L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Gernika aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Gernika. 15. zkia (1951-apirila/ekaina) —Hurrengo artikulua




 

 

¡Errekatxo Gaizoa!

 

Urratza

 

¿Nora zoaz orren arin,

errekatxo gaizoa?

¿Nora zoaz, ur-kaxkarin,

trokartetik sakostarte,

zarraparra zoroan?

 

Goiko sorgu maitagarri

ostaldean utzirik,

¿zein da, zure poz-egarri

zelairantza etortzeko

tturruaka menditik?

 

Gera zaitez, urriñean

dantzut itxas orroa,

aren sabel illunean

galdu zeinke, behin-betiko,

zure izate osoa.

 

Aolkua entzun arren,

errekatxo an doa,

aldatz, muna, zelai barren;

alai, azkar, poz ta barrez,

eriotzan ondoan.

¡Azkenean, galdu yakun

itxas zabal kolkoan!

 

ONDORENA

 

Gaztedia, onan dabil

errekatxon antzean,

atsegiña txastau nayez,

griña txarrak bultz egiñaz,

ondamendi batean.

 

Bilbo'n 1950'gko. Mayetzean.

 



Literatur Aldizkarien Gordailua Susa argitaletxearen egitasmoa da.