L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Vladimir aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Vladimir. 5. alea (1998-martxoa) —Hurrengo artikulua




 

 

Patziku Perurena

 

Izar isilen gomuta,

Gaueko amets ordutan,

Neska ttikia oheratu da

Adatsa zintaz lotuta

 

Bilutsik zabal etzana,

Maindirepean laztana,

Mila sentipen korapildutan

Haragi grinen aztarna

 

Tximista eta ostotsa

Trentza gorritan mototsa

Bular gainean esku dardara

Alor zuritan bostortza

 

Larru gorritan lotsari

Zentzu galduen bost hari

Gozamenaren ibai ertzean

Behatz leunak jostari

 

Horbela hegan arinki

Gaua brodatzen ariki

Irudimenak ke urdinetan

Gogoa sutan dabilki

 

Burua haruntz honuntza

Atsegin minez gorputza

Desioaren ihintza bustia

Izter zokotako huntza

 

Gorputz pozez zabaldua,

Hazi berriz ugaldua,

Neska ttikia neskatx egin da

Odol putzutan galdua

 



Literatur Aldizkarien Gordailua Susa argitaletxearen egitasmoa da.