Garraren eta karroiaren margoak
Juan Karlos Lopez Mugartza

Euskaltzaindia / BBK, 1994

 

 

Basamortuan aritu naiz, maiz, mintzatzen

inoren erdian

hoztasun gorrieneko hiletetan

nerau izan naiz anitzetan

hilotz bakarra

 

samintasuna zer den ezagutzeak

ez dit horregatik amorrurik eman

orga gainetan lo egitera ohitu naiz

lastategietan

bide errautsuetan

lehorreko beilari bihurturik

eta era askotako patuek,

haize berriek, maneiatuko naute etorkizunean

 

bitarte zuria iristean,

untziak alboratu eta igerika zeharkatuko dut lakua

nere indarraren haziaz

 

Garraren eta karroiaren margoak
Juan Karlos Lopez Mugartza

Euskaltzaindia / BBK, 1994