L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1967 I-II Itzartze (1967-urtarrila/ekaina) —Hurrengo artikulua




 

 

Nire naiaren jo-muga

 

B. Gandiaga

 

Nire naiaren jo-muga

dagoan aide leunean

dena da naiarizkoa.

Ba-dakust tokia ez dan

edatura atsegin aura

antxen, gurariak sortu

ta iraupen aratz bat eman

oi daroatson goi artan;

ta ara-bidez noa alaiki.

 

Nire naiaren jo-muga

dagoan aide leunera

ez dakit zer joanaldi

legokean; baiña pozik

noa aruntza aspaldi dala.

Ta aura ba-doa aurrera argi

ta illargi bat bezela jat

piñu arteko kaltzadaz

gabaz etxera noala.

 

Nire naiaren jo-muga

yoran-lurrunezkoari

neuk damotsat izatea;

ta ari begira bizi naz

ta arek goratu naroa

ta ari zor naiako osoro

ta aren ondoren noala

ba-daroat ongi artaz

atsegin zoragarri bat.

 

Nire naiaren jo-muga

dagoan naiariraiño

iritxiko naz noizbaiten.

Ta atzerritikan igesi,

noiz eder aura atzemango,

pozarren noa igon-ala.

Altu, argi t'eder dago,

ta illargi bat bezela jat

gabaz etxera noala.

 



Literatur Aldizkarien Gordailua Susa argitaletxearen egitasmoa da.