—Olerti—

Lur-ikara

Pitxintxa su-mendiari

Orixe

(Anai-arrebak Quito'n geundela)

                                Ikus Dabid, Ps. 45, 92, 95, 96, 120, 124, 147.

Lotan agoala? —Zeñek eragin dik olako dardara?

—Sukar daukanean gaixoak ola dik eiten otzikara—

Gaur ez aiz bulartu: ez duk erakutsi Yaunaren indarra.

Oro bildurgarriz ez-usteko dantzan asi adi, lurra!

Yeiki adi marruz legorra gaintzeko itsasoan, ura!

Etxe-bildur iges yun bei gizona, obenez uzkurra.

Goiko Yaunak gotor egin au, Pitxintxa, gutzat igesleku.

Berak esan ziguk Dabid'en ezpaiñez, ez gadin itzutu;

erdian dugula dardar egin gabe, gagozan ekuru.

Zangorik ez dardar, besorik ez ega, Yainkoagan etzin.

Ibar, muño, mendi eskuan dauzkana diagu gurekin.

Bi gorputzon muga paketan diagu, naiz ik egin zirkin.

Mendira begiak! Andikan laguntza. Utzagun ibarra;

lur ustel ta zoko urak azpiyanak, berekin negarra.

Arkaitza dik zuti menderen mendetan, eskeinka bizkarra.

Lotan agoala? Su-mendi berriak sortzen ditxik sarri;

zarrik ez al daite bere lo-zorrotik iñoiz iratzarri?

Gizena zigorrez noizpenka yotzeko Yauna dik egarri.

«Zerbaitek ekarri au Amerikara».—Ez bildur, arreba...

Utzagun Yaunaren altzo zabalean auzi orren lleba,

Gure naiz besteren obenaren ordain nai ba'gaitu zeba.

Atorkigu, Matxin il eta gu bion Aingeru Zaindari!

Onez ekarri nauk Europatik onat, iruron pozgarri!

Emen bildu gatxik zerura bidean. Izan bedi sarri!

«Anai, elkarrekin il bearrak ote? « Yaunak nai dunean.

Laztan zagun elkar anai aingerua dugula tartean.

Irurok batera Yaunak ar gaitzala Bere magalean.