bienvenidos a diálogos tres, radio nacional de españa,

        zu zinen zu, ramonete, ramonete trecet, donostiako semea, españarat fana zena, hango haur besoetakoa, zure harreman inpudikoetan murgildu ahala igo zinen juanretaren gutxiengo ikaragarrietarat, bigarren katearen gutxiengo jakintsuetarat, new ageren gutxiengo murriztuetarat, basketaren gutxiengo zabalduetara, beltz zopilote horiek erabiltzen dituzten berrogeitamarreko zenbakiaren gomazko espartin garestiak darabiltzazua?

        zu zinen manolo garagorri, andoaingo semea, seme beltzarana, berritzaile eztebaidagarritsua, dantzeen alde agertu zena, fita batek aditzerat eman zigun bikala, katalan batek jakinarazi zigun legez, orduko gutxiengo aurrerakoiaren aurreskularia, emakumeen duintasuna defendatzen zuena, eskual iantzeen defendatzaile sutsua, bigireetan ere arpa zelta baten soinuaz dantzatu zenuen zure gorputza andra eder baten haragietan urtuz bion izerdiak isuriz gero amaitugabeko bizi lurkoi batetan?

        sebas mendi zure anai etsaia zenuen orduan, beharrik bere catecismo luzea betirako galdu zela, bestenaz nola justifikatu zure zensura neurrigabekoa, zure defentsa pertsonala, zure dantzarekiko grina izkutua, buscad la belleza porque es la única protesta que merece la pena en este asqueroso mundo, mendik izkiriaturikoak ez ziren ederrak, ilunegiak ziren, potereak nahi zuena, gehiengoak uste zuena, gehiengoak uxatzen zuena, gehiengoak amesten zuena, gutxiengoak egiten zuena, zuk egiten zenuena?

        zu zinen ramon roger, carcassonneko trencavel ospetsua, parsifal haundia, grialaren defendatzaile ziurra, cervantes gorrek aipatu liburu guzi gorien pertsonai benetakoa, pozoindurik hil zena, kristau berritzailea, betiereko egiaren gordetzailea, konsolamenduaren bultzatzailea, nepaleko padmapani bernardo rubajaren musikaz ailegatu dea montségurrerat?

        lauaxeta bera zinen orduan ere, sarraski ez zibilean frankistek bereganatu zuten kristoren neofitoa, herioak ikaratu zuen haurra, seme iheslaria, aitarenganat bere esku biluziak luzatu zituena sosa guziak arno ta bordiontxetan eman ostean, eta zuretako hil zen axuria, eta odol beltz guzia ixuriz buzti zen apaiz faszistaren estola more ta soineko zuria, eta segurantzaren aldeko apostua eginez, ahantzi zenituen zure soinu berri guziak, zerutiarren lortzearren, zeru komertzial horren soinu nardagarriak, adeste fideles lelo amaituezinaren alde jo zenuen, eztirea ordea, zure grinarik egiazkoenak, zure gogorik gorienak, neskatxa gaztetxo birginen motxin ezeak edaratea zeru aspergarri horretan?

        zu zinen petiri valdes lyontarraren dotrina longi minus perversa iragarri zuena, egunero zure bazkalosteko oren makal gorretan, irratiaren indarra aprobetxatuz, eta zu zeu zinen kondenatu egin zuen bernard gui beraxe, eliza katolikoaren inkisidore krudela, zu zinen tolosako raimundo seigarrenaren hileta ospatu zuen san zernin elizparrokiaren erretore frantsa, aitonseme okzitaniarra lurperatu aitzinetik saguek jatea utzi zuen elizgizon higuingarria, iruñeko patroi zaharrak begionez horrelako errukigabekeria ikusten zueno, lito vitalek elizako organu berunezkoa joko zuen malko bat ere galdu gabe?

        zu zara zu, ramon ramonete, edertasunaren aitzaki politarekin entzule berria lortu nahi duena, entzule komertziala berria, entzule kulto komertziala, el país jada irakurtzen ez duena, ultrajupi neozeltiko sensualista berria, gutxiengo mugatu baten partaide hautatua, hamabigarren mendeko katoliko minberakoia, haugin mendeko inkisidore ertsia, zure iraultza ezpaita egiazkoa, eta zure helburuak ezpaitira berritzaileak, zure dialogos tres emanaldiaren bukaera klasikotasunaren barruan koka daiteke jada, eta klasikoa dena berritasunari aitzi doa, edo apika prest zeundeke zure konsolamentua onartzeko, eta endura gogor bat eginez perfectus baten mailara pastu zure dialogos tres bera sakrifikatuz edertasun osoarekin urtzeko? prest zeundeke agian jinko guzien ukatzeko, eta maitalearen haragi beroaz bakarrik elikatuz, batu gorputz bera batetan edertasunaren ortzimugan zure gutxiengo pertsonal bakarra eta ezezaguna azkeneko goren punturat ailegatzekotz?

        buscad la belleza, es la única protesta que vale la pena en este asqueroso mundo