Bat bitan banatzen zait

 

Gogo barnean dut neska sorgina,

mila nahikundez izorratua,

zapalkuntzen sabel ero zikina,

bihotzaren eme desematua!

 

Gogo barnean dut andre erregina,

mila laztan gozoz inguratua,

askapenen sabel zuhur birjina,

bihotzaren ama jainkosatua!

 

Biak ditut beti tira ta bira

bultz ezberdinaren bitasunean

nire nian sortzen bi sokatira.

 

Biak ditut beti gogo barnean,

nire etsaia ta nire laguna,

Askakeria ta Askatasuna.

 

 

© Mikel Zarate

 

 

"Etorriaren zorabioz" liburua

"Mikel Zarate - Lan guztiak" orrialde nagusia