L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 10 (1985-abendua) —Hurrengo artikulua




 

 

Gotzone Sestorain

 

Etxe grisen artean

kaleak honuntz eta haruntz

                    gurutzatuz,

eskapareteak,

eta eskaparatetako ispiluetan

isladatzen zirenak

                    zeharkatuz,

oinezkoen begirada izuetan

linburtu nintzen

soseguzko dinbairik

bakardade itogarri hartan

                    harrapatzear,

nahiz harrapatzeko lehiaz.

 

Lehiaz,

bainan lehia

leize zulo baten

erori zenez,

kotxeen orru eta kexuetatik

begirada botzen urruntasunatik

kale dardartietatik

ihesi abiatu nintzen,

bertan aurkitu ez nuen

sosegua

ene baitan benik

hatzemateko asmoz.

 

Ihesi nindoan

eta ihesean nindoala

floridako zuhaiztian

murgildu nintzen,

haizearen usainaz

                    bustitzerat,

Floridako zuhaizti hertsia

hosto mardulen bizia

zainetan biziki sentitzerat.

 



Literatur Aldizkarien Gordailua Susa argitaletxearen egitasmoa da.