Ni naiz Artzain Ona

Irisarri

«Ni naiz Artzain ona! Artzain ta ardi-iabe,

ta nere ardien berri ongi dakit,

zein bere izenez oro dazaguzkit

axuri eta ama, zahar eta gazte.

Bai ardiek ere ni ezautzen naute,

ta deitu orduko ondotik darraizkit;

larre onetara goizik daramazkit

ta neronek zaintzen alha diren arte.

Basatu badira, bila ioaten naiz,

otsoen menpetik ateratzen garaiz

bai eriak ere artatzen axolaz.

Ni naiz Artzain ona! ardi oietatik

eztut nai bat ere gal dadin inolaz:

bizia galtzen dut nik ardiengatik.»