L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Vladimir aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Vladimir. 5. alea (1998-martxoa) —Hurrengo artikulua




 

 

Itxaro Borda

 

Aberria nahi dugu haize hegoaren hegaletan

dudatzen pairatzen ikaratzen edo

fresnesko patioetan paseiatzen

gerontokrata manatzailerik gabe

egunkaria tabakoarekin batera erosten eta

haurrak ikastolara laguntzen

leihorrak edertzen dituzten brumetan

 

aberria nahi dugu lurraren desiraz hantzen

oheak alargun geldi ez ditezen edo

zizare pikatzen antzera ferratzen

amorezko baratzean azak landatzen

trenetan auhenez lehertzen baina

meetako larderiari ez obeditzen

gailurrak berotzen dituzten brumetan

 

aberria nahi dugu lanbroaren azpilduretan

miseria ontasun komuna delarik edo

karriketan barrikadak eraikitzen

ostatuetan munduaren oraina margotzen

zigarretak biltzen oldartzen

nahi dugu egunkaria eta tabakorik

merkeena globoa sutan jartzeko

ibaietarik altxatzen diren brumetan.

 

Bestaldean. Susa, 1991

 



Literatur Aldizkarien Gordailua Susa argitaletxearen egitasmoa da.