L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 13 zkia. (1989-negua) —Hurrengo artikulua




 

 

—Hitz neurtuak—

 

Oilarra

 

Juan Kruz Igerabide

 

Oihalez estaltzen ari dira

leiho itxiak,

gaur larunbata bait da

eta aimariak jo bait dituzte

elizdorre erotuan.

 

Plazaren erdi erdian dago

tente tente oilarra:

arratsaren arnasak

gangar gorriari txinpartak

ateratzen dizkio,

gaur larunbata bait da

eta aimariak joak bait dituzte.

 

Errosario zahar batzuk

jiraka hasi dira bateratsu

otoitz amonduak lotuz,

gaur larunbata bait da

eta aimariak joak bait dituzte

elizkanpai izutuan.

 

Leihoetako oihalek

ilunagotu egiten dituzte etxeak,

oilarraren begietako

diztirari sarrera debekatuz,

gaur larunbata bait da

eta aimariak joak bait dituzte

eta apustularia hilik bait dago

bere oilarraren ankapetan.

 



Literatur Aldizkarien Gordailua Susa argitaletxearen egitasmoa da.