GAUR ARRATSALDEAN

AGINTARITZAREN BAIMENAREKIN

JAINKOA ETA EGURALDIA LAGUN

6 POEMA HANDI 6

ADITZERA EMANEN DIRA

IBON SARASOLA POEMA-KONSTRUKTORE

OSPETSUAK EUSKALDUNEN AMOREZ

EZKERREKO POLTXIKOTIK ATEREAK ETA

EUSKALDUN GUZIEI ESKEINIAK

1. GARIZUMA

      («Manual devotionezkoa»-ren laburpena)

A)    aintzin-solasa, hitz-aurrea eta lehen kapitulua

                        hilobitik atera zen

                        gizona, gizona

                        atera zen hilobitik.

                        ahoa,

                        bere ahoa iriki zuen

                        eta esan zuen:

                        «gizonak oro ikatz gara

                          eta hezur

                          bihurtuko gara

                          gizonak oro hezur gara

                          eta ikatz

                          bihurtuko...

                          gizonak oro»

B)              intermezzo

                          Profetaren hilotza

                          jadanik mintzatu ezin dena

                          ahoa lurrez beterik

C)              bigarren kapitulua, hondar-solasa eta azken-

                  -hitza

                          «Ona hemen munduko bekatua kentzen

                          duen Eznaizgogoratzenzer; a...»

                          eta «ite missa est»-en garaiean

                          apaizaren algara

                          zoroa

                          airean

                          jelatu zen.

2.-REN AZKEN KAPITULUA

Hegalak zabalduz

Euskal Herria utzi zuen

Bere Jainkoa,

bere aitaren Jainkoa,

Isaak-en Jainkoa,

Jakob-en Jainkoa

utzi zuen

Hogeitamar denarioz

saldu zuen bere lotsa ahalguztiduna

Kirie eleison

Christe eleison

Kirie eleison

Pater noster...

3.

Nire bidean tafernatik

kaisitu gabe

Donostiko Parte Zaharra

igaro dut

Musean jokatuz

Euskal Herri guztiari

eskutik

irabaziko diot

Gazte naiz:

iretargia harrika hautsi dut

4. EZIN ETSIRIK

                          «Jainko jaunak dio:

                            zuek ez baitzarezte

                            jadanik

                            nire herria»

Iduriz lo

zegoen

herria

hilik

dago

5.

g

o

i

t

i

k

b

e

h

e

r

a

e

r

o

r

t

z

e

n

d

e

n

e

n

e

h

i

t

z

m

e

r

k

e                  Euskal-Herriko eremu guztietan

a                  zabaltzen ari den bitartean

6.

          Ene

          barnean

          daramadan

          astoak

          ez

          du

          flauta

          kasualidadez

          jo.

HEMEN BUKATZEN

DA 1966-KO URTA

RRILLAREN 21-AN H

ASI ETA APIRIL ARE

N 25-EAN BURUTU

ZEN POEMAGINTZA,

ZEINA URTE HARTA

KO AGORA POESI-

SASIRA PRESENTAT

UA IZAN BAITZEN