Hirureun urte dira gizonak

          fekundazioaren protagonismoa bereganatu

zuela, 1967gn. urtean Luis Ham,

                           Dantzig-go estudianteak mikroskopioaren

           aurrean espermatozoideen

   isats-astinduak lehen aldiz ikusi zituenean.

                        Hirureun urte dira ere, gizonak ilusio

        bat galdu zuela. Bere indarraren hazia,

                      sekretu liluragarri bat bezala gorde

     zitekeelako ilusioa. Sapaburu alproja isatsalai

            minimook (10-16 µ: munduko populazio osoa

     sortzeko behar izan diren espermatozoide

   guztiak aspirina erdi batetan sartuko lirateke).

                                Ez gara ezer Agatha ez gara deus.

                Espermatozoide horretan, gure begi

     urdin ederren sekretoa, baita gure bibolina jotzeko

trebezia paregabea ere, batzuek nahi luketenez.

                                   Natura ala Nurtura,

       betiko eztabaida amaigabea.

                                       Hirureun urte eta gehiago,

                ehun mila agian, utero ilunaren espiraletan

obulu bakar baten bila gabiltzan

                            miloika sapaburu isatsluze

    insignifikanteak garela intuitzen dugula.