L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (III. urtea. 1952 gko
Uztaila-Dagonila. 7-8 garren zenbakiak) —Hurrengo artikulua




 

 

—Olerti—

 

Erodes'enean

(6 ta 6, ustekabean aldatua.)

 

Orixe

 

Zuriz iantzi zaitu! Bai eder zuria!

margo bikain, margo denen nagusia.

Oker autatu da zoroen iantzia;

Zuri da Zurtasun, Aitaren argia. (Sap. VII, 6)

 

Azari! Il-obi azal-zuritua!

i lakoentzat duk Iauna mintzatua.

Orregatik zegok orain ixildua.

Galdegiok. Au duk Bildots mintzuldua.

 

Ixil zegok, ez dik zuritu bearrik.

Errurik ba'daukan ez duk galdetzen ik.

Iragarle aundi dugula ba-danik.

Emak zer-atera! Erantzunik ez dik.

 

Iskribauek, aski zorroztuz eztena,

galdu nai likete erru gabe dena.

Mirari bat nai duk? Or duk ederrena,

ixilik iaunago ager denarena.

 

Zoro Zu!... Urliak, bilatuz aitzaki,

zoro-merikura nindun eramaki.

Ez da lotsatzeko. Barrenak ba-daki

urrundik bederen zaizula iarraiki.

 

Zorotasun omen Zure Gurutzea;

zurtasunik ba'da, au bedi nerea.

Zoraldi, zurraldi, nolanai deitzea,

gerta lekit neri or eriotzea!

 



Literatur Aldizkarien Gordailua Susa argitaletxearen egitasmoa da.