—Idazti Berriak—

Argi-bide txikia

U

Argi-bide txikia. Zugasti apaizak. Itxaropena Argitaldaria. Zarautz 1957.

Egilearen beraren eskuz izenpetutako itz ederrez, neska-mutikoentzat Eliz-liburu txiki au eskuetara zaigu. Iaso-ala, begi-itxi-edeki bitartean irakurri dizut. Goiz-arratseko otoitzak, buruz ikasteko otoitzak, Meza donea, Aitortza, Jaunartzea, Bataio-egunean agindutakoak berriztatzea, Gurutz-bide laburra, lenengo ostiralak, lenengo larunbatak, arrosario santua, Meza-liburutik artutako zenbait otoitz. abesti-xorta, orra or, labur bada ere, Argi-bide txikiak dakarzkin gai ederrak.

        Ikasten ari diran neska-mutikoek badute orain beren idaztino egokia: guraso, apaiz, lekaide-lekaimeek lagungarri aundia aurki dezakete gure neska-mutikoak Elizako bidean barna eramateko. Beraz, gure artean zegon utsune andi bat bete digu idaztino onek. Gure neska-mutiko euskaldunek fededun iarraitzeko lagun bikaina dute Argi-bide txikia. Zugasti apaiz iaunak darabilen euskera ere iatorra da, erdiko bidetik doan euskera iatorra ta erreza, mordoilkeri bagea.

        Liburuxka ontako «xantu» apaingarriak Iriondo A. prantziskotarrak eginak dira, eder eta ximen, berak oi ditunez.

        Zugasti'k, Iriondo'k eta Itxaropenak ar bezate gure zorionik biribilena, idazti au bear danez saldu ta zabaldu dedin opa izanik.