez xüxen dienen gaña thiratzeko.

        3. Zük untsa eginak barreiatü beitütie, xüxen denak aldiz zer egin dü?

        4. Jauna dago bere eliza saintian; Jaunak bere jargia zelian.

        5. Begiak soz dütü eskeliari, bephüriak aldiz gizon semer galthoz.

        6. Xüxen denari eta gaxtuari Jauna galthoz dago; gaxtokeria maite dienak arren hügünt dü bere arima.

        7. Ogengiler igorriko tü zepho errauntsiak: süia, sofria eta hegua barreiazalia haien dirate.

        8. Jauna xüxen beita, xüxengua maite dü; xüxenguari josirik dütü begiak.

GORANTZA XI.

Mendeko hirokeria eta gizonen gaxtokeria khantore huntzalia Jinkuari heiagoraz ari da. Etsaiak galdüko diela dio.

Ürhentze zortziko Dabiden khantoria.

        1. Salba nezazü, Jauna, saintiak mentstü dielakoz, egiak nahasi dütielakoz gizon semek.

        2. Batak bester ezdeuskeriez mintzo dütüzü, ezpañak faltsü eta bihotza okher dütielakoz.

        3. Gal eraz bitza Jaunak ezpañ faltsü güziak eta mihi lüziak.

        4. Erran beitüte: Mihia loriatüko dügü, guriak dütügü ezpañak; nur dügü bürüzagi?

        5. Eskelen gabezia dela kausa, eta haien heiagoren gatik, jaikiko niz orai, erran dü Jaunak.

        6. Ezarriko tüt lekhü segürrian, nahi bezala beitioket hori.

        7. Jaunaren elhiak, elhe garbiak, zilhar süian igarana, lürrian xahatia, zazpitan garbitia üdüri düte.

        8. Jauna, begiratüko gütüzü, sekülakoz arraza huntarik begiratüko gütüzü.

        9. Sinhets gabiak üngürüz dabiltzatzü; zure goratarzünaren arabera hanixtü tüzü gizonen haurrak.

GORANTZA XII.

Bihotz minetan denak Jinkuari egiten deitzon othoitziak.

Dabiden ürhentzeko khantoria.

        1. Nuiz artino, Jauna, ahatziko naizü? Bethiko? Nuiz artino ützüliko deitazü zure begithartia?

        2. Nuiz artio gogoz betheko düt büria, nuiz artio egünaz bihotza düket minetan?

        3. Nuiz artino ene etsaiaik (sic) gaintitüren nai? Soizadazü, eta beha zakitzat, ene Jinko Jauna.

        4. Arg' itzatzü ene begiak heriuan behin ere loik egin eztezadan, erran eztezan ene etsaiak: Hura goithü düt.

        5. Eskarniatzen naienak boztariotüko dütüzü, ni khordokatzen baniz. Nik hatik zure ürrikaltarzünian esparantxa ükhen dit.

        6. Ene bihotza alageratüko düzü begiratzen naizülakoz; bere hunki eginak khantatüko diotzüt Jaunari; soñü arrapikotsez ariko niozü Gaingainkuari.

GORANTZA XIII.

Sinhets gaben goguak. Jaunak, latz erazirik sinhets gabiak, begiratüko dü eskelia, eta bürdüñ petarik idokiko bere popülia.

Dabiden ürhentzeko khantoria.

        1. Bürü mentsak bere bihotzian erran dü: Jinkorik ezta.

        2. Hirotü eta hügüntgarritü dirade bere nahiküntietan; unts' egiten ari denik ezpeita bat ere haietan.

        3. Zelü gañetik gizon semen gaña so gin dü Jaunak, ikhus lezan eia bazenez enthelegüdünik edo Jinkotiarrik haietan.

        4. Oro baztertü dira bidetik eta thüstotü, unts' ari denik egiten ezpeita haietan bat ere.

        5. Haien tzüntzürra leze zabal bat da; falsüki erabilten düte mihia; ezpañ petarik darraioe süskher elderra.

        6. Ahua burhauez eta kharatstarzünez betherik düte; zankhoz zalhü dirade odol ixurteko.

        7. Eskarnio eta zorigaitz haien bidetan, ezpeitakie bakezko bidia; Jinkuaren beldürrik eztüte begien aitzinian.

        8. Eztiadia othian eskolatüko gaizki ari dienak oro, ene popülia, ogi zerra bat bezala iresten dütienak?

        9. Jaunari eztirade hersatü; lotsaz ikharatü dira, beldürrik etzen lekhian.

        10. Jauna xüxenen arrazan dago, eskeliaren goguak xehekatü tüzie, bena Jaunian dü bere esparantxa.

        11. Sioneko aldetik nurk igorriko dü Israeleko salbamentia? Jaunak bere popülia ideki dükienien bürdüñ petarik, Jakob boztariotüko da eta Israel alageratüko.

GORANTZA XIV.

Nulako dien Jinkuaren hirian eta mendi saintian egon behar dienak. Gaizki egitetik mihi khaldü gaxtuetarik begiratü behar, eta hitz emanak etxeki.

Dabiden ürhentzeko khantoria.

        1. Jauna, nur egonen da zur'etxen, edo deskantsatüko zure mendian?

        2. Thona gabe dena, eta hunki egilia.

        3. Bihotzetik egiaz mintzo dena, falsükeriarik mihian eztiena.

        4. Aizuari gaitzik egin eztiena, eta lagünez laidorio errailer behatü eztena.

        5. Gaxtua haren aitzinian ezdeus bat da; bena Jaunaren beldür dienak lorian altxatzen dütü.

        6. Hitz emanetan eztü inganatzen lagüna; hartziaren goratzeko eztü emaiten diharia, ez et' ere dohañak hartzen gabezian denaren eskarniatzeko.

        7. Hola ari dena, behin ere ezta khordokatüko.

GORANTZA XV.

Gizeli arrotzen artian Jinkuari hersatzen da Dabid. Erraiten deio Jink'aizünak hastio tiela, eta Jaunian ezarten diela bere zorihun güzia. Jinkua erremestiatzen dü, eta Salbazalia phiztüren dela dio.

Harri baten gañen Dabidek izkiribatü zütien hitzak.

        1. Begira nezazü, Jauna, zütan esparantxa hartü beitüt. Jaunari erran düt: ene Jinkua zia zü, ezpeitüzü ene huntarzünen beharrik.

        2. Ene nahiküntiak oro lürrian dien saintier erakhutsi deitze.

        3. Flakeziak hanixtü zeitzenian, laster egin beitüte.

        4. Algar gana eztütüt bil eraziko, aberen odola ixur dezen haien izenez mintzatzeko eniz orhitüren.

        5. Jauna da ene huntarzün phartia eta xalhüta; ene züzen phartia zük emanen deitazü, Jauna.

        6. Ene sokak erori dira güne hobeniala, eta ene huntarzün phartia ederrena da.

        7. Benedikatüko düt enthelegü eman deitan Jauna; ene errañek gaiaz ere eskolatzen neielakoz.

        8. Jaunari soz nindaguen begi petan benien bethi; ene esküñian beitago khordoka enadin.

        9. Hortakoz ere bihotza alageratü zait, eta mihia arrapikotsez hasi; ene exürrak esparantxan deskantsatüko dirade.

        10. Ifernian ezpeitüzü ene arima ütziko, ez ere zure saintia hiotziari eskentüko.

        11. Bizitzeko bidiak erakhutsi deiztadatzü, zure begitartiaz boztariotüko naizü, bethiko gozagarriak eskü esküñian beitütüzü.

GORANTZA XVI.

Khantore huntzaliak Jinkuari sokhorri galthatzen deio. Ogen gabe dela beitio, bere etsaien gaxtokeria salhatzen dü.

Dabiden othoitzia.

        1. Jauna, beha zite ene züzenari, beha zite ene othoitziari.

        2. Beharriak zabalt itzatzü ene othoitziari, ezpañ falsietarik horra ezpeita.

        3. Zure begithartian irakur dezadala ne jüjamentia, zure begiek ikhus dezela ene züzena.

        4. Ene bihotza borogatü düzü, eta gaiaz ikhustera jin zitzaio; süian igaran naizü, eta nitan gaizkirik eztüzü ediren.

        5. Ene ahua gizonen lanez mintza eladin, bide patarrer jarraiki nüzü, zure ezpañen hitzak diela kausa.

        6. Berm' itzatzü ene ürhatsak zure bidexketan, ene herexak okhert eztitien.

        7. Oihü egin deizüt, entzün naizülakoz; aphal ezadazü zure beharria, eta beha zite ene elher.

        8. Ederki erakhuts etzatzü zure ürrikaltarzünak, begiratzen beitütüzü zuri hersatzen dienak.

        9. Zure esküñari bortx' egiten dienetarik begira nezazü zure begi ninia bezala.

        10. Zure hegalen itzal pian begira nezazü, sinhets gabeko ixterbegi bihotza erdiratzen deitenetarik.

        11. Arima üngüratü ditazie etsaiek; milgoraz kargatürik beitia, ürgüllüki minzatü düzü haien ahua.

        12. Hürrünt urthuki naienian üngüratzen nizie orano; goguan hartü beitie begien lürrari soz etxekitia.

        13. Atzaman nizie, lehuak bere bazka bezala, eta gordallian daguen lehu hümiak bezala.

        14. Jaiki zite, Jauna, lehent zakitzo, eta irail ezazü; idok ezozü ene arima sinhetsgabiari, zure esküko etsaier idok ezezü zure axkora.

        15. Jauna, bizitze huntan berian, lürrian dütüzün aphürttuetarik berhez itzatzü; sabela betherik dizie zure huntarzünez.

        16. Haur asia badizie; bere huntarzünak bere haurttuer üzten tizie.

        17. Ni, aldiz, jüstizian agertüko nüzü zure begier; aseko nüzü zure loria agertü datienian.

GORANTZA XVII.

Dabidek erremestiatzen dü Jinkua goitherazi deitzolakoz bere etsaiak.

Jinkuaren sehiak, Dabidek huntü dien khantoria, Jaunaren uhuretan, etsaien eta Saulen eskietarik ideki zielakoz.

        1. Maithatüko zütüt, Jauna, ene indarra; Jauna, ene azkharzalia, ene ihes lekhia, eta ene soltazalia.

        2. Ene Jinkua, ene lagüntzale, hartan düket ene esparantxa.

        3. Ene atherbia, ene bizia begiratü deitan adarra, ene harzalia.

        4. Khant arrapikotsez deithüko düt Jauna; eta ene etsaietarik salbatüko niz.

        5. Heriotzeko minek üngüratü naie, eta gaxtokeriako txurrustek izi erazi.

        6. Ifernüko minek üngüratü naie, eta heriotzeko zephuek abanzüñi atzaman.

        7. Ene eskarniuan Jauna ganat egin düt heiagora, eta ene oihia Jinkua gana heltü da.

        8. Eta ene oihia entzün dü bere eliza saintütik, eta ene heiagora, aitziniala heltürik, sarthü zaio beharrietan.

        9. Lürra izitü eta ikharatü da, mendien erruak khordokatü eta iharrausi dirade, khexatü zeielakoz.

        10. Khia goratü da haren khexian, eta begithartetik sü phiztü zaio; inkhatzak garretan jarri dirade.

        11. Aphaltü dütü zeliak, eta eraitsi da; haren zankhopetan lanhua.

        12. Eta igaran da Kherübin gaña eta hegaltatü; hegaltatü aizen hegaletan.

        13. Ülhünpetan bere gordallia egin dü; bere thoxa erdian ezarririk, aideko lanho beltzetan.

        14. Haren begitharteko argiak lehertü dütü lanhuak, txitxer eta süzko inkhatz erauntsiak.

        15. Zelütik Jaunak ühülgü, eta Gaingainkuak oihü egin dü; txitxer eta süzko inkhatz.

        16. Eta flexü khaldüka hasi, eta barreiatü etsaiak, eta iñhazi parrastez harrit erazi.

        17. Hur begiak agertü, eta lür bolako erruak pikarraitü.

        18. Zure mehatziak, Jauna, eta zure khexiaren heguak.

        19. Zelü thinitik mezü igorri eta ni hartü, eta ühalditik idoki.

        20. Ene etsai azkarrener eta hügünt nündiener ideki nai, ni beno azkarragotü zielakoz.

        21. Ene bihotz mineko egünian ilhastera jin zeiztan; eta Jauna ene althe jarri da.

        22. Eta kanpo zabalialat eraman nai, bait' ere salbatü, hala nahi ükhen beitü.

        23. Jaunak emanen deit, ene züzenaren arabera; saria emanen deit, ene eskiak xuri diatien bezala.

        24. Jaunaren bide-zain egon beniz, gaizki ar' izan ezpeniz Jinkuaren eretzian.

        25. Haren jüjamentiak oro begietan beitütüt, eta bere jüstiziak ezpeteitzot araferatü.

        26. Harekila thona gabe nizate; eta begiratüko niz ene gaitzetik.

        27. Eta Jaunak phakatüko nai ene züzenaren arabera, eta ene eskien xahütarzüna ikhusten dükien bezala.

        28. Saintiareki saintü zirate, eta ogen gabiareki ogen gabe.

        29. Xahiareki xahü zirate, eta gaxtuareki gaxto.

        30. Popülü ahalkorra salbatüko beitüzü, eta begi oldartiak lürrialat eraziko beitütüzü.

        31. Zük phizten beitüzü, Jauna, ene litxer' argia, ene Jinkua, ene ülhünpiak arg' itzatzü.

        32. Zük gaitzialako lerragiatik begiratüko naizü, eta ene Jinkuak igaran eraziko nizü harrisi gaña.

        33. Ene Jinkuaren bidia garbi garbia; haren hitzak süian igaranik, hartan esparantxa dien güzien begirazalia beita.

        34. Jaunaz kanpo badeia beste Jinkorik? Edo gure Jinkua salbü zuin beste Jinko da?

        35. Indarrez ni üngüratü naien Jinkua, eta bide xahü hunian ezarri naiena;

        36. Orkhatzarenak bezala zankhuak berm'erazi deiztana, eta güne goretan ezarri naiena;

        37. Ene eskier güdükan erakhusten deiena. Ene besuak ezarri dütüzü, Jauna, letuzko üzteia bezala.

        38. Ene salbatzeko, zure heupia eman deitadazü, eta zure esküñaz etxeki naizü.

        39. Xüxentü eta eskolatü naizü, eta zure eskolan ikhasiko dit.

        40. Ebil günia zabaltü deitazü, eta ene ürhatsak eztütüzü flakatü.

        41. Ene etsaier jarraikiko nitzezü eta atzamanen ditit, eta enüzü ützüliko huak barreiartino.

        42. Porrokatüko tit; eztütüzü txüti egonen, ene zankho petara eroriko dütüzü.

        43. Güdükako azkhartü naizü, eta ene piala egotxi tüzü ene kuntra jaiki zirenak.

        44. Ene etsaier gibela ützül erazi deiezü, eta ni hügünt nüntienak arrabaskatü tüzü.

        45. Marraska egin dizie, bena nihurk ere eztitizü begiratü; Jaunari hel egin dizie, eta etziezü behatü.

        46. Xehekatüko ditit aizen erhautsa bezala; ohatüko ditit kharriken lohia bezala.

        47. Soltatüko naizü popülüko builtetarik; nazionen bürian ezarriko naizü.

        48. Ezagützen enien popülia eskü piala jin zait, ene maniak egin tü entzün tien bezañ sarri.

        49. Seme arrotzek hitz emanak ezteiztade etxeki; seme arrotzak zahartü dirade, eta mainkhütü bere bidexketan.

        50. Bizi bedi, Jauna, eta benedika ene Jinkua; lorietan daguela begiratzen naien Jinkua.

        51. Zük mendekatzen naizü, ene Jinkua; popüliak eskü pian ezarten deiztadatzü; ene etsaien khexütik soltatzen naizü.

        52. Eta ene kuntra jaikitzen direnak beno gorago ezarriko naizü; gizon gaxtua ganik eramanen naizü.

        53. Hortakoz aithortüko zütüt nazionen artian, eta khantoretan khantatüko dit, Jauna, zure izena.

        54. Hañ ederki begiratü beitü errege; Dabid, bere khristuari eta haren undokuer mendez mende ürrikaltzen beita.

GORANTZA XVIII.

Zeliak eta zelüko izarrek Jinkuaren photeria aithortzen düte. Zuin gaitz den Jinkuaren lege hunari jarraikitzia.

Dabiden ürhentzeko khantoria.

        1. Zeliek diote Jinkuaren loria, izarrek aldiz, haren eskien lanak.

        2. Egünak egünari eta gaiak gaiari ikhasten düte egia hori.

        3. Ezta mihirik ez eta mintzajerik hoien mintzua enthelegatzen eztienik.

        4. Lür orotara hoien mintzua, eta bazter güzietara hoien elhia hedatü da.

        5. Ber'egongia ezarri dü ekhi barnen; ohetik jaikiten den senhar gaztia üdüri dü.

        6. Jauzten da jiganta bezala ebilteko; zelü gañetik haren jauzgia,

        7. Haren builta zelü thinialano; nihur ere haren beruari ezin gorda.

        8. Jaunaren lege thona gabiak, ützül erazten arimak; Jaunaren jakilegua xüxenak zühürtarzün emaiten txipier.

        9. Jaunaren jüstizia xüxenek alageratzen bihotzak; Jaunaren manü argiak argitzen begiak.

        10. Jaunaren beldür saintia mendez mende igaraiten; Jaunaren egiazko jüjamentiak berberak xuritzen.

        11. Ürhia eta harri baliusak beno nahigarriago, eztia eta oraze eztiak beno eztiago dira.

        12. Zure sehiak begiratzen beitütü zure maniak, begiratze sari handi dikezü.

        13. Nurk dakitza bere ogenak? Ükhüz nezazü gorderik dütüdanetarik, eta zure sehia begia ezazü arrotzen gaxtokeriatik.

        14. Ene ogenek ezpanaie goithzen, thona gabe nükezü, ogen handienetik ükhüzirik.

        15. Ene elhiak ordian agradatüko zaitzü, eta ene bihotzeko gogua zurekila dükezü bethi.

        16. Jauna, ene lagüntzalia, eta ene ar'eroslia.

GORANTZA XIX.

Bere tropeki gerlarat duaneko Erregeren othoitzia.

Dabiden ürhentzeko khantoria.

        1. Entzün zitzala Jaunak eskarnioko egünian; Jakoben Jinkuaren izenak begira zitzala.

        2. Sokhorri igor deizazüla bere lekhü saintütik, eta Sioneko menditik begira zitzala.

        3. Ohart dadila egin diozün sakrifiziuaz, eta errerik eskentü deozüna agrada dakiola.

        4. Eman deizazüla zure bihotzaren arabera, eta zure goguak oro berma ditzala.

        5. Alageratüko gütüzü salbatü zielakoz, eta loriatüko ere Jaunaren izenian.

        6. Galthatzen deitzotzünak oro eman ditzatzüla Jaunak. Orai ezagütü dit Jaunak bere Khristua salbatü diela.

        7. Bere zelü saintütik behatüko zaio; bere beso azkharraz begiratüko dü.

        8. Hoiek orgen, eta hurak zamarien gañen salbatzen; gük, aldiz, gure Jinko Jaunaren izenari oihü egiten.

        9. Zephuan trabatürik erori dirade, gü, aldiz, jaiki gira eta txüti gaude.

        10. Jauna, errege salb'ezazü, eta beha zakiztkü oihü eginen deizügün egünian.

GORANTZA XX.

Erregeren eskerrak etsaiak garhaitü dütielakoz. Etsaien zorigaitza.

Dabiden ürhentzeko khantoria.

        1. Jauna, zure indarrian boztüko düzü errege, hanitx ere alageratüko salbatü düzülakoz.

        2. Nahi ziena eman derozü, haren ezpañen nahia eztüzü inganatü.

        3. Aitzintü zitzaio eztizko beneditzionetan; bürü gañen ezarri derozü harri baliusko khorua.

        4. Bizia galthatü zeizün, eta bethiko mendez mende lüzatü deiotzü bere egünak.

        5. Loria handitan düzü, salbatü düzülakoz; loria eta edertarzün handi eman derozü gaña.

        6. Mendez mende benedik'eraziko düzü; zure begithartiaz alager'eraziko düzü.

        7. Jaunian beitü esparantxa erregek, Gañgañkuaren ürrikaltarzünetik ezta igitüko.

        8. Zure etsai güziek sendi dezela zure eskia; zure esküñak ediren bitza hügüntzen zütienak oro.

        9. Labe gorri bezala ezarriko tüzü zure begitharteko sü-garren arruan; bere khexian Jaunak lots eraziko dütü, eta süiak janen.

        10. Haien azia gal eraziko düzü lürretik, eta haien arraza gizonen artetik.

        11. Gaizki egin beteizie; etziotzenak egin ahal goguan hartü tizie.

        12. Gibelialat ützül eraziko dütüzü, müthürra ükhüziko deiezü bere undarretan.

        13. Gora zite, Jauna, zure indarrian; khantatüko tizügü arrapikotsez zure indarren gorantzak.

GORANTZA XXI.

Goizako sokhorria.

Dabiden ürhentzeko khantoria, goizako sokhorriaren gañen.

        1. Jinkua, ene Jinkua, so gidazü. Zentako ützi naizü? Ene ogenen elhek hürrünt erazi ditazie salbamentia.

        2. Ene Jinkua, egünaz oihü eginen deizüt, eta enaizü entzünen; gaiaz ere bai, eta enizie bürü-ments baten hartüren.

        3. Zü güne saintian zaude, Israeleko loria.

        4. Zütan ükhen dizie gure aitek esparantxa, ükhen dizie esparantxa, eta soltatü dütüzü.

        5. Oihü egin deizie, eta salbatü tüzü; zütan ükhen dizie esparantxa, eta eztütüzü galdü.

        6. Ni, aldiz, lür xixari nüzü, eta ez gizon, gizonen laidogarri eta popülüko thügarri.

        7. Ikhusten nündienek oro trüfatzen nindizien; ezpañez mintzo zütüzün eta büria khordokatzen zizien.

        8. Erraiten zielarik: Jaunian esparantxa ükhen beitü, solta dezala arren Jaunak; salba dezala, maite dienaz geroz.

        9. Zük amaren sabeletik ideki naizü; ene esparantxa zütüt, amaren thitia nik ütziz gerozti.

        10. Sabeletik zure eskietara elkhi nüzü; amaren sabela nik ütziz gerozti ene Jinkua zirade; etzitiela niganik hürrünt.

        11. Eskarniua hüllan beita; eta ezpeitüt lagüntzale bat ere.

        12. Ergi saldo batek üngüratü nizü, zezen gizenek setiatü nizie.

        13. Ahua zabaltzen zizien ene iresteko lehu arrobari orrua giliak bezala.

        14. Hura bezala ixuri nüzü, eta ene ezür güziak barreiatü dütüzü.

        15. Bihotza sabel barnian jarri zitazü, hurtzen den ezkua bezala.

        16. Teilla bezala idortü zitazüt indarra, eta mihia aho garaian lothü; herioko erhautsialano eraman naizü.

        17. Txakür hanitxek üngüratü nizie; gaxtuen bilkhürak setiatü nizü.

        18. Zilatü diztatzie eskiak eta zankhuak; khuntatü diztatzie ezür güziak.

        19. Beha egon ziztatzü, eta begixtatü nizie; bere artian ene suñekuak phartitü tizie, eta ene arropak xorthian thiratü.

        20. Zük hatik, Jauna, eztezadazüla berant zure lagüntgua; artha zite ne begiratzeko.

        21. Jinkua, axkoratik begir'ezazü ene bizia, baita ere txakürraren ahaletik.

        22. Lehuaren ahotik begira nezazü; adar bakoitxaren adarretarik begir'ezazü ene aphaltarzüna.

        23. Ene anaier ezagüt eraziko diet zure izena, eta bilkhüra erdian laidatüko zütüt.

        24. Jaunaren beldür zieienak, laidezazie Jauna, loriezazie, ziek orok, Jakoben azitik elkhi zienek.

        25. Israelko azi güzia beldürretan egon dakiola, eztielakoz mesperetxatü, eta kasürik egin gabe ützi eskeliaren othoitzia.

        26. Ezteitalakoz begithartia ützüli, eta behatü zaitalakoz hersatü nitzaionian.

        27. Zuretako ene gorantza Bilkhüra handian; ene nahiküntiak erranen deitzot Jinkuari haren beldür dienen aitzinian.

        28. Janen düte eskelek, eta aseko dira; eta Jauna laidatüko düte haren bilha dabilenek; haien bihotzak biziko dirade mendez mende.

        29. Ohartüko dirade, eta Jauna ganat ützüliko lürreko bazter güziak.

        30. Eta nazionen etxekuek oro haren aitzinian othoitze eginen düte.

        31. Jaunaren beita nausigua, eta nazionen bürüzagia beitate.

        32. Lürreko gizenek orok jan düte eta othoitü; lürriala eraisten dien güziak iralliko dirade haren aitzinian.

        33. Eta ene arima biziko zaio, eta ene azia sehitüko.

        34. Horra datien giz'elia salhatüko dü Jaunak, eta zeliek salhatüko düte haren jüstizia, Jaunak eginik, sorthü behar dükien popüliari.

GORANTZA XXII.

Jinkua giz'elien artzañ; apairü handi emaiten deie, eta huntarzünez bethatzen tü.

Dabiden khantoria.

        1. Jaunak lagüntzen nai; eta deus mentsik eztüket, bazkagia hunian ezarri benai.

        2. Hazi nai hur indar emailiaren khantian, eta hatsa phitz erazi deit.

        3. Lagüntü nai xüxenguako bidexketan, bere izena dela kausa.

        4. Herioko itzal erdian ebilirik ere gaizkien axolik eztiket eneki beitzirate.

        5. Zure zaharua eta zure makhila, ene aholkiak dütüzü.

        6. Mahaña adelatü deitazüt aitzinian eskarniatzen naienen kuntra.

        7. Olio üsañdünez berekatü deitazüt büria; eta ene xalhü ordirazlia zuñen eder den!

        8. Eta zure ürrikaltarzüna undoti diket ene biziko egün orotan.

        9. Egon ahal nadin Jaunaren etxen egün hanitxez.

GORANTZA XXIII.

Bazter güzien nausiak, Jinkuak, bere egongia berhezi dü Sioneko mendian. Nur agertüko da harat Jaunaren aitziniala? Nulaz elizak eden ahal lio armaden bürüzagia?

Asteleheneko Dabiden khantoria.

        1. Jaunarena da lürra eta edeiten dütienak oro; mündia eta hanko ekhoiliar güziak.

        2. Itxasuaz goitiago egin beitü, eta ibaiez goitiago adelatü.

        3. Nur igaranen da Jaunaren mendiala? Edo nur baratüko da haren güne saintian?

        4. Eskiak ogen gabe dütiena, eta bihotza xüxen; arima bano ükhen eztiena; zin falsürik lagünari egin eztiena.

        5. Jauna ganik hark ükhenen dü beneditzione, eta Jinko Salbazalia ganik ürrikaltarzün.

        6. Holako da Jaunaren bilha ebilten dienen arraza, eta Jakoben Jinkuaren begithartia txerkhatzen diena.

        7. Zien borthak zabalt zatzie, printziak; bethiko borthak zabalt zizteie, eta sarthüko da loriazko erregia.

        8. Nur da loriazko errege hori? Jaun azkhar eta photeretsia, güdükako azkhar den Jauna.

        9. Zien borthak zabalt zatzie, printziak, bethiko borthak, zabalt zizteie, eta sarthüko da loriazko erregia.

        10. Nur da loriazko errege hori? Indarren Jauna, loriazko erregia.

GORANTZA XXIV.

Bihotz-min dienaren othoitzia. Jaunaren egia eta ürrikaltarzüna etzaio faltatzen Jaunian esparantxa ükheiten dienari.

Ürhentzeko Dabiden khantoria.

        1. Zure ganat, Jauna, altxatü dit ene arima; ene Jinkua, zuri fidatü beniz, enüzü ahalkegorritüko.

        2. Etzaiztadala trüfa ene etsaiak; zure althe dienak ezpeitia ahalke gorritüko.

        3. Gaxtokerian banoki ari dienak ahalke ditiela.

        4. Zure bidiak erakhuts itzadatzü, Jauna; ikhas itzadatzü zure bidexkak.

        5. Zure bidian lagünt eta eskola nezazü; zü beitzira Jinko ene Salbazalia, eta egün güzian ügüriki beitzütüt.

        6. Ohart zite zure ürrikaltarzünez, Jauna, eta bethi danik dütüzün ürrikaltarzünez.

        7. Ene gaztaroko ogenez etzitiela ohart, ez eta ere nik eztakidanetzez.

        8. Zure ürrikaltarzünaren arabera ohart zitzat, zure huntarzüna gatik, Jauna.

        9. Ezti eta xüxen Jauna, hortakoz lege emanen deie bidian gaizki-giler.

        10. Mantsuak lagüntüko tü bere xüxenguan, bere bidiak erakhutsiko deitze eztier.

        11. Jaunaren bide güziak, ürrikaltarzüna eta egia, haren jakileguaren eta jakileguen bilha dabilzenen.

        12. Zure izenaren amorekati, ene ogena pharkatüko deitazüt, Jauna, handi beita.

        13. Jaunaren beldür den gizona zuñ da? Eta zuñi ere hartü dien bideko legia Jaunak eman deiona?

        14. Bihotza hunki eginetan gozatüko zaio, eta haren aziak lürra ükhenen dü.

        15. Jauna haren beldür dienen bermia; eta bere ordeñia erakhutsiko deie.

        16. Ene begiak bethi Jaunari soz; zephotik idokiko beteitzat zankhuak.

        17. Sogin ezadazü, eta ürrikalt zakitzat, nihau beniz, eta eskele.

        18. Ene bihotzeko eskarniuak hanitxtü dütüzü, ene beharretarik idok nezazü.

        19. Ene aphaltarzüna eta ene eskarniua ikhus etzatzü, eta phark'itzadatzü ene ogenak oro.

        20. So gizü ene etsaier, hanitxtü beitira, eta hügüntü benaie ogenik gabe.

        21. Begira zadazüt ene arima, eta solta nezazü; enüzü ahalketüko, zütan beitüt esparantxa ükhen.

        22. Ogen gabe eta bihotzez xüxen dienak althe egon ziztadatzü, zure althe ninzalakoz.

        23. Jinkua, solt ezazü Israel bere eskarnio güzietarik.

GORANTZA XXV.

Bihotz xüxenak Jinkuari egiten deion othoitzia, gaxtuen artian ütz eztezan.

Dabiden ürhentzeko khantoria.

        1. Jüja nezazü, Jauna, ogengabeguan ebili beniz, eta Jaunian esparantxa hartürik ezpeniz flakatüko.

        2. Boroga nezazü, Jauna, eta ikher; erra itzadatzü errañak eta bihotza.

        3. Zure ürrikaltarzüna begien aitzinian beitüt, eta zure egian laket beniz.

        4. Enüzü jarri ezdeuskeriako bilkhüran; gaizki giletarat enüzü sarthüko.

        5. Gaxtuen bilkhüra hügün dit, eta enüzü jarriko sinhets gabekila.

        6. Ogen gaben artian ükhüziko tit eskiak; eta zure altharia üngüratüko dit, Jauna.

        7. Entzün ahal dezadan zure gorantzen botza, eta erran ditzadan zure miragarri güziak.

        8. Jauna, maithatü dit zure etxeko edertarzüna eta zure egongiako loria.

        9. Eztezazüla nahas ene arima sinhets gabeki, ene Jinkua, ez ere ene bizia gizon odolkhoieki.

        10. Gaizkiz zikhintürik ditizie eskiak, esküña aldiz dohañez betherik.

        11. Ni ogengabeguan ebili nüzü; eros nezazü eta ürrikalt zakitzat.

        12. Ene huña baratü düzü bide xüxenian; bilkhüretan laidatü zütüt, Jauna.

GORANTZA XXVI.

Bihotzez xüxen denaren othoitzia eskarniatürik denian. Jinkuaren eliza ikhusi nahi lüke.

Dabiden khantoria olioz berekatü züten beno lehen.

        1. Jauna ene argia eta ene salbamentia; nuen beldür nizate?

        2. Jaunak begiratzen deit bizia; nurk ikhar'eraziko nai?

        3. Gaizki giliak hüllantzen zaiztadanien ene aragien jatera.

        4. Etsai eskarniatzen naienak flakatü dirade eta erori.

        5. Armadak balia ere ene kuntra jüntatürik, ene bihotza lotsa gabe lizate.

        6. Joka ene kuntra has balia ere, hartan nik ükhen nio esparantxa orano.

        7. Gaiza bat Jaunari galthatü deiot, eta bilhatüko düt: ene Jaunaren etxen egoitia ene biziko egünetan;

        8. Haren huntarzünen ikhusteko, eta haren elizaren bisitatzeko.

        9. Bere thoxan gorde benai; gaitzen egünian begiratü benai bere thoxako gordallian.

        10. Botxü gañen ezarri nai, eta orai ene büria etsaiena beno goragotü dü.

        11. Üngüratü düt altharia, eta bere thoxan erho deiot oihüzko aberia; khant arrapikotsez laidatüko düt Jauna.

        12. Entzün ezazü, Jauna, egin deizüdan oihia; ürrikalt eta beha zakitzat.

        13. Ene bihotzak erran deizü; ene begiek txerkhatü zütie; zure begithartiaren bilha ebiliko nüzü.

        14. Eztezadazüla begithartia ützül; khexian etzitiela hürrünt zure sehia ganik.

        15. Lagüntzale egon zitzaizt; enezazüla ütz, eta mesperetxa, Jinko ene salbazalia.

        16. Aitak eta amak ützi benaie; Jaunak hatik hartü nai.

        17. Eman ezadazü zure bidiari jarraikitzeko legia, eta lagünt nezazü bidexka xüxenian, ene etsaiak diela kausa.

        18. Enezazüla ni eman eskarniatzen naiener; jakile gaxtuak elkhi beitira ene kuntra, eta haien gaxtokeria ber bera gezürstatü beita.

        19. Uste dit ikhusten dütüdala Jaunaren huntarzünak bizi dienen lürrian.

        20. Ügürük ezazü, Jauna, azkharki ari zite, emozü bihotzari indar, eta arrima zite Jauna ganat.

GORANTZA XXVII.

Bihotz minetan daguenaren othoitzia. Etsai gaxtuak galdüko dirade. Esker mila Jinkuari begiratü dielakoz khantore huntzalia.

Dabiden khantoria.

        1. Oihü eginen deizüt, Jauna; etziztadala ixilt, ene Jinkua, ihardesten ezpalin badeitazüt üdüri benizate hobialat eraisten dienen.

        2. Beha zite, Jauna, ene othoitzeko oihiari, zuri othoitzez naguenian, zure eliza saintialat eskiak eraikiten dütüdanian.

        3. Enezazüla herresta erabil ogen gileki, ez eta ere gal gaizki gileki;

        4. Bakiaz mintzo beitia bere hüllaner eta gaxtokeria beitüte bihotzian.

        5. Ordaria emezü bere egitaten arabera, eta bere gogoko gaxtokerien arabera.

        6. Phak'itzatzü bere eskü lanen arabera, eta emezü merexi düten saria.

        7. Eztitizie Jaunaren lanak enthelegatü, eta haren eskü lanen gatik, zük xehekatüko tüzü eta ez ar'eginen.

        8. Benedika dadila Jauna, ene othoitzeko oihiari behatü delakoz.

        9. Jauna ene lagüntzale eta begirazale, ene bihotzak hartan esparantxa ükhen, eta ni lagüntürik izan.

        10. Eta ene aragia harzara lilitü; nik arren gogo hunez laidatüko Jauna.

        11. Jauna bere popüliaren indarra, eta bere Khristoren salbamentien begirazalia.

        12. Salb'ezazü, Jauna, zure popülia, eta benedika zure züzena; zaint itzatzü eta altxa zurekila bethi artio.

GORANTZA XXVIII.

Tenpestako itxura. Eüria igorri dielakoz, Jaunari eskerrak.

Dabiden khantoria Tabernaklia ürhentü zenian.

        1. Ekhartzatzie Jaunari, Jinkuaren haurrak, ekhart itzotzie ahazartz hümiak.

        2. Ekhart etzotzie Jaunari loria eta uhure; bere izeneko loria ekhar ezozie Jaunari; othoit zazie Jauna bere heupe saintian.

        3. Jaunaren oihia hur gañetan; Jinko handiak ühülgü; Jauna üholdien gañen.

        4. Jaunaren botza indarrian; Jaunaren botza handitarzünian.

        5. Jaunaren botzak karraskatzen zühañak, Jaunaren botzak karraskeraziko Libaneko izeiak.

        6. Xehekatüko dütü Libaneko xahala bezala, edo adar bakoitxaren hümia bezala.

        7. Jaunaren botzak erdiratzen sü-garrak; Jaunaren botzak khordokatzen desertia, eta ikhar'eraziko Kadeseko desertia.

        8. Jaunaren botzak adelatzen orkhatzak, eta argitzen thartasiak; eta haren elizan orok erranen haren loria.

        9. Jaunak üholdia lürrian geldi'razten, eta Errege Jauna jarriko sekülakoz.

        10. Jaunak bere popüliari indar emanen; Jaunak bere popülia bakian benedikatüko.

GORANTZA XXIX.

Dabidek mila esker Jaunari osagarria eman deiolakoz.

Dabiden khantoria bere etxia egin zieneko.

        1. Laidatüko zütüt, Jauna, begiratü naizülakoz, eta ene etsaiak eztütüzülakoz ützi nitzaz alageratzera.

        2. Ene Jinko Jauna, oihü egin deizüt, eta sendotü naizü.

        3. Jauna, ifernütik idoki düzü ene arima; hobialat zuaztanen artetik salbatü naizü.

        4. Sonü egiozie Jaunari haren saintiek, eta laid'ezazie haren saintütarzünaren orhitzpena.

        5. Haren khexian zaflak, eta haren nahiküntian bizia.

        6. Arratsa nigarretan, eta goiza boztariuan.

        7. Nik hatik, enielarik mentsik, erran düt; eniz seküla igitüko.

        8. Jauna, zure huntarzünaz eman zineitan nik düdan ahal güzia.

        9. Zure begithartia baztertü deitazü, eta beldürrak hartü nizü.

        10. Oihü eginen deizüt, Jauna; eta ene Jinkua othoitüko dit.

        11. Ene hiltzetik zer probetxü date, hirotzera nuatekienian?

        12. Erhautsak ahal zütükia laida, edo erranen dia zure egia?

        13. Jaunak entzün nai, eta ürrikaltü zait; Jauna lagüntzera jin zait.

        14. Ene marraska boztariuala khanbiatü deitazü; jauntsi nien zakia ürratü deitazü, eta boztarioz üngüratü naizü.

        15. Ene lorian khant'arrapika zitzadan, bihotz min gabe; ene Jinko Jauna laidatüko zütüt mendez mende.

GORANTZA XXX.

Adixkidek ützirik gabezian denaren othoitzia.

Dabiden khantoria.

        1. Jauna, zütan ükhen dit esparantxa, enadila gal seküla; begira nezazü zure jüstiziaren arabera.

        2. Aphal ezazü ene ganat zure beharria; lehia zite ene hebentik idokitzera.

        3. Izan zite ene Jinko begirazalia eta ihes lekhia, salba nadin.

        4. Ene indarra eta ene ihes lekhia beitzira zü; eta zure izena dela kausa lagüntüko eta haziko naizü.

        5. Idokiko naizü gordallian hedatü deitaden zepho huntarik, ene begirazalia beitzirade.

        6. Zure eskietan ezarten dit ene hatsa, erosi benaizü, Jauna, egiazko Jinkua.

        7. Hügüntzen dütüzü probetxü gabe ezdeuskerier beha dienak.

        8. Nik hatik esparantxa ükhen dit Jaunian; boztariotüko nüzü eta alageratüko zure ürrikaltarzünian.

        9. Ikhusi beitüzü ene aphaltarzüna, beharretarik salbatü düzü ene arima.

        10. Enaizü urthuki ene etsaien eskietara, ene zankhuak ezarri tüzü güne larguan.

        11. Ürrikalt zakitzat, Jauna, eskarniuan beniz; khexian begia, arima eta sabela izitü ziztatzü.

        12. Hertzen beitzait bihotz minetan bizia, hertzen beitzaiztat urthiak marrasketan.

        13. Gabeziak flakatü ditazüt indarra, eta ezürrak thüstotü.

        14. Laidogarritü nüzü ene etsai güzien artian eta ene aizuen artian ere; ene ezagünak izitzen ditit.

        15. Ene ikhusliak ihes zuatzün nitarik; ahatzirik niagozü haien bihotzian hilik bezala banintz.

        16. Untzi phorrokatü bat bezalakotü nüzü; khantian nütienek egiten zeitaden mehatxia entzün beitüt.

        17. Ene kuntra algarganatü zienian, hitz hartü zizien bizia idoki behar zeitadela.

        18. Nik, aldiz, zütan esparantxa ükhen dit, Jauna. Erran dit: Zü ene Jinkua zirade; ene gora beherak zure eskietan tüzü.

        19. Idek nezazü ene etsaien eskietarik, eta lasterkatzen naienetarik.

        20. Zure begithartia argi zazü zure sehiaren gaña; salba nezazü zure ürrikaltarzünian. Jauna, enadila gal zuri hersatü beniz.

        21. Sinhets gabiak ahalke ditiela eta eraman ifernialat; ezpañ falsiak mütü ditiela.

        22. Gaxtokeriaz mintzo beitira jüsto denaren kuntra bere ürgüllü mesperetxazalian.

        23. Zuñen handi den, Jauna, zure eztitarzünezko üthürria, beldür zaitzünentako gorde eta begiratzen düzüna!

        24. Zorhitü düzü zütan esparantxa dienentako, gizon semen aitzinian.

        25. Gordeko dütüzü zure begitharteko gordallian, gizonek thürbüst eztetzen.

        26. Begiratüko tüzü zure tabernaklian mihi kolpü gaxtuetarik.

        27. Benedika bedi Jauna, agertü beitü enetako dien ürrikaltarzün miragarria ene hiri azkhar batetan sar eraztez.

        28. Nik hatik erran nien ene gogo lehian: Jaunak enai ikhusi nahi.

        29. Hortakoz behatü zia ene othoitze-oihiari, oihü egin deizüdanian.

        30. Maith'ezazie Jauna, haren saintü güziek, egia txerkatzen beitü Jaunak, eta merexi dien saria emanen beitü ürgüllütsier.

        31. Azkharki ari zizte, bihotz hun har zazie, Jaunian esparantxa düzien güziek.

GORANTZA XXXI.

Ogen gabe denaren dohatsütarzüna; Jaunak ikhasiko beteitzo bere egin bidiak, eta zori gaitzetik begiratüko beitü.

Eskolatzeko Dabiden khantoria.

        1. Dohatsü dira gaizkiak pharkatürik dütienak, eta ogenak estalirik dütienak.

        2. Dohatsü Jaunak ogenik eman ezteion gizona, eta falsükeriarik goguan eztiena.

        3. Ixiltü beniz, xuritü zaitzat ezürrak oihüz ari nintzalarik egün orotan.

        4. Gaiaz eta egünaz zure eskia gogortü beita nitan gaña, ützüli nüzü ene dolorian, ilhorriak txistatürik.

        5. Ezagüt erazi deizüt ene ogena, eta ene gaizkia eztit gorde.

        6. Erran dit: Nihauren kuntra Jaunari aithortüko derot ene gaizkia. Eta zük pharkatü deitazüt ene gaxtokeriazko ogena.

        7. Hortakoz saintü den nur nahik othoitze eginen deizü behar bezalako tenorian.

        8. Eta ühaldi handiak, hedatzen diatienian, eztütüzü haren ganat hüllantüren.

        9. Zü zirade ene ihes lekhia üngüratürik nizan eskarniuan; zük, ene boztariua, idek nezazü üngürian dütüdan etsaien artetik.

        10. Emanen deizüt enthelegia, eta erakhutsiko ebili behar dükezün bidia; ene begiak etxekiko ditit zütan gañen.

        11. Etzizteiela izan ezagützerik eztüten zamaria eta mandua bezala;

        12. Kabastüriaz eta xarrantxaz tink ezezü mathela, eta etzaitzü hüllantüko.

        13. Ogen giliarentako azote kolpü franko; Jaunian esparantxa dükiena, aldiz, ürrikaltarzünez üngüratürik.

        14. Botz zizte Jaunian, eta alagera ziek jüstuak; eta loria zizte bihotzez xüxen zireien güziak.

GORANTZA XXXII.

Khantazaliak khümitatzen tü jüstuak Jinkuaren laidatzea, ahal eta huntarzün handi dielakoz.

        1. Jüstuak, boztario zizteie Jaunian, haizü beita bihotzez xüxen dienek laida dezen.

        2. Sonüz laidezazie Jauna; khant arrapikotsez ari zitzoie hamar hedezko soniareki.

        3. Khant ezozie khantore berri, untsa egiozie sonü botza eztitürik.

        4. Jaunaren elhia xüxen beita, eta haren obra güziak fidel beitira.

        5. Maite tü ürrikaltarzüna eta jüstizia; Jaunaren ürrikaltarzünak lür güzia bethe.

        6. Jaunaren hitziala bermatü zeliak, haren ahoko phütza haien indar güzia.

        7. Jaunak biltzen itxasoko hurrak xahakuan bezala, eta bere huntarzünetan ezarten osinak.

        8. Jaunaren beldürt dadila lür güzia, hanko ekhoiliar güziak latz ditiela.

        9. Mintzatü beita, eta gaizak egin beitia; manhatü beitü, eta ezdeusetarik zerbaitü beitia.

        10. Jaunak barreiatzen nazionen goguak; ezdeuserazten aldiz popülien phensamentiak, ezdeus erazten ere Printzien goguak.

        11. Jaunaren goguak aldiz mügarik ez; haren bihotzeko goguak arrazatik arrazala igaraiten.

        12. Dohatsü Jauna Jinkotako dien nazionia; eta bere huntarzün phartetako berhezi dien popülia!

        13. Jaunak zelütik so gin, eta ikhusi gizonen seme güziak.

        14. Beretako adelatü dien egongiatik so gin dü lürreko ekhoiliar güzien gaña.

        15. Bater bester ere bihotza ekheitü deie, eta ezagützen dütü haien obrak oro.

        16. Bere indar handiak eztü salbatzen errege, bere indar borthitzak eztü salbatüko jiganta.

        17. Gizonaren salbatzeko zaldia mendregi; huner indar handia salbatzeko eskaz.

        18. Bere begiak Jaunak beldürt zaitzonen gañen, eta haren ürrikaltarzünari beha diaguenen gañen.

        19. Heriotzetik idok ditzan haien arimak, eta haz ditzan gose dienian.

        20. Gure arima Jaunaren erphai, gure lagüntzalia eta begirazalia delakoz.

        21. Gure bihotza hartan alageratüko delakoz, eta haren izen saintian esparantxa dükegülakoz.

        22. Jauna, zure ürrikaltarzüna gütan gaña ager bedi, zütan esparantxa ükhen dügün bezala.

GORANTZA XXXIII.

Dabidek Jinkuari esker emaiten Jetheko erregiaren eskietarik salbatü dielakoz.

Dabidi, begithartia Abimelekhen aitzinian khanbiatü zienian, eta Abimelekhek juaitea ützi zienian.

        1. Ordü oroz benedikatüko düt Jauna, haren laidoriua bethi düket ahuan.

        2. Jaunian loriatüko ene arima; entzün nezela mantsuek eta boztario ditiela.

        3. Errazie eneki Jaunaren handitarzüna, eta khanta dezagün goraki haren izena.

        4. Jauna txerkatü düt, eta behatü zait, eta ideki nai ene eskarnio güzietarik.

        5. Haren ganat hüllant zizte, eta argi; zien begithartiak eztirade ahalkez gorritüko.

        6. Eskele hunek oihü egin dü eta Jaunak entzün eta salbatü eskarnio orotarik.

        7. Jaunaren Aingüriak üngüratüko beldür zaitzonak, bai eta laxatüko.

        8. Txest'ezazie eta ikhus zuñ ezti den Jauna; dohatsü hartan esparantxa dien gizona.

        9. Jaunaren beldür egon zizteie haren saintü güziak, ezpeitüte deus mentsik haren beldür dienek.

        10. Aberatsak eskeletü eta gosetü, Jaunaren bilha dabilzaner aldiz ez aphürtüko huntarzüna.

        11. Tziauste haurrak, beha zakiztade, erakhutsiko deiziet Jaunaren beldürra.

        12. Zuñ da bizia eta egün hunak nahi dütien gizona?

        13. Gaitzetik begira zure mihia, zure ezpañetarik eztadila elkhi falsükeriarik.

        14. Gaitzetik hürrünt eta hunki egizü, txerkhezazü bakia eta hari jarraik zite.

        15. Jaunaren begiak jüstuer, eta haren beharriak haien othoitzer beha.

        16. Jaunaren beltzuriak aldiz gaizki gilen; haien ohizpena gal eraz dezan lür gañetik.

        17. Jüstuek oihü egin, eta Jaunak hurak entzün, eta bere eskarnio güzietarik soltatü.

        18. Bihotzetik eskarniatürik dienen unduan Jauna; eta izpiritüz aphal dienak salbatüko dütü.

        19. Jüstuen eskarniuak hanitx; Jaunak haietarik orotarik salbatüko dütü.

        20. Haien ezürrak oro begiratzen Jaunak; ezür bat ere ezpeitzaie hautsiko.

        21. Ogen gilen heriotzia gaxto gaxtuena; eta jüstua hügün dütenak ogen gile dirate.

        22. Jaunak erosiko bere mañaten arimak; eta Jaunian esparantxa dütenek ez eginen ogenik.

GORANTZA XXXIV.

Dabiden othoitzia eskarniatzen dütelarik.

Dabidi.

        1. Jüj'itzatzü, Jauna, eni ogen egiliak, armak khent zetzü ene kuntra güdükazaler.

        2. Hart zatzü armak eta esküta, eta lagüntzera jin zakitzat.

        3. Zure ezpata llabürra idek ezazü kopatik, eta üngüra itzatzü ene lasterkerazliak. Ene arimari errozü: Hire salbazalia nük ni.

        4. Ahalkez gorri ditiela bizia ideki nahi deitadenak.

        5. Irall ditiela eta ahalkez gorri, ene kuntra gogo gaxtuetan horra dienak.

        6. Izan ditiela aiziak dabilan erhautsa bezala; eta Jaunaren aingüriak urixki ditzala.

        7. Ülhünt eta lein dadila haien bidia; eta Jaunaren aingüriak lasterka ditzala.

        8. Ogen gabe gorde beteite bere zephua ene hil erazteko, baita ere laidogarritü ene arima.

        9. Uste eztien zepho bat hel dakiola, eta enetako gorde dien hartan atzaman dadila, eta eror dadila ber zephuala.

        10. Ene arima hatik boztariotüko Jaunian, eta gozatüko bere Salbazalian.

        11. Ene ezürrek orok erranen: Jauna, nur da zure üdüri?

        12. Eskelia idekiten düzü hura beno azkharrago dien etsaien eskietarik; emütsa eta praubia ere arrogatzen dütienetarik.

        13. Jakile gaxtuek jaikirik enakitzanak galthatzen ziztatzien.

        14. Hunkien ordari gaizki egiten zitazien, bizia ideki nahi betzeitaden.

        15. Nik hatik gaizkiz ari zeiztalarik zakia jaunsten nizün;

        16. Baruan ematzen nizün ene arima, eta ene othoitziaz ihiztatzen bihotza.

        17. Aizuari eta anaieri bezala plazer egin nahi niezün, eta aphaltzen nündüzün phenetan eta doloretan bezala.

        18. Eta boztariotürik ene kuntra algarganatü tüzü; azotatü nizie nik jakin gabe zentako.

        19. Barreiatü dütüzü, eta ez dolütü; therritatü nizie baita ere borogatü; ihikixtatü nizie, eta hortzak karraskaz erabili tizie.

        20. Jauna, nuiz zabaltüko tüzü begiak? Haien gaxtokeriatik idek ezadazü bizia, lehu hetarik idek ezazü ene bizi bakhoitxa.

        21. Aithortüko zütüt bilkhüra handian, popülü salduaren artian laidatüko zütüt.

        22. Ene gatik eztitiela alagera, ogen gabe kuntra dütüdanak, ogen gabe hügüntzen nütenak, eta adixkideguako kheñü egiten deitenak.

        23. Bakian mintzatzen ziztadatzün bai, bena bere khexian lürrari mintzo zienian, falsükeria zizien goguan.

        24. Ahua zabaltü dizie ene kuntra, eta erran: Bihotz hun, bihotz hun, gure begiek ikhusi beitie.

        25. Ikhusi beitüzü, Jauna, etzitiela ixilt. Jauna, ez hürrünt nitarik.

        26. Jaiki zite eta loth ene jüjamentiari; ene Jinkua eta ene Jauna, debek'ezazü ene egitekua.

        27. Jüja nezazü zure jüstiziaren arabera, ene Jinko Jauna, eztitiela alagera ni goithürik.

        28. Bere bihotzian eztezela erran: Hots, hots, boztario gitien. Eztezela erran: Hura iretsi dügü.

        29. Ene gaitzez alageratzen dienak, ahalkez gorri ditiela.

        30. Ene kuntra gaizki mintzo dienak ahalkez gorri ditiela.

        31. Boztario eta alagera ditiela ene jüstizia nahi dütienek, eta bethi erran dezela: Loria dadila Jauna, haren sehiaren bake nahi dütenek.

        32. Eta ene mihiak iaurriko dizü zure jüstiziaren berria, eta zure gorantza egün oroz.

GORANTZA XXXV.

Gaxtuen sinhets gabegua. Jinkuaren egia eta ürrikaltarzüna.

Ürhentzeko Dabidi, Jinkuaren sehiari.

        1. Jüsto eztenak bere goguan erran dü ogen egin nahi diela. Jinkuaren beldürrik eztü begien aitzinian.

        2. Haren eretzian falsüki ari izan da, hala nula bere gaxtokeriak hügünt erazi beitü.

        3. Haren ahoko elhiak gaxtokeria eta falsükeria; hunki egiten eztü nahi ükhen ikhasi.

        4. Bere ohian gaizkiari gogoz zaguen, bide gaxto güzietan baratü da, eta malezia eztü hügüntü.

        5. Zelian, Jauna, zure ürrikaltarzüna, eta zure egia odeien gañen.

        6. Zure jüstizia Jinkuaren mendiak bezala, zure jüjamentiak osina bezañ barna.

        7. Jauna salbatüko tüzü gizonak eta aberiak, hanixtü düzün bezala zure ürrikaltarzüna, ene Jinkua.

        8. Gizonen haurrek esparantxa dikezie zure hegalen atherbian.

        9. Orditüko tüzü zure etxenko ekhoitzpenian; edatera emanen dereizü zure gozagarriko ühaitzetik.

        10. Zütan delakoz biziko üthürria, eta zure argian ikhusiren dügülakoz argia.

        11. Hed'ezazü zure ürrikaltarzüna ezagützen zütenetara, eta zure jüstizia bihotzez xüxen dienetara.

        12. Ürgüllütsiaren zankhua etzakitala helt; eta enezala igi ogengiliaren eskiak.

        13. Han erori tüzü gaizki ari zienak; ohiltü tizie, eta txüti eztütüzü egon ahal izan.

GORANTZA XXXVI.

Erakhutspen zorigaitzian dienentako.

Dabiden khantoria.

        1. Etzitiela gaxtuen dohatsütarzünaren bekhaitz izan; etzitiela gaizki gilen bekhaitz izan.

        2. Idortüko beitira belharra bezañ bertan, baita eihartüko ere baratzeko lanthariak bezañ bertan.

        3. Esparantxa ükhazü Jaunian, eta hunki egizü; eta egon zite lürrian, eta hanko huntarzünez haziko zirade.

        4. Goza zite Jaunian, eta emanen deitzü zure bihotzak galthatzen deitzonak.

        5. Jaunari agert ezozü zure bidia, eta hartan esparantxa ükhazü eta behar düzüna eginen deizü.

        6. Eta argia bezañ xuri ekhitatüko dizü zure jüstizia, eta zure jüjamentia ügerdiko ekhia bezala.

        7. Zaude Jaunaren eskü pian, eta othoitze egiozü. Etzitiela bekhaitz gizon gaizki egiliari, bere bidian zorihun dielakoz.

        8. Begira zite khexatzetik, eta khexügua ütz ezazü; bekhaitz etzitiela gaxtotü nahiz.

        9. Gaizki giliak arrabaskatürik izanen beitira, Jaunaren althe dienek, aldiz, lürra dikezie bere phartetako.

        10. Orano aphürtto bat, eta gaizki gilia galdüko; haren egongia txerkatüko düzü, eta ez edirenen.

        11. Mantsuek aldiz lürra dikezie bere phartetako eta gozatüko tüzü bake handian.

        12. Ogen gilia beha daukezü jüstuari, eta haren kuntra karraskatüko tizü hortzak.

        13. Jaunak aldiz erri eginen diozü, ikhusi beitü haren egüna heltüko dela.

        14. Kopatik ogen gilek ideki ezpata; hedatü bere üzteia.

        15. Eskeliaren eta emütsaren egoxteko, bihotzez xüxen dienen erhaiteko.

        16. Berer ezpata bihotzian sarth zakioiela eta haien üzteia phorroka dadila.

        17. Jüstuak hobiago dü güti ükheitia, ezi ez ogen gilen huntarzün handiak.

        18. Ogen gilen besuak phorrokatüko beitirade; Jaunak aldiz bermatüko jüstuak.

        19. Badakitza Jaunak thona gabe dienen egünak, eta haien huntarzün phartiak mendez mende irañen.

        20. Aro gaitzian eztirade galdüko, eta gosetezko egünetan aseren dirade.

        21. Ogen giliak galdüko beitira. Jaunaren etsaiak, aldiz, uhuretan goratü bezañ sarri eroriko dirade eta khia bezala hurtüko.

        22. Jesanen dü ogen giliak, eta eztü phakatüko zorra; jüstuak, aldiz, ürrikaltürik karitatia egiten.

        23. Jauna hunetsiten dütenek lürra düke huntarzüntako, gaitzetsiten dütenak, aldiz, galdüko dirade.

        24. Jaunak lagüntüko gizonaren ürhatsak, haren bidia agradatüko betzaio.

        25. Erorten datienian ezta phorrokatüko, Jaunak besapetik etxekitzen beitü.

        26. Gazte izanik, zahartü niz; eta eztüt ikhusi jüstua thüstatürik, ez ere haren haurrak ogi galtho.

        27. Egün oroz karitate egiten eta pherestatzen ari da; haren azia hunetsitürik date.

        28. Gaizkitik begira zite, eta hunki egizü, eta egon zite mendez mende.

        29. Jaunak xüxentarzüna maite beitü, eta bere saintiak ezpeitütü ütziko; begiratüko beitütü bethiko.

        30. Jüsto eztienak kastigatürik dirate, eta sinhets gaben azia galdüko da.

        31. Jüstuek aldiz ükhenen düte lürra bere huntarzüntako, eta hartan gañen egonen dirade mendez mende.

        32. Jüstuaren ahotik zühürtzia, haren mihitik xüxengua.

        33. Bere Jinkuaren legia bihotzian dü; ebiltian ezta behatztopatüko.

        34. Ogen gilia beha dago jüstuari, haren hil eraz nahiz.

        35. Jaunak hatik eztü haren eskietan ütziko, ezteio ere ogenik emanen, gaizkigilia jüjatzen dükienian.

        36. Ügürük ezazü, Jauna, eta haren bidia begira, altxatüko zütü ükhen ahal dezazün lürra huntarzüntako, hori ikhusiko düzü ogen giliak galdü diatienian.

        37. Handi handitürik ikhusi dit sinhets gabia Libaneko zühañak bezañ lüze.

        38. Igaran nüzü, eta hurtü zitazü, txerkhatü dit eta zen lekhia eztit ediren.

        39. Xahü egon, eta xüxenguari jarraik zite, bakezko gizonak beitüzke undoriuak.

        40. Jüsto eztienak, aldiz, batetan galdüko dütüzü, eta undoriuak hilen zitzetzü.

        41. Jüstuen osagarria hatik Jauna ganik, haien begirazalia beita eskarnioko aruan.

        42. Jaunak lagüntüko eta soltatüko tü; ogengiletarik idokiko tü eta salbatüko, hartan esparantxa ükhen dütelakoz.

GORANTZA XXXVII.

Egin dütien ogenen pharkamentia galthatzen dü Dabidek.

Dabiden orhitzpenezko khantoria, nesken egüneko.

        1. Jauna, enezazüla hez zure fürian, ez eta ere kaztiga zure khexian.

        2. Zure flexek txistatü benaie, eta zure eskia nitan gaña phezatü beita.

        3. Zure khexiaren aitzinian aragia osagarri gabe dit; ene ogenen ikhustian ene ezürrek bakerik eztizie.

        4. Ene gaizkiek büria gaintitü beteitade, eta ezin egar diodan haxe batek bezala lehertzen benaie.

        5. Hirotü eta ürrinstatü ziztatzü ene zauriak, ene ertzokeria dela kausa.

        6. Miseriaz bethe nüzü, eta lürrialat künkürtü; bihotz min handitan nabilazü egün orotan.

        7. Ene errañak gezürrezko gogoz bethe beitira, sendo den larrü buxirik ezpeitüt.

        8. Samintürik eta ethenik nündüzün; ene bihotzeko heiagorak orrua egin erazten betzeitan.

        9. Jauna, ene nahiküntia oro zure aitzinian; eta ene heiagora etzaizü gorderik.

        10. Bihotza phanpaz ari zitazü; indarra galdü dit, begien argia ere bai, ezpeita haboro enekila.

        11. Ene adixkidiak eta ene askaziak hüllantü tüzü, eta ene kuntra txütitü.

        12. Ene khantian zienak, aldiz, hürrüntü dütüzü, eta bizia ideki nahi zeitanek bortxatzen nindizien.

        13. Eta ni galdü nahi nündienek orok ezdeuskeriak ziotzien, eta egün orotan falsükerietan zizien bere gogua.

        14. Nik hatik enitizün entzüten, gor banintz bezala, enizün ere ahua zabaltzen, mütü banintz bezala.

        15. Eta jin nüzü entzüten eztien gizon bat bezala, eta ihardesteko ahuan mihiik eztiena bezala.

        16. Zütan esparantxa ükhen beitüt, Jauna, behatüko zitzaitat, ene Jinko Jauna.

        17. Erran beitüt: Nitan gañen eztitiela alagera ene etsaiak, ene zankhuak ikhara zielakoz, sobera mintzatü beitira nitzaz.

        18. Ni azote khaldientako prest beniz, eta ene bihotz mina aitzinian beitüt bethi.

        19. Aithortüko beitüt ene gaizkia, eta goguan beitüket bethi ene ogena.

        20. Ene etsaiak hatik bizi tüzü, eta ene kuntra azkhartü, eta ogen gabe hügüntzen naitenak hanitxtü dütüzü.

        21. Gaizkiak hunkien ordari emaiten dütenek phorrokatzen nindizien hunki egiten ari nintzalakoz.

        22. Enezazüla ütz, ene Jinko Jauna, etzitiela hürrünt eneganik.

        23. Ene lagüntzea lehia zite, Jauna, Jinko ene salbazalia.

GORANTZA XXXVIII.

Zunbat llabür den bizia.

Ürhentzeko, Dabidek Idithüni hunto zeion khantoria.

        1. Erran düt: Begiratüko dütüt ene bidiak, mihiaz ogenik egin eztezadan.

        2. Xarranxa bat ene ahuari ezarri deiot ene kuntra jaikiten zelarik ogen gilia.

        3. Ixiltü niz eta lürrialat aphaltü; ixiltü niz hitz hunen erraitetik ere, eta ene bihotz mina ara berritü da.

        4. Barnian berotü zait bihotza, eta gogokan ari nintzalarik süia gartü zait.

        5. Eta erabili düt ene mihia erraiteko: Erakhuts ezadazü, Jauna, ene ürhentzia.

        6. Ene egünen saldua nulako den, jakin dezadan zunbait dütüdan orano bizitzeko.

        7. Zük izartü beitütüzü ene egünak, eta haien lüzetarzüna ezdeus bezala beita zure aitzinian.

        8. Gizon bizi dena ezdeuskeria bat beita.

        9. Egiazki itzala bezala beitua gizona, eta probetxü gaberik eskarniatzen beita.

        10. Diharü athetzen ari da, eta eztaki nurentako athetzen dütien.

        11. Eta orai zer da nik ügürikitzekua? Eza ene Jauna? Ene huntarzün güzia zütan düzü.

        12. Solta nezazü ene ogen orotarik, laidogarritü benaizü ertzuaren aitzinian.

        13. Ixiltü nüzü, eztit ahua zabaltü ere, hori zük egin düzülakoz. Eztezadazüla haboro eman azote khaldürik.

        14. Engoxatü nüzü zure eskü zaparten indar pian. Gizona zaflatü düzü bere gaxtokeriaren gatik.

        15. Haren arima eiharterazi düzü añharba bezala. Zinzinki probetxü gabe eskarniatzen düzü gizona.

        16. Beha zite, Jauna, ene othoitziari eta heiagorari; entzün itzatzü ene nigar zipak.

        17. Etzitiela ixilt, zure aitzinian arrotz eta bidejant baniz ere, ene aita güziak izan dien bezala.

        18. Thai eman ezadazü, freska nadin, hebentik juan beno lehen sekülakoz.

GORANTZA XXXIX.

Profetaren eskerrak Jinkuari, langer handi batetarik ideki dielakoz.

Ürhentzeko khantoria Dabidek Dabidi.

        1. Debeiatü gabe ügüriki düt Jauna, eta behatü zait.

        2. Eta entzün tü ene othoitziak, eta ideki nai miseriako mala zilotik.

        3. Zankhuak zenda gañen ezarri deitzat, eta lagüntü tü ene ürhatsak.

        4. Eta ahuan ezarri deit khantore berri bat, ene Jinkuari khantatzeko.

        5. Hanitxek hori ikhusiko, eta beldürtürik Jaunian esparantxa hartüko.

        6. Dohatsü Jaunaren izenian esparantxa dien gizona, ezdeuskerier eta falsükeria ertzuer behatü eztena.

        7. Miragarri hanitx egin tüzü zük, ene Jinko Jauna, zure goguen parerik ezpeita,

        8. Erran ditit bai, eta haiez ere mintzatü nüzü, bena hanitxegitü dütüzü.

        9. Dohañak eskent zeitzien eztüzü nahi ükhen; beharriak hatik huntü deiztadatzü.

        10. Abere errerik ezteitazü galthatü ene ogenaren sari. Erran dit arren ordian: Soizü, nihau horra nitzaizü.

        11. Libriaren thinian izkiribatürik düzü, zure nahiküntia egin behar düdala. Hori egin nahi dit, ene Jinkua, eta zure legia bihotz erdian dit.

        12. Zure xüxentarzünaren berri eman dit bilkhüra handitan; eztitit ezpañak zerratüko; hori zük badakizü, Jauna.

        13. Zure xüxengua eztit gorde, Jauna, ene bihotz barnen; zure egia eta zure ürrikaltarzün huna barreiatü ditit kanpuan.

        14. Zure ürrikaltarzüna eta zure egia eztitit gorde jente salduer.

        15. Zük hatik, Jauna, eztetzatzüla nitarik hürrünt zure ürrikaltarzünak; zure ürrikaltarzüna eta zure egia bethi zürkhaitz egon betzaitzat.

        16. Gaitz khunt' ahal eztien eli batek üngüratü nizie; ene gaizkiek atzaman nizie, eta eztitit ikhusi ahal ükhen.

        17. Ene bürüko bilhuak beno hanitxagotü dütüzü, eta bihotza galdü dit.

        18. Ene soltatzia plazer dakizüla, Jauna; sogidazü, Jauna, eta lagünt nezazü.

        19. Nahas ditiela eta ahalkez gorri ene biziaren bilha dabiltzanak, haren ideki nahiz.

        20. Gibelialat ützül ditiela, eta ahalkez gorri gaitz nahi deiztadenak oro.

        21. Behala ahalkez gorri ditiela ene trüfatzeko erraiten deitenak: Hots, hots.

        22. Boztario eta alagera ditiela zure bilha dabiltzanak oro eta erran dezela bethi: Handi dadila Jinkua, zütarik horra den salbamentia maite dütenek.

        23. Ni hatik eskele eta emüts nüzü; Jaunak arthatzen nizü.

        24. Ene lagüntzalia eta ene begirazalia zü zirade. Ene Jinkua etzitiela berant jin.

GORANTZA XL.

Dohatsü dira aholkazaliak eta erien ikhustera juailiak.

Ürhentzeko khantoria Dabidek Dabidi.

        1. Dohatsü eskeliaren eta emütsaren beharrak enthelegatzen tien gizona! Egün gaitzian Jaunak begiratüko dü.

        2. Begira dezala Jaunak eta lüzaz bizi eraz, eta lürrian dohatsü eraz, eta eztezala ützi bere etsaien nahiala erortea.

        3. Jaunak eman dizola sokhorri bere etzangia dolorezkuan; ohia egin derozü, Jauna, eri zaguen denboran.

        4. Nik, aldiz, erran dit: Ürrikalt zakitzat, Jauna, sendo ezadazüt arima, ogen egin beitüt.

        5. Ene etsaiek gaizkiz xahatü nizie ziuelarik: Nuiz hilen da eta galdüko haren arima?

        6. Eta nurbait ikhustera jiten bazeitan, ezdeuskeriaz mintzo zitadazün, haren bihotzian gaxtokeria franko athetü beita.

        7. Kanporat elkhi unduan ber gisan ere mintzo zütüzün.

        8. Ene kuntra koxelüka mintzo zütüzün ene etsai güziak, eni gaizki egiteko gogo beitzüten.

        9. Solaz txar bat ene kuntra iaurri dizie: Lo daguena ezteitia iratzar eta araphitz.

        10. Eneki bakian bizi zen gizonak, zuñi ere fida benintzan, ene ogia jaten zienak, bere traidorekeria agert erazi ditazü.

        11. Ürrikalt zakitzat, arren Jauna, eta ara phitz eraz nezazü, eta ordaria emanen diet.

        12. Ezagütü dit maite naizüla, ene etsaia nigatik eztelakoz alageratüko.

        13. Ogen gabe nizalakoz, hartü naizü zure estalgi pian, baita ere bethiko bermatü zure aitzinian.

        14. Benedika dadila, Jauna, Israeleko Jinkua, mendez mende. Halabiz, halabiz.

        Khantoren bigerren libria.

GORANTZA XLI.

Khantore huntzaliak Jaunaren eliza ikhusi nahi lüke. Elüke nahi galtha dezen, nun da zure Jinkua.

Ürhentzeko Khoreen semen erakhutspena.

        1. Nula ere orkhatzak hasperen egiten beitü üthürriko huretara, hala hala ene bihotzak zure gana, Jauna.

        2. Jinko azkhar eta bizi denaz ene arima egarri. Nuiz heltüko niz eta agertüko Jinkuaren aitziniala?

        3. Gaiaz eta egünaz nik nigarrak hazkürritako, erraiten deitenian, nun da zure Jinkua.

        4. Hoiez ohartürik engoxatü nüzü; igaranen beniz thoxa ederra den güne gainti Jinkuaren etxer'artino;

        5. Boztariuan khantalotsez uhatxez eta sonüz barazkaitan ari dienen khantütik.

        6. Ene arima, zentako zirade bihotz minetan? Zentako latzten naizü?

        7. Jinkuan esparantxa ükhazü orano ere laidatüko beitüt ene ikhusgarri salbazalia eta ene Jinkua bezala.

        8. Nitan ene arima latztü; hortakoz arren zützaz ohartüko nüzü

        Jordaneko aldian, Hermoniimeko mendixkan.

        9. Osinak osina deithzen zure ühaldien herotsian.

        10. Hurrak goratü, eta zure üharriak nitan gainti igaran.

        11. Egünaz Jaunak bere ürrikaltarzüna igorri, eta nik gaiaz khantore eginen;

        12. Bizia eman deitan Jinkuari nik othoitzez erranen: Ene begirazalia zü zirade.

        13. Zentako ahatzi naizü? Zentako nabila bihotza beltztürik, etsaiak eskarniatzen naielarik?

        14. Ezürrak phorrokatzen zeiztelarik, gaizkiz xahatzen nindizien eskarniatzen naien etsaiek.

        15. Egün oroz erraiten zitazien: Nun da hire Jinkua? Ene arima, zentako zirade bihotz minetan, eta zentako latzten naizü?

        16. Jinkuan esparantxa har ezazü, orano ere laidatüko beitüt ene ikhusgarri Salbazalia eta ene Jinkua bezala.

GORANTZA XLII.

Khueinta eta othoitze Jaunari.

Dabiden khantoria.

        1. Jüja nezazü, Jinkua, eta berhez ezazü ene egitekua nazione saintü eztenaren artetik, idek nezazü gizon gaxto eta falsü denaren eskütik.

        2. Zü ene indarra izan eta, Jinkua, zentako ohiltü naizü? Eta zentako bihotza beltzik ebilten niz, ene etsaiak eskarniatzen naielarik?

        3. Zure argia eta zure egia igor itzadatzü, lagüntüko benaie eta eramanen zure mendi saintiala eta zure thoxetar'ano.

        4. Eta heltüko nüzü Jinkuaren altharial'ano ene gaztarua alageratzen dien Jinkual'ano.

        5. Arabitareki laidatüko zütüt, Jinkua, ene Jinkua. Ene arima, zentako zirade bihotz minetan? Eta zentako latzten naizü?

        6. Jinkuan esparantxa ükhazü, orano ere laidatüko beitüt ene ikhusgarri Salbazalia eta Jinkua bezala.

GORANTZA XLIII.

Khantore huntzalia mintzo da lehenago Jinkuak egin dütien gaiza miragarriez.

Ürhentzeko, Koreen semer enthelega ahal dezen.

        1. Jauna, gure beharriez entzün tizügü, gure aitek erran dizkützie,

        2. Haien denboran eta lehenagoko denboran egin dütüzünak.

        3. Zure eskiak arrabaskatü tizü eta zük beren günetan ezarri tüzü nazioniak; zaflatü eta ohiltü tüzü popüliak.

        4. Beren ezpataz ezpeitüte lür hau irabazi, eta beren besuak ezpeitütü salbatü,

        5. Bena bai zure esküñak eta zure besuak eta zure begitharteko argiak, maithatü nahi ükhen tüzülakoz.

        6. Zü zihau zirade ene erregia eta ene Jinkua; manha zazü salba dadin Jakob.

        7. Zure medioz tütez aizatüko tizigü gure etsaiak, eta zure izenian eztikezügü gure kontra jaikiten direnen axolik.

        8. Eztiket ja esparantxarik ene üzteiian, eta enizü ene ezpatak salbatüko.

        9. Gure eskarniazaletarik salbatü gütüzü, gure hügüntzaliak ere ahalkerazi dütüzü.

        10. Egün oroz loriatüko gütüzü Jinkuan, eta laidatüko dizügü bethi zure izena.

        11. Orai hatik ohiltü eta ahalk'erazi gütüzü; eta gure indarreki etzirade haboro ebili nahi, Jinkua.

        12. Gure etsaien aitzinetik laster egin erazi deiküzü, eta hügüntzen güntienen janhari izan gütüzü.

        13. Eman gütüzü artzarrak bezala, eta barreiatü gütüzü nazionen artian.

        14. Dohañ saldü düzü zure popülia, erosliak merke merkia ükhen beitü.

        15. Gure aizuen laidogarritü gütüzü, gure aldian direnak erriz trüfatzen ari zizkützü.

        16. Nazionen artian khürsuak bezala ezarri gütüzü, büria khordokatzen dizie gure ikhustian.

        17. Ahalkia begietan dit egün oroz; ene begitharteko ahalkiak estaltzen nizü.

        18. Entzüten düdanian gaizki erraiten deitanaren mintzua, eta ikhusten düdanian ene etsai eskarniazalia.

        19. Gaña jin zizkützü gaitz hoiek oro, eta ahatze etzütügü, eta zure ordeñiari eztizügü mentsik egin.

        20. Eta gure bihotza etzeizü gibeltü, eta gure ürhatsak eztütüzü zure bidetik okhertü.

        21. Zük aphalt erazi gütüzü bihotz mineko lekhian, eta üngüratü gitizü herioko itzalak.

        22. Ahatze badügü gure Jinkuaren izena, hedatü badütügü gure eskiak Jinko arrotz baten ganat,

        23. Ezteikia Jinkuak berri galthatüko? Harek beitakitza bihotzeko berriak.

        24. Zure gatik hiltzen beikira egün oroz, eta igaraiten ere erhorik izan behar dien artzar eli batentako.

        25. Jaiki zite, zentako lo zaude, Jauna? Jaiki zite, eta bethi ere ezkitzatzüla zure ganik ohilt.

        26. Zentako bazterrialat ützültzen deiküzü zure begithartia, eta zentako ahazten düzü gure emütsgua eta gure eskarniua?

        27. Gure arima erhautsian herresta diagozü, eta gure sabela lürrari josirik düzü.

        28. Jaiki zite, Jauna, lagünt gitzatzü, eta zure izenaren amorekatik eros gitzatzü.

GORANTZA XLIV.

Ezteietako khantoria. Zuñen eder eta balius diren ezkunt geien hatiak.

Ürhentzeko, khanbiatüko direnen; Khoreen semek khantatzeko; maitenaren khantoria.

        1. Ene bihotzak huntü dü elhe hun. Erregeri diotzat egin dütüdanak.

        2. Ene mihia zalhüki izkiribatzen dienaren lüma.

        3. Gizon semen ederrena! Ezpañetan dütüzü edergalliak, hortakoz bethiko hunetsi zütü Jinkuak.

        4. Ahal handiko gizona, zure azpiari jünto ezar ezazü ezpata.

        5. Zure itxura ederrareki, hed'ezazü üzteia, dohatsüki ebil zite, eta bazterrez nausi zite.

        6. Egian, ürrikaltarzünian eta jüstizian; eta miragarriki lagüntüko zütü zure esküñak.

        7. Zure tragoza zorrotzek pialatüko deitzie popüliak, eta sarthüko dütüzü erregeren etsaien bihotzia lano.

        8. Jinkua, zure jargia mendez mende egonen düzü; zure bürüzagiguako zaharua, zaharo lerdena beita.

        9. Maithatü düzü jüstizia, eta hügüntü gaxtokeria; hortakoz Jinkuak, zure Jinkuak, berekatü zütü boztariozko oliuaz zure khiden artian.

        10. Mirha eta inseñsü eta kanela üsañ iaurtzen dizie zure arropek eta zure bolizko etxek, gozatzera eman beteitzie erregen alhabek.

        11. Ürhezko arropak jauntsirik erregiña zure esküñian diagozü edergallüz üngüratürik.

        12. Beha zite, ene alhaba, soizü eta zabalt ezazü zure beharria; ahatz etzatzü zure herritarrak eta zure aitaren etxia.

        13. Eta erregek maithatüko dizü zure edertarzüna, zure Jinko Jauna beita, eta othoitüko dizie jentek.

        14. Tirreko neskatilek dohañak ekharriko deitzie, eta popülüko aberatsek othoitüko zütie.

        15. Erregeren alhabaren loria oro barnian, ürhezko bilbetan eta jauntsteko edergallietan.

        16. Hartarik landan neskatila gazte eramanen erregeri, eta haren askazi hüllanenak eskentüko deitzie.

        17. Boztariuan eta alagranzian ekharriko tizie, baita ere eramanen erregeren palaziualat.

        18. Zure aiten ordari sorthü zaitzü semiak, ezarriko beitütüzü lür güziaren bürüzagi.

        19. Zure izenaz ohartüko tüzü undoriotik undoriuala.

        20. Hortakoz popüliek laidatüko zütie bethi eta mendez mende.

GORANTZA XLV.

Gerlako langeretarik elkhi delakoz eskerrak emaiten tü.

Ürhentzeko, Koreen semer, koxelientako.

        1. Jinkua gure ihes lekhia eta indarra, soberazko heltü zaizkün eskarnio gaxtuetan gure lagüntzalia.

        2. Hortakoz ezkirade izitüko lürra erroz gora baledi ere, eta mendiak itxas barniala lürtürik ere.

        3. Hurrek herots handi eta builta egin düte; mendiak iralli tü haren indarrak.

        4. Ibaieko builta handiak alageratzen Jinkuaren hiria. Gañgañkuak xahatü bere egongia.

        5. Hiri erdian beitago Jinkua, ezta khordokatüko; Jinkuak sokhorritüko beitü argi hastetik.

        6. Nazioniak harritü dira, eta erresumak iralli; mintzatü da, eta lürra ikharatü.

        7. Indarren Jauna gurekila; Jakoben Jinkua gure begirazale.

        8. Tziauste, eta ikhus etzatzie Jaunak eginik lür gañen ezarri dütien gaiza miragarriak; ükhüz'azten tielarik gerlak mündü bazterretik bazterriala.

        9. Hautsiko dü üzteia, eta phorrokatüko tü armak baita eskütak süian ezarriko.

        10. Egon zizteie ükhürü, eta ikhus ezazie ni Jinkua nizala: Goratüko niz nazionen artian eta goratüko niz lürrian.

        11. Indarren Jauna gurekila; Jakoben Jinkua gure begirazale.

GORANTZA XLVI.

Khantore huntzaliak khümitatzen tü nazioniak Jaunaren laidoriuen khantatzea.

Ürhentzeko, Koreen semen khantore huntia.

        1. Nazioniak, eskü zapartotsez khant'ezazie Jinkuaren loria alagranziazko botzian.

        2. Jauna gora eta lotsagarri beita; Errege handia lür güzian.

        3. Eskü pian ezarri deizkü popüliak, zankho petan aldiz nazioniak.

        4. Berhezi deikü behar günien lekhia, Jakob maithatü dienaren edergallia.

        5. Goiti igaran da Jinkua uhatxez, eta Jauna tütotsez.

        6. Obeta egiozie gure Jinkuari, obeta egiozie; obeta egiozie gure Erregeri, obeta egiozie.

        7. Lür güziko errege beita Jinkua, obeta egiozie zühürki.

        8. Jinkua erregeguan date nazionen gañen; Jinkua jarriko da bere hoki saintian.

        9. Popülien aitzindariak Abrahamen Jinkuari jüntatü dira, lürreko Jinko azkharrak hanitxegi goratü dielakoz.

GORANTZA XLVII.

Jaunak erakhutsten dü bere photeria bere egongian eta Jerüsalemen, eta agert erazten ere bere loria mündü bazterrialano.

Koreen semen khantoria, asteharteko.

        1. Jauna handi da, eta gorantzagarri, gure Jinkuaren hirian, bere mendi saintian.

        2. Sioneko mendiak, errege handiaren hiriak, heguaren aldian zimentiak, lür güziaren boztariotako.

        3. Hanko etxetan ezagütüren Jinkua, jarten zeikenian althe.

        4. Lürreko erregek bilkhüra egin beitüte, eta jüntatü beitira hiriaren kuntra.

        5. Hiria ikhusi unduan, espantatü dirade, latztü eta harritü, eta ikharatü.

        6. Han saminak eta haurminak. Zure heguan phorrokatü tüzü Tharseko untziak.

        7. Entzün dütügün bezala, ikhusi ditizügü hoiek. Indarrezko Jaunaren hirian, gure Jinkuaren hirian, bethiko Jinkuak zimentatü dienian.

        8. Heltü ziküzü, Jinkua, zure ürrikaltarzüna zure egongia erdian.

        9. Jinkua, zure loria, zure izenaren arabera, hedatzen düzü lür bazterretara; ahür esküña jüstiziaz betherik düzü.

        10. Goza dadila Sioneko mendia, eta alagera ditiela Jüdako neskatilak, zure jüjamentien gatik, Jauna.

        11. Üngür'ezazie eta besarka Sion; iaur etzatzie berri hoiek hanko thorre gañetarik.

        12. Zien bihotzak ezartzie haren indar gañen, eta hanko etxiak khuntetzatzie, zunbat diren erraiteko zien undokuer.

        13. Hau beita Jinkua, gure bethiko Jinkua, eta mendez mendekua, eta hunek bethi ernatüko beikütü.

GORANTZA XLVIII.

Aberatstarzünen ezdeuskeria; ezpeitiote begira ez eman bizia. Heriua ororen bürüzagi eta bardinzale.

Ürhentzeko, Koreen semen Dabidek huntü khantoria.

        1. Beha ziteie, jentiak; ern'itzatzie beharriak, lürreko ekhoiliarek orok;

        2. Lür lanthzalek eta aitun semek, aberatsek eta emütsek.

        3. Ene ahuak erakatsiko dü zühürtzia, ene bihotzeko gogokak aldiz, eginbidia.

        4. Ene beharria aphaltüko düt ikhasi düdaniala; sonian edirenen düt erran behar dükedana.

        5. Zentako beldürtüren niz egün gaitzian? Ene aztaleko gaxtokeriak üngüratzen nai.

        6. Bere indarrer fida dienak, eta bere huntarzün handiez loriatzen direnak, beha bite.

        7. Anaiak anaia eztü erosten, aurhide eztenak erosiko dia? Jinkuaren balakatzeko deusik eztü emaiten,

        8. Bere biziaren eros sari; eta bethi eskarniuan dago, eta halarik ere ürhentzialano biziko da.

        9. Eztü ikhusiko heriua, zühürrak hiltzen ikhusten düzkienian. Bürü mentsa eta ertzua bardin dirade galdüko;

        10. Eta arrotzer ütziko dütüzte bere huntarzünak mendez mende hobiak beitüzkete etxetako;

        11. Eta egongiatako undoriuetarik undoriuetarano, nahi bada bere izenak ützi dütüzten bere lürrer.

        12. Eta gizonak laidoriuetan zelarik eztü enthelegatü, abere enthelegü gaben bardintü beita, eta haien üdüri jarri.

        13. Hau da haien bide behatztoperazlia, eta halarik huntaz mintzatzeko gozo dütü.

        14. Ardiak bezala ifernian sarthü dira, eta heriuak jan dütü.

        15. Goizik goithüko dütüzte jüstuek, eta bere loriaz pikarraitü diatienian, ifernian thüstotüko zaie bere lagüntzalia.

        16. Jinkuak hatik idekiko dü ene bizia ifernüko aztaparretik, bere estalgi pian hartüko naienian.

        17. Ez beldürt gizon bat aberatstü datenian, eta etxia loriaz mükhürri dükienian.

        18. Hiltzen datienian ezpeitütü oro eramanen, eta haren loria ezpeita harekila eraitsiren.

        19. Bizi deno hunetsirik date haren arima. Laidatüko zütü hunki egiten baderozü.

        20. Sarthüko düzü bere aita zaharren egongian, eta mendez mende eztizü haboro argia ikhusiko.

        21. Gizonak laidoriuetan zelarik eztü enthelegatü, abere enthelegü gaben bardintü beita, eta haien üdüri jarri.

GORANTZA XLIX.

Jüje gehienak, bere aitziniala deithü unduan popüliak, aphezak eta jüjiak, mehatxü egiten deie beren falsükerien, gaizkien eta gaxtokerien gañen.

Asafen khantoria.

        1. Jinkuen Jinkua, Jauna mintzatü da, eta lürrari oihü egin deio.

        2. Ekhi jalkhigiatik etzangialano. Sionetik horra da bere edertarzünian.

        3. Ageririk jinen da Jinkua, gure Jinkua, eta ezta ixiltüko.

        4. Sü-garrak aitzinian dütüke eta arogaitzak üngürian.

        5. Zeliak behera eta lürra gora deithüko dütü, behez dezen haren popülia.

        6. Bil itzotzie bere saintiak, eta hari sakrifizio egiteko hitz hartü tienak oro.

        7. Eta zeliek erranen düte haren xüxengua, Jinkua xüxen beita.

        8. Behadi, ene popülia, eta mintzatüko nük; Behadi, Israel, eta zinzinki erranen deiat: Ni nük Jinkua, hire Jinkua.

        9. Enitzaik hire sakrifiziuen gatik khexatüko, hik errerik eskentzen deiztadanak bethi beitütüt aitzinian.

        10. Hire etxetik eztiat xahalik hartüko, ez eta ere hire arresetarik akherrik.

        11. Eniak beitirade bortietako basa ihiziak oro, mendietako bohorrak eta idiak.

        12. Zelietako hegaltariak oro ezagützen ditiat; alhorretako edertarzüna nitarik horra dük.

        13. Gose baniz, ezteiat erranen gose nizala, enia delakoz lür güzia eta edeiten diena.

        14. Janen düta zezen aragitik? Edo edanen akher odoletik?

        15. Eskent ezok Jaunari laidoriozko sakrifizio, eta Gañgañkuari etxek itzok hitzemanak.

        16. Oihü egin hizadak eskarnioko egünian. Nik soltatüko hait, eta laidatüko naik.

        17. Ogen giliari, aldiz, Jinkuak erran deio: Zentako mintzo hiz ene xüxenguaz? Eta zentako dabiltzak ene elhiak hire ahuan?

        18. Hik hezkola hügüntü dük, eta bazterrialat urthuki tük ene hitzak.

        19. Uhuña ikhusten bahien, hareki juaiten hintzan, ohaiden pharteliant izaten hinzan.

        20. Maleziaz betherik hien ahua, eta mihia falsükeria bilha erabilten hien.

        21. Jarri unduan, hire anaieren kuntra mintzo hintzan, eta behatztopagia egiten heion hire amaren semiari. Hola ar'izan hiz, eta ixilik egon nük.

        22. Gaxto txarra, uste ükhen dük hire üdüri nintzatiela; arranküratüko nitzaik bai, eta hiauren aitzinian ezarriko hait.

        23. Hori entheleg'ezazie, Jinkua ahatzten düzienek, eramanik izan etzizteien, eta soltazale gabe egon etzizteien.

        24. Laidoriozko sakrifiziuak ni laidatüko; hor da erakhatsiko düdan bidia Jinkuaren salbamentiala heltzeko.

GORANTZA L.

Dolütan den arima baten othoitzia. Jinkuak nahiago dütü bihotzminak eziez errerik eskentzen zaitzon aberiak. Aberiak eskentüren deitze Jaunari Jerüsalemeko harrisiak ara egiten diatienian.

Ürhentzeko Dabidek huntü zien khantoria profeta Natan jin zeionian mehatxü egitera, gaizki egin zielakoz Bethsabeeareki.

        1. Ürrikalt zakitzat, Jinkua, zure ürrikaltarzün handiaren arabera.

        2. Eta zure huntarzün handiaren arabera xahezazü ene gaizkia.

        3. Ükhüz eta ara ükhüz nezazü ene gaizkitik, eta xuri nezazü ene ogenetik.

        4. Egin düdan gaizkia ezagützen beitüt, eta ene ogena ene kuntra beitüt bethi.

        5. Zuri zihauri ogen egin deizüt, eta gaizki egiten ari izan nüzü zure aitzinian; hori aithortzen dit zure hitzak xuri ahal ditien, eta erraiteko gabe zirela jakin dezen jüjatzen zütienek.

        6. Badakizü gaizkian eginik izan nizala, eta ogenetan sorthü naiela ene amak.

        7. Zük egia maite ükhen beitüzü; agertü deiztatzü zure zühürtarzüneko bidexkak eta gordalliak.

        8. Isopuaz ihiztatüko naizü, eta xuritüko nüzü; ükhüziko naizü, eta elhürra beno xuriagotüko nüzü.

        9. Ene beharrier entzün eraziko derezü alagranziazko eta boztariozko hitz eli bat; eta ene ezür phorrokatiak jauztekan ariko tüzü.

        10. Ene ogenetarik bazter ezazü zure begithartia; eta xaha itzatzü ene gaizki güziak.

        11. Bihotz xahü bat nitan ezar ezazü, eta izpiritü xüxen bat nitan barnen berri ezazü.

        12. Enezazüla ohilt zure aitzinetik; eztezadazüla idok zure izpiritü saintia.

        13. Emadatzü boztariua eta salbamentia, eta zürkhaitz nezazü zure izpiritiaren indarraz.

        14. Gaxtuer erakhatsiko tit zure bidiak, eta sinhets gabiak zure ganat ützüliko tüzü.

        15. Solta nezazü, Jinkua, ene salbamentüko, Jinkua, ixuri düdan odoletik, eta ene mihia alageratüko düzü zure jüstizian.

        16. Jauna, zabaltüko tüzü ene ezpañak, eta ene ahuak barreiatüko tizü zure laidoriuak.

        17. Sakrifizio, nahi ükhen bazünüzün, egin neikezün; bena errerik eskentiak etzeitzü agrada.

        18. Izpiritü phorrokatia Jinkuaren sakrifiziorik agradena; Jinkua, eztüzü bazterrialat ütziko samintürik eta phorrokatürik den bihotza.

        19. Zure huntarzünian, hunki egiozü, Jauna, Sioneri, altxa ahal ditien Jerüsalemeko harrisiak.

        20. Ordian agradatüko zaitzü jüstiziazko sakrifiziua, oberendak eta errerik eskentzen zaitzün aberiak; ordian althare gañen ezarriko deitzie xahalak.

GORANTZA LI.

Doeg Idümearrari Dabidek egin zeitzon mehatxiak, Jaunaren aphezak Saulek erho zütielakoz.

Ürhentzeko, Dabidek enthelegatü dü Doeg Idümearrak Sauli salhatü diela nula jin den Akhimelekhen etxera.

        1. Zentako malezian loriatzen zirade, gaizki egile azkharra?

        2. Egün orotan gaizkiari gogoz ari izan düzü zure mihia, bizar nabela zorrotzak bezala, falsükeria egin düzü.

        3. Hunki egitia beno maitiago ükhen düzü malezia; gaxtokerian xüxenguan beno laketago izan zira.

        4. Mihi lüze falsia, laketü zirade solaz galgarri güzietan.

        5. Hortakoz, arren, Jaunak galdüko zütü; khentüko zütü eta zure etxanotik kanpo igorriko; eta bizien artetik erroz gora ezarriko zütü.

        6. Jüstuek ikhusiko dizie, eta ikharatüko tüzü, erri egitez dioielarik,

        7. Hau düziela Jinkua lagüntzala hartü eztien gizona, bere aberatstarzün handietan esparantxa ezarri diena, eta bere handiguan hantü dena.

        8. Ni, aldiz, oliotze frütüz lehertia bezala niz, Jinkuaren etxen Jinkuaren ürrikaltarzünian ezarri düt ene esparantxa sekülakoz, mendez mende.

        9. Bethi laidatüko zütüt hola egin deitazülakoz; eta ügürikiko dit zure izena; hun delakoz zure saintü güzien aitzinian.

GORANTZA LII.

Gaxtuen sinhets gabegua. Harritürik eta ahalketürik daude. Bahi daguen günetik Jaunak idekiko dü bere popülia.

Ürhentzeko; Dabidek huntü khantoria, Maeleten eskolatzeko.

        1. Ergelak bere bihotzian erran dü: Ezta Jinkorik.

        2. Hirotü eta hügüntgarritü dirade bere gaxtokerietan; ezpeita bat ere hunki egiten dienik.

        3. Zelü gañetik Jinkuak gizon semer sogin dee, ikhusteko eia haietan badenez enthelegedünik, eta Jinkuaren bilha dabilanik.

        4. Bide hunetik oro baztertü dirade eta banotü, haietan hunki egiten dienik ezpeita bat ere.

        5. Enaieia ezagütüko gaizki egilek, ene popülia, ogia bezala, jaten diren haiek?

        6. Eztüte oihürik Jinkuari egin; beldürrez ikharatü dirade, beldürrik etzen lekhian;

        7. Gizoner plaser egilen ezürrak barreiatü tielakoz Jinkuak; ahalketü dirade Jinkuak mesperetxatü dütielakoz.

        8. Sionetik nurk emanen dü Israeleko salbamentia? Jinkuak akab'erazi dükienian bere popüliaren bahigua, Jakob boztariotüko da, eta Israel alageratüko.

GORANTZA LIII.

Bere etsaien kuntra Dabidek Jinkuari galthatzen deio sokhorri; eta goithüko dütiela esparantxa dü.

Ürhentzeko; khantoren gañen Dabiden erakhutspena Ziftarrak jin zirenian Sauli erraitera: Dabid eztagua gure artian gorderik?

        1. Jinkua, zure izenian salba nezazü, eta zure indarrian ene althe jar zite.

        2. Jinkua, beha zite ene othoitziari, eta beharriak hed'itzatzü ene ahoko hitzetara.

        3. Arrotzak ene kuntra jaiki beitirade, eta azkarrek bizia ideki nahi ükhen beteite, eta ezpeitüte Jinkuari kasürik egin.

        4. Jinkuak hatik ni lagüntzen nai, eta Jaunak begiratzen deit bizia.

        5. Ene etsaier igor itzetzü gaizki egin nahi deiztadenak, eta zure egiaren arabera arrabaska itzatzü.

        6. Gogo hunez eskentüko deizüt oberenda, laidatüko ere dit zure izena, hun delakoz, Jauna.

        7. Soltatü benaizü eskarnio orotarik; eta ene begiak ene etsaien axolik ezpeitü ükhen.

GORANTZA LIV.

Dabiden othoitzia langer handi batetan. Mintzo da bere etsaien gaxtokeriaz. Jinkuari fida beita hari ogen egiliak galdüko direla dio.

Ürhentzeko. Khantoren gañen. Dabiden enthelegia.

        1. Entzün ezazü, Jinkua, ene othoitzia, eta eztezazüla mesperetxa ene heiagora; eztiki sogidazü, eta beha zakitzat.

        2. Bihotza belz dit othoitzen aritzian; büria nahasirik dit, ene etsaiaren oihia eta ene ogengiliaren eskarniua dela kausa.

        3. Bizkarriala ezarri diztatzie ogen eli bat, eta bere khexian samintü nizie.

        4. Bihotza phanpaz hasi zitazüt barnen, eta herioko lotsak garhaitü nizü.

        5. Beldürra eta ikhara gaña jin ziztatzü, eta ülhünpiak estali nizü.

        6. Eta erran dit: Nurk emanen deiztat hegalak ürzuari bezala, hegalta eta phausa nadin?

        7. Ihes juaitez hürrüntü nüzü, eta desertian egon,

        8. Bihotzaren galzetik eta aro gaitzetik begiratü naienaren haidürü.

        9. Arrabask'itzatzü, Jauna, eta mihiak barreia itzetzü; hiria ikhusi beitüt gaxtokeriaz, eta bai-ez-keriaz betherik.

        10. Gaiaz eta egünaz hanko harrisi üngürien gañen diagozü gaxtokeria, erdian dielarik lana eta okherkeria.

        11. Hanko plazetan uhuñkeria eta falsükeria franko badüzü.

        12. Ene etsaiak gaitzetsitü banündü, enizün hitzik ere erranen.

        13. Eta hügüntzen nündienak nitzaz gaizki handi erran balü, behar bada gorde nündükezün harenganik.

        14. Bena inganatü naizü zük, ene khidia, ene aitzindaria eta ezagüna,

        15. Eneki gaiza hun jalia, eta Jinkuaren etxera juailia.

        16. Holakuer heriua hel dakiela, eta bizirik ifernialat eraits ditiela.

        17. Egongiak eta beren barnia gaxtokeriaz betherik beitüzte.

        18. Nik hatik oihü egin Jaunari, eta Jaunak ni begiratüko.

        19. Arratsen, goizan eta ügerditan nik Jaunaren ürrikaltarzüna erranen eta laidatüko, eta Jauna eni behatüko.

        20. Bakian ene bizia erosiko deie ene ganat hüllantzen diener hanitx beitirade ene kuntra.

        21. Jinkua eni behatüko, ene etsaiak aldiz egotxiko, menden aitzinetik beita.

        22. Ezpeitirade khanbiatzen eta Jinkuaren beldürrik ezpeitüte. Hedatü dü bere besua haier ordariaren emaiteko.

        23. Theiütü düte haren adixkidegua; haren begitharteko khexiak barreiatü dütü, eta haren bihotzak güdükatü.

        24. Haren solazak oliua beno eztiago, bena zorrotz.

        25. Ützazü Jaunari zure artha, eta haziko zütü; xüxen dena sekülan eztü bere gora-beheretan ütziko.

        26. Zük hatik, Jauna, gaxtuak eramanen tüzü herioko zilualat.

        27. Gizon odolkhoiak eta falsiak ezpeitira heltüko bere biziko egün erdietara; nik hatik zütan ezarriko dit, Jauna, ene esparantxa.

GORANTZA LV.

Bere etsaien artian bihotz minetan den gizon baten othoitzia. Jaunari emaiten deitzo eskerrak salbatü dielakoz.

Ürhentzeko; gaiza xahietarik hürrüntü den popüliaren gañen. Hitz hoiek izkiribatü zütien Dabidek harri batetan, Jetheko günian Filistinek baratü zütenian.

        1. Ürrikalt zakitzat, Jinkua, gizonak zankho petan erabili benai; egün orotan zaflaka ari izan betzait, eta eskarniatü benai.

        2. Egün orotan zankho petan etsaiek erabili nizie, eni gerla egiliak hanitx beitirade.

        3. Ügerditan ere beldür nükezü, bena zütan diket esparantxa.

        4. Jinkuan laidatüko tüt erran deitzadanak, Jinkuan beitüt esparantxa; eniz beldür izanen zerbait egin dizaden gizonek.

        5. Egün orotan ene elhiak hastiatzen zütüzten; eni gaitzki egiteko züten gogua.

        6. Algarganatüko dira, eta gorderen, eta ene ebilketen erphai egonen.

        7. Bizia ideki nahi beiteitade, deusentako ere eztütüzü zük salbatüko, zure khexian phorrokatüko tüzü popüliak.

        8. Eman deizüt, Jinkua, ene biziaren berri; ene nigarrak ezarri tüzü zük zure aitzinian.

        9. Hitzaman deitadazün bezala, ützül ditiela ene etsaiak gibelialat.

        10. Zuñ nahi egünez oihü zuri eginik ere, ezagützen dit ene Jinkua zirela.

        11. Jinkuan laidatüko dit hitza, Jaunian laidatüko dit solaza; Jinkuan esparantxa hartü beitüt, enüzü lotsa deusik egin deizaden gizonek.

        12. Nitan ditit, Jinkua, hitzaman deitzüdanak, eta zor deitzüdan laidoriuak.

        13. Heriotik salbatü beitüzü ene bizia, eta lezetik ene zankhua, ni agrada ahal nadin Jinkuari bizi dienen argian.

GORANTZA LVI.

Bere bihotz min handian Jinkuari sokhorri galthatzen deio Dabidek, hitzamaiten ere laidoriuak bazter orotan barreiatüko deitzola.

Ürhentzeko. Ez gal. Bi hitz hoiek Dabidek izkiribatü zütien, kharbe batetan sarthü zenian, Saulen ihes zuelarik.

        1. Ürrikalt zakitzat, Jinkua, ürrikalt zakitzat, ene arima zuri fida beita.

        2. Eta zure hegalen itzalpian esparantxa diket, gaizkia igaran artio.

        3. Oihü eginen düt Gañgañko Jinkuari, hunki egin deitadan Jinkuari.

        4. Zelütik igorri dü, eta soltatü nai; ahalkez gorri erazitü ene ostikazaliak.

        5. Jaunak igorri bere ürrikaltarzüna eta bere egia, eta ene bizia idoki lehu hümen ahotik. Lotsan lo egin düt.

        6. Gizon semen hortzak armak eta flexak bezañ zorrotz; eta haien mihia ezpata zorrotza.

        7. Zeliak beno gorago altxa zite, Jinkua, eta zure loria argi dadila lür orotara.

        8. Zephua adelatü dizie ene zankhuentako, eta künkürtü ditazie arima.

        9. Ene begien aitzinian egin dizie zilo bat, eta hartara erori tüzü.

        10. Adelatürik düzü ene bihotza; Jinkua, adelatürik düzü ene bihotza, khantatüko dit, eta arrapikotsez ariko nüzü.

        11. Jaiki adi, ene loria; iratzar zizte, ene sonia eta arrabita, goizik jaikiko beniz.

        12. Laidatüko zütüt, Jauna, popülien artian eta nazionen artian khantarrapikotsez ariko nitzaizü.

        13. Zure ürrikaltarzüna handitü delakoz zelietarano, eta zure egia odeietarano.

        14. Zeliak beno gorago altxa zite, Jinkua, eta zure loria argi dadila lür orotara.

GORANTZA LVII.

Aholkari gaxtuer mehatxü Dabiden kuntra khex erazten zütelakoz Saul.

Ürhentzeko. Ez ni gal. Hitz hoiek izkiribatü zütien Dabidek harri baten gañen.

        1. Egiazki mintzo bazireie, jüstiziaren arabera xüxenki jüj'ezazie, gizon semiak.

        2. Bena bihotzian gaxtokeria huntzen ari zizte; eta gaizki baizik eztüte zien eskiek egiten lürrian,

        3. Sorthüz gerozti xüxenguari gibeltü dira ogengiliak, amaren sabeletik elkiz gerozti herratü dirade eta gezürrez mintzatü.

        4. Sügia bezala oldartürik, süsker beharriak thapatzen dütiena bezala gortürik,

        5. Inkantazalen mintzuaren, eta egerki inkantazale sorginarenaren ez entzüteko.

        6. Jinkuak hautsiko deitze hortzak ahuan; Jaunak erhautstüko dütü lehuen haginak.

        7. Ezdeustüko dirade igaraiten den üharria bezala; hedatü dü bere üzteia egotx ditien artio.

        8. Hurtzen den ezkua bezala, eramanik dirate, gaña eroriko zaie iñhazia, eta eztüte ekhirik ikhusiko.

        9. Haien ilhorriak adartü beno lehen, bere khexian iretsiko tü bizirik bezala.

        10. Gizon xüxena boztariotüko mendekiaren ikhustian, bere eskiak ükhüziko tü ogengiliaren odolian.

        11. Eta gizonak erranen dü: Probetxü dienaz geroz xüxenak, bada arauz lürrian gizon jüjazale Jinko bat.

GORANTZA LVIII.

Langer handian etsaiez üngüratürik denaren othoitzia. Jauna ürrikaltzen zaio.

Ürhentzeko. Ez ni gal. Hitz hoiek izkiribatü zütien Dabidek, Saulek igorri zeitzonian jentiak, bere etxen begira eta erho lezen.

        1. Idek nezazü ene etsaien eskietarik, ene Jinkua, eta solta nezazü ene kuntra jaikiten direnetarik.

        2. Idek nezazü gaitzki egilen artetik, eta salba nezazü odolkhoi diren gizonetarik.

        3. Atzaman beteite bizia, gizon azkarrak gaña erori betzaiztat.

        4. Gaizkirik ez eta ere ogenik eniezün egin, Jauna; laster egin dit, eta ebili nüzü ogen gabe.

        5. Jaiki zite nitara heltzeko, eta soizü zük, Jauna, indarren Jinkua, Israeleko Jinkua.

        6. Abia zite nazione güzien ikhustera juaiteko, eta gaizki egiler etzitzaitzela batere ürrikalt.

        7. Arratsen ützüliko tüzü, txakürrak bezala gosetürik, eta hiri üngürian ebiliko tüzü.

        8. Elhe diokezü haien ahuak, ezpañetarik txilintxau dizie ezpata bat, dioielarik: Nurk entzün gütü?

        9. Eta zü, Jauna, haiez trüfatüko zirade; ezdeustüko tüzü nazioniak oro.

        10. Ene indar güzia begiratüko deizüt, zü zielakoz, Jinkua, ene begirazale.

        11. Ene Jinkuaren ürrikaltarzüna ixil ixila enegatüko.

        12. Jinkuak ikhasiko deit zer egin nahi dien ene etsaier; eztetzatzüla erho, ahatz eztezen ene popülia.

        13. Zure indarraz barreia itzatzü, eta lürrialat eror eraz ene begirazale Jinkua;

        14. Haien ahoko gaizkia, eta ezpañetako solazak diela kausa; eta bere harroguan atzaman ditiela.

        15. Eta erranik daite, galtzeko aruan, hügüntgarritü eta gezürtitü zirela, Jaunaren khexiak iretsirik, hurtü diratienian.

        16. Eta badakike nula den Jinkua Jakoben eta lürreko bazterren bürüzagia.

        17. Arratsen ützüliko tüzü, txakhürrak bezala gosetürik, eta hiri üngürian ebiliko tüzü.

        18. Hazkürri bilha barreiatüko tüzü, eta arranküratüko ere, asetzen ezpalinbadia.

        19. Nik, aldiz, khantatüko dit zure indarra, eta goizan goizetik laidatüko zure ürrikaltarzüna.

        20. Ene begirazalia, eta ene ihes lekhia zirelakoz, eskarnioko egünian.

        21. Khant arrapikotsez ariko nitzaizü, ene lagüntzalia zirelakoz, ene begirazale Jinkua; ene Jinkua ürrikaltü betzait.

GORANTZA LIX.

Khantore huntzaliaren khueintak, Jinkuak zeren zaflatü dien bere popülia. Othoitzen dü Jinkua solta dezan eta beha dakion. Hitzamaiten dü goithüko dütiela Sikhemtarrak, Galaadtarrak, Manasetarrak, Efraimtarrak, Moabetarrak, Idümeatarrak eta Filistinak.

Ürhentzeko. Khanbiatürik diatenen. Bere khantoriaren aitzin begi hitz hoiek izkiribatü zütien Dabidek, erre zütienian Siriako Mesopotamia eta Sobaleko aldia, eta Joabek zaphatü zienian Idümea, Gatzüthürriko ibarrian, hamabi mila gizon ohilt erazirik.

        1. Jauna, zük ohiltü eta phorrokatü gütüzü; khexatü zitzaizkü, eta ürrikaltü.

        2. Khordokatü düzü lürra, eta ikhar'erazi; sendotzotzü bere minak khordokatü delakoz.

        3. Garatz izan zira zure popüliaren; edan erazi deiküzü dolümeneko ardutik.

        4. Zure beldür diener kheñü egin derezü, elkh litien zure üzteiaren eretzetik;

        5. Zük maite tüzünak solta litien; salba nezazü zure esküñaz, eta beha zakitzat.

        6. Jinkua mintzatü da bere saintiaz: Boztüko niz eta zathikatüko dü Sikhem, eta izartüko oihal-olhetako ibarra.

        7. Enia da Galaad, enia da Manases, eta Efraim ene bürüko indarra.

        8. Jüda ene errege, Moab aldiz ene esparantxa untzia.

        9. Ene ürhatsak hedatüko tüt Idümealano; atzeak esküpian dütüt.

        10. Nurk eramanen nai azkhar den hiriala? Nurk eramanen nai Idümeala?

        11. Eza zük, Jinkua, nahi bada ohiltü gütüzün? Etziradia, Jinkua, gure indarren aitzinian ebiliko?

        12. Emagüzü lagüntza eskarniotik elkitzeko, gizonek ezpeikiotze salba.

        13. Jinkuareki eginen dügü indarkeria, eta harek ezdeustüren dütü gure eskarniazaliak.

GORANTZA LX.

Lür bazterriala ohiltürik den popüliaren othoitzia. Jinkua behatzen zaio, eta bere züzenezko lekhian ezarten dü.

Ürhentzeko. Dabiden khantoren gañen.

        1. Egizü, Jauna, galthatzen deizüdana; beha zite ene othoitziari.

        2. Lür bazterretarik oihü egin deizüt; bihotza beltzik nielarik botxü gañen ezarri naizü.

        3. Lagüntü naizü zütan esparantxa benien; ene etsaien kuntra thorre azkhar bat izan zirade.

        4. Bethi egonen nüzü zure oihal-olhan; begiratüko ere zure hegalen atherbian.

        5. Zük, ene Jinkua, entzün beitüzü ene othoitzia; züzen phartia eman derezü zure izenaren beldür diener,

        6. Egünak egünen gañen eta urthiak urthen gañen ezortzü erregeri undoriotik undoriuetarano.

        7. Bethi irañen dizü Jaunaren aitzinian; haren ürrikaltarzünaren eta egiaren bilha nur ariko da?

        8. Hola khant'arrapikotsez ariko nitzazü mendez mende, egünetik egüniala ene hitzamanen egiteko.

GORANTZA LXI.

Langer handi batetan Dabid fidatzen Jinkuaren ürrikaltarzünian.

Ürhentzeko: Idithünentako Dabidek huntü zien khantoria.

        1. Eztatekia ene arima Jinkuaren eskü pian? Haren ganik beitüket ene salbamentia.

        2. Hura delakoz ene Jinkua eta ene Salbazalia; hura delakoz ene begirazalia, eniz ni haboro khordokatüko.

        3. Nuiz artio jinen zizteie gizon baten kuntra? Nuiz artio, saldotü unduan haren erhaiteko, ariko zitzeioe thiraka harrisi okher eta khordoka den bati bezala?

        4. Goguan züten ene gizaguatik pikarraitzia; laster egin düt egarritürik. Ahoz hunetsten nündien bihotzez aldiz gaitzesten.

        5. Ene arima hatik Jinkuaren eskü pian, haren ganik beitüt ene pazenzia.

        6. Ene Jinkua eta ene Salbazalia beita; ene lagüntzaliaren khantütik eniz igitüko.

        7. Jinkuan düt ene salbamentia eta ene loria; Jinkua ganik ere sokhorria, eta Jinkuan ene esparantxa.

        8. Jinkuan esparantxa ükhazie haren popülüko bilkhürakuek orok; haren aitzinian hüts etzatzie ziren bihotzak, sekülakoz beitate gure begirazale.

        9. Gizon semiak hatik espantox, gizon semiak bere izarietan gezürti; ürgüllüz nahiküntü bera beitüte inganatzeko.

        10. Gaizkian ez esparantxa ükhen; uhuñkerier ez jarraik; turrustaz huntarzünak horra batzaitzie, ez haier jos zien bihotza.

        11. Mintzatü da behin Jinkua, eta bi hitz hoiek entzün tüt: Shoteria Jinkuarena da, eta ürrikaltarzüna Jaunarena, zük bakoitxari emaiten beiterozü bere lan-saria.

GORANTZA LXII.

Profeta mintzo da oihal-olharen ikhusteko dien nahiküntü handiaz.

Dabiden khantoria Idümeako desertian zelarik.

        1. Jinkua, ene Jinkua, argi ürratzetik iratzartzen nitzaizü.

        2. Ene arima zützaz egarri düzü, ene aragia ere zunbat alditan ezta zützaz askor?

        3. Basa lür, bide eta hur gabe den huntan aitziniala jin nitzaizü, güne saintü batetara bezala, zure ahalaren eta loriaren ikhustera.

        4. Nula zure ürrikaltarzüna bizi güziak beno hobiago beita, ene ezpañak zure laidatzen ariko tüzü.

        5. Bizi nizano arren hunetsiko zütüt, eta zure izenari oihüz eskiak zelialat altxatüko tit.

        6. Nula ene arima aserik eta gizentürik beitate, ene ahuak botzik laidatüko zütü.

        7. Zützaz ohartzen baniz ene ohe gañen, goizan goizik zurekila diket gogua, ene begirazalia zirelakoz.

        8. Eta alageratüko nüzü zure hegalen itzal pian; ene arima zuri lothürik beita, eta zure esküñak zürkhaitztü benai.

        9. Haiek hatik, ahal gabe, ideki nahi ükhen ditazie bizia. Lür barnialat sarthüko tüzü, ezpata ahuetara eroriko tüzü, eta haxeriek janen ditizie.

        10. Errege aldiz alageratüko düzü Jinkuan; laidatürik dütükezü haren izenian zin egiten dütükienak oro; gaizki errailen ahua thapatürik beita.

GORANTZA LXIII.

Bere etsaien gaxtokeriatik begira dezan Profetak galthatzen Jinkuari. Gaitz heltüko zaiela beitio.

Ürhentzeko. Dabiden khantoria.

        1. Egizü galthatzen deizüdana, Jinkua, nik othoitzen zütüdanian, etsaiaren beldürretik solt'ezazü ene arima.

        2. Begiratü naizü gaxtuen bilkhüratik eta gaizkigilen saldotik.

        3. Ezpata bezala zorroztü düztelakoz bere mihiak, saminki hedatü beitüte üzteia ogen gabiaren txistatzeko gorallian.

        4. Txistatüko dizie batetan, eta eztütüzü lotsatüko; bere gaxtokeriazko nahiküntian bermatü beitirade.

        5. Zephuen gordatzeko hitz hartü beitüte, erraiten zütelarik: Nurk ikhusiko dütü?

        6. Ogen bilha ebili beitirade, eta untsa akhitü unduan batere ezpeitüte ediren.

        7. Gizona handiguala hüllantüko da, bena Jinkua bethi date hanitxez gorago.

        8. Haur ñimiñiek egiten düzten txistak bezala dirade haiek egin zauriak, eta mihiak mendretü zaitze bere kuntra ützültzian.

        9. Haien ikhusliak oro harritü dirade eta gizon dena beldürtü da.

        10. Eta Jinkuak egin dütien gaizen berria iaurri düte, eta haren eginak enthelegatü.

        11. Jauna gañen alageratüko da jüstua, eta hartan esparantxa düke; eta bihotzez xüxen direnak oro laidatürik dirateke.

GORANTZA LXIV.

Profetaren eskerrak euria ari izan delakoz idorte handi baten undotik.

Ürhentzeko. Dabiden khantoria. Jeremiaren eta Ezekhielen khantoria, popülia zuelarik bere herritik herri atzetara.