Haizeak dakarkit mazustaren lurrin gozoa

txua igotzen zait orduan itsumustuan ezpainetara

 

hitz bikoitzek kendu nahi zidaten mihinaren hezetasuna

eta ahanzturaren udazkenak orbel bilakatu

ahoaren espaziotik haratagoko lurra

 

osto zimurtuen tristeziaren ordez

kolorezko irudiak sortuko ditut

lorategi itzaltsuetan

gordeleku bigunak

 

aintziretako uren mirailetan

musua isladatu eta

umetako lainotasuna gorde duzuen begi ahalketi horiek

zeuen arimekin bat eginik jira-biraka nabilela

ikusiko nauzue

arbuioaren garaile atera den

lagun hurko baten besarkadaren zirraraz