BI POEMA SENTIMENTAL

I

Cristinari

MEZETINO

                      Han berean

                      bion aurrean

                      zur ilunezko mahai gainean

                      porzelanazko arlekin luzea

                      tristerik

                      zorion minez

                      norabait begira

                      porzelanazko arlekin luzea

II. ILUNTZE ETA JAI-EGUNAK

Elas! erdi-itzal epelak

kee geldi

Elas! isilik leiho ondoan

ilun nahastuan

egun batetik bestera ahazten diren

amodiozko mintzoak

beharrira esan behar direnak

musika eta irrien txorabio xoroan

          «Valsaren zorotasuna!

Jiratu eta jiratu ezertan pentsatu gabe»

  Elas! uda zabalak

  tristezia errazak,

  xarmantak hondar gainean

            esaten diren

            hitzak

            denborak

            joaiten direnak

                  dibagatzen dibagatzen...