CLVIII GUTUNA

ZELIS-ek PARISen dagoen USBEK-i

        Nigandik mila legoara errudun epaitzen nauzu; nigandik mila legoara zigortzen.

        Eunuko basa batek bere esku ezdeusez ukitzen banau, zure aginduz da. Tiranoak nau desohoratzen, eta ez tiraniaren manuz aritzaile huts denak.

        Zure gogara tratu gaizto horiez zigortu nazakezu, nire bihotza lasai dagoela, maite ez zaitzakedanez geroz.

        Zure arima lohitzen, krudeltzen ari da. Seguru egon zaitez ez zarela zoriontsua.

        Adio.

Ispahan-go anderenetik,
1720ko Maharram-en ilargiaren 2an.

© Montesquieu

© itzulpenarena: Patri Urkizu