Mikel bizidun batek

hainbat eraildutako Mikeli

Mikel Uri

Begiak erne, bizarra mardul,

geratu kopeta zimel;

eskuak tente, urak hartuta

gogor aurre eta gibel;

bainera bete, errekan zehar

halabehartuta igel,

berriro ere, gure herriak

galdu du beste bat, Mikel.

Gure egoera, itun ta triste,

hainbat albiste da baltza;

herriko zara, urrean zabiltz

orro garraxiz, Zabalza.

Negarkideok, biderik ez jo,

urraturiko gora altza,

orekaren zain beti egonez

Aralarreko balantza.

Arnasa barik geratu arte

hainbat dabil hor gudari,

herri-minaren sustraiengana

hurbildu jator ugari;

itxaropenez eutsi beharko

negu osteko udari,

hegoak heda!, ahoa zabal!

mendiotako zaindari.