Kabi bat

Satarka

           JOXE-K

    Egun-on, Luixa

Zer berri «Goiko-Errota»'n?

    Aspaldian ez

Zaitut ikusi kaletan.

    Kolore txarrik

Ez da zure masalletan.

    Egiz zera, bai,

Ederra, ederretan!

           LUIXA-K

    Sinistazazu,

Joxe. Auda nere poza!

    Zure itz alaiak

Goza didate biotza.

    Urrun joan da

Nigandik neukan ekaitza!

    Ai, banintzake

Zu bezinbat aberatsa.

           JOXE-K

    Zu bai-zerala

Zu, egizko aberatsa.

    Urrezkoa da

Barruan dezun biotza.

    Zu gabe... gau ta

Egunez daukat minkaitza!

    Zuk nai ta... urtuko

Litzake dedan izotza!

           LUIXA-K

    Ai, nere Joxe!

Dar-darka daukat gorputza!

    Bai dala gozo

Ta eztitsua zure itza!

    Ain zera erne,

Eta gañera on utsa.

    Egiz ematen

Dizut gaur nere baietza!

           JOXE-K

    Atozkit, Luixa!

Nere maite eder, kutuna.

    Gaurtik izango

Degu beti zoriona.

    Pozaren pozez,

Oi, au nere ezin egona.

    Egin dezagun

Kabi bat guztiz txukuna!