L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Garziarena aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Garziarena-1 (1992-azaroa) —Hurrengo artikulua




 

 

Pertsona miresgarrien katalogoa

 

Roberto Garziarena

 

001/ Pio

        Lanera joaten naizenean, Kini izeneko denda baten aurretik pasatzeko ohitura dut. Han komikia duzue dena. Denda esklusibo horietako bat da, eta holako «liburudendak» oso bitxiak egiten zaizkit: mutiko denboretara eramaten naute beti, lehen biñetara.

        Lehen biñeta horretan, itzal persekutatzaile bat azaltzen zait, aldi berean pertsona maitagarria ere bazena: Pio.

        Gabardina eta txapelarekin, betile iletsu eta errubixoekin, Pioren obsesio bakarra tebeoak ostea izaten zen. Ez genuen izaten tebeoa erosi eta lasai esertzerik arkupetako harrizko bankuetan irakurtzeko, han baitzen Pio, xistu batean, tebeoa gure eskuetatik harrapatu eta gabardinan sartzeko, ximur ximur eginda. Kontuz! Badator Pio!, eta Pio bazetorren, edo ez, ordurako bazihoan lapurreta eginda.

 



Literatur Aldizkarien Gordailua Susa argitaletxearen egitasmoa da.