BOST POEMA HAMORRATU

1) ARTZAIN ONA

Artzain ona

ehun ardi izan eta

larogeitahemeretzi galdu ezkero

bata bordan utzirik

galduen bila joaiten da

kausitu arte

2) IZENBURU GABEKO BOTSGARRENA

Gero,

Babarrunak eta burina nahastu zituen

Akaidekathos-ek

Tximino bat besarkatu zuen

Akaidekathos-ek

«sobre gustos no hay nada escrito» esan zuen

Akaidekathos-ek

3) IZENBURU GABEKO HIRUGARRENA

Aita gurea...

                                        ...zaudena

4) HISTORIA ARRUNTAREN GEHIGARRIA

Ulysses deitzen zen gure semea

behin

gure etxea utzi zuen

Ulysses Laurtezpensatzen jaunak

          (—Zer dio jaunak?

          —Bai, jauna

          —Ez, jauna

          —Jaunak esan bezala

          —Milesker jaun Jauna.)

gure etxetik iges egin zuen

Ulysses Laurtezpensatzen laurtezpentsatuak

Laurteztensatzen-dar Ulysses eskeiniaginduak

(in tribulationem meam...)

5) OMENALDI GAS NOBLE BATI

        (Hamalaukoa)

rene deskartesen jaialdi pensalari

a (nik beintzat asko pensatzen dut bainan o

so gutxi esistitzen dut) pariseko o

linpian epeka saltzen den bitartean geor

ge gerswin ifarramerikatarraren fa

got laguntza alaitsua burges musika

ren hiletaren xaupenak pagatzeko di

ru eske ari da jesusen konpainiako

ko azken anaiak gizon guztiak berdin

ak gara kristo gure jaunaren anaiak

garelako bere teoria zaharra

ehun mila entzule bizartsuen aurre

an nekez ta gogaitmenez aditzera e

mateko behar izanen luken elizan