L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-20 / Gernika (1987-apirila) —Hurrengo artikulua




 

 

Arbolaren zauritik

(doinurik gabe)

 

Mikel Arkano

 

         I)

Behinola betiko haizkora

Haritzaren egunetan

Hozkatuz enbor hezurra

Iltzaturik geratu zen

 

         II)

Denboretan zehar arbola

Eta adarrak hazten

Zut haizkora josia

Zutelarik erne zihoazten

 

         III)

Haizkoraren ahoarentzat

Arbolaren izerdia

Arantza zauriarena

Izuen mahastia

 

         IV)

Lekuko bas herritarrek

Lots eta harrotasunez

Begiratzen zituzten

Erlikiak baitliran

Gorrotatu eta errespetatzen

 

         V)

Nork esan du orduan

Goikoak ala beheko jaunak

Zintzo eta gaiztoak

Barne batean batera

Ezin izan ditezkenik?

 

         VI)

Errekordatorioak bezala

Gogora ditzagun

Odolaren esanak

Hazi bitez adarrak

Haritza sendo zutitu

 

         VII)

Irainak ez barkatu

Haizkoraren zauria

Arren ez sakondu

Hilkorroi hilgarria

Genezaiguke suertatu

 



Literatur Aldizkarien Gordailua Susa argitaletxearen egitasmoa da.