Bideko belarra
Turroi bihurturik
harri ta galipot,
tarteko belarra
laztanki maite «dot».
Berebil burpila
gainetik zarraztan,
bideko belarra
gutxik dute laztan.
Belar hori-berde,
bideko belar on,
bizi nahiaren
bultzakada sakon,
arbuiatuaren
entz-irudi mingar!
Gure herri zaitut,
gure herri zahar.
Zuk eman didazu
indar ta adore,
zugatik bihurtu
nire Juma lore.
Lore nire luma,
bihotzean samin,
harrizko bidea
lorez bete ezin. |
© Mikel Zarate