—Itz-Neurtuz—

Pilota

Etienne Salaberry

Zirti, zarta

                  oi, pilota

                  ichur, hauta,

                  bestakari

                  zuk bozkari

                  zirti-zarta.

Plaza erdi gainean, lau muthiko gazte,

Elgarren bethe segur, edo berek uste,

Errein beso-begiak, zalhu baitituzte,

Ari dira pilotan: auzi orai haste.

Galzak churi, athorrak are churiago,

Pilota dute zirrizt, gibel heldu gogo,

—Kartariek holachet emeiten hordago,—

Iguzkia zerutik, behaka baitago.

Plekari, herrietan lehen aiphatua,

Jartzen da khondatzale, berdin choratua,

Ahantziz heldu dela, ezin baztertua,

Herioa, eskuan, chichtera hartua.

Herioak ukharei, kheinu izpi batez,

Jakinki bazterretik nor behech ala ez,

Hautatu duena jo, botatzen indarrez

Jaunen iaun chichterari, agertua zampez.

Eta bihar jauziko berze plekariak

Mendiek adituren berze irhintzinak,

Asma ez dezazkegun herritar gazteak,

Hasiko ahantzirik, oraiko izenak!...

                  Zirti-zarta,

                  oi pilota,

                  gogoeta,

                  zuk ilhuntzen,

                  nahiz ozen,

                  zirti-zarta.