IKUSPENA

Balkoitik kale jendetsura begira

jendea ikusten dut jaiotzen

eta idazten ikasten

eta eskulturaren diziplina ederrean trebatzen

eta jendea ikusten dut negarrez

umeak negarrez sabela goseak handituta

eta gudarako prestatzen eta iraultzarako

beharrezkoak diren baldintza guztiak

ikusten ditut hemendik eta baita

maitaleak eta musikariak

industriako zein administrazioko beharginak

eta jendea ikusten dut pozez oihuka

jendea iturritik ura dakarrela

eta balkoitik kale jendetsura begira

jendea ikusten dut elur gainean etzanda

euli talde baten heriotza bezain arin.