ASTEAZKENA

 

Eta negar eginen dut samingi

txistu hotsa entzuten badut inoiz...

Ni ez bainaiz gehiago euskaldun izanen

herbesteratu naute eta!

Ote nezake ba ahaztu

non nintzen jaio?

Nagoen tokiko egin

eta ez inoiz bururatu amaren

aitaren edo amonaren izenik?

Hautsi etxeko argazkiak

(aldatu zilborra)

eta aurpegia?

Beste itxuraren bat hartu

eta bihar goizean

larrugorrian

nere burua estaltzeko zapi bila hasi?

Ez ote da botikarik sortu

andrearen izena

alboan daukadan andrearen izena

ahazerazi lezaidakeanik?...

ba ginuzke erostun botika horrek!...

Ez al ninteke ba nor naizen ahaztu

beste bat izan

berritik hasi?