L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 5 (1984-apirila) —Hurrengo artikulua




 

 

Hiria

 

Jean Louis Davant

 

Hiria maite zaitut, harrizko, poema

Mendi tiniko perla, zolako ibaia

Argi xoragarrien ixuri alaia

Kale xaharretako artisten bohema.

 

Elektrokosken eta neonen grazian

Izar bilen beltzean pindarrez josia

Basa gatu nagien desterru zorrotza

H.L.M.-etan hiri berrien ilotsa.

 

Harresi, alminarren edertasun hotzak

Karrika iluneko sotoen beroak

Astintzen dizkidate neuronen erroak.

 

Hiria maite zaitut, harrizko bihotza

Abañaren erdian neronek hazia

Humea zaitut ote ala min bizia?

 

              Non zaituztet ondikotz, Atena, Erroma

              Angers eta Donosti, Jeriko, Sodoma

              Aldjezair, Kesentina, Uargla, Babilona

              Parise, Paue, Skida, Iruña, Baiona?

 

Hiria maite zaitut, harri agortua

Eresi eroria, gaztaro galdua.

Hiroxima mon amour.

 



Literatur Aldizkarien Gordailua Susa argitaletxearen egitasmoa da.