—Liburutegi eta liburudendetatik askatu beharrekoa—

Bobby Sands

Bobby Sands

H. Block gartzelako ospitalean hil zen, 1981eko maiatzaren 5ean, hirurogeita sei egunetako gose grebaren ondoren. Hogeita zazpi urte zituen orduan eta azken bederatzi urteak ia osorik eman zituen espetxean, IRAkidea izatearen salaketapean. Azken lau urteetan, ez zuen izan ez libururik, ez egunkaririk, ez irrati edo telebistarik. Orduan idatzitako poemak, ezinbestean, Gobernu Britainiarraren komuneko paper ofizialean edo erretzeko paperean idatzi zituen, idazleak gorputzaren barruan zeraman boligrafo errekanbio batekin.

Aro modernoetan bizi omen gara

Mila bederatzi ehun eta hainbestegarren

        urte zibilizatuan

Baina ingurura begiratuz gero

Tortura eta hipokresia aurkitzen dut

Aro moderno hautan hil egiten dira haurrak,

Gosez hiltzen dira, zergatia ez du

        inork galdetzen,

Eta izuturik, biluzik, korrika doaz neskatilak

Beren oheak gauez bonbardeatu dituztelako.

Diktadore lodiak beren tronoetan eseri dira

Gazte askok gurasoen hezurrak

        Ehorzten dituen artean,

Eta ilunbetako polizia sekretuek norbait

Elektrokutatuko dute, populua esnatu orduko.

Burokratek, espekuladoreek eta lehendakariek

Beren masailetan irribarrek

        eskegitzen artean

Preso bakartiak bere hobiaren sakonetik oihukatuko

Eta andereren batek

        geroko gizagaisoa erdituko du nonbait.

Liburutegietako arratoi zaharrentzat:

—Sarrionandia, Joseba: Izkiriaturik aurkitu ditudan ene poemak. Pamiela, 1985.

—Sands Bobby in Susa aldizkaria 23. zenbakia 1989ko ekaina, 125-131. orr.

—Sands Bobby. Egun bat nire bizitzan Txalaparta, 1991