EGI-GURENDA

 

Jeiki euskeldun euskotar guztiak:

egunan gaude, zabaldu begiak.

Bihotzak berotu

gogo denak sutu.

Ortzi ederretik datoz argi-izpiak;

ihes eginik gaua beltz-ilunak.

Aupa euskoak! Aupa euskeldunak!

 

Euri jas gogor izugarrizkoa

geratu da eta ez da erasoa.

Laurogei urtetan

ugalde artetan

egon ohi zigun Aberri gaixoa

berriz pizturik dator bizitzera,

dator aurrerantz zintzo jarraitzera.

 

Oraingo Noe gure Erkaba Sabin

ez zitzaigun hil; hemen da Euskadin

Jel-Ontzia artezten,

Kutxa Deuna zaitzen.

Erne, euskotarrak! Irrintz-zantzo egin;

gurenda dugu. Lehertu ba bularrak,

eginaz alaiz oihu-deiadarrak.

 

Aralarmendi tontor gain-gainean

Jel-Ontzi Deuna jarri zaigunean

Urtziren alboan,

Mikelen ondoan,

Goiko Jaunaren urgaztasunpean,

Aranak sutsu, pozez hilik ia

dagizki hitz hauek: Piztu da Aberria!

 

Hara non diran Bizkaiko mendiak!

Hara Laburdi Arabako herriak!

Hara Gipuzkoa!

Hara Nafarroa!

Gora eta gora! Betoz abestiak.

Aberri maite!... Euskadi kuttuna!

Aintza, ujui-ujui! Gora askatasuna!

 

Ta ostadarra, ilun oraindaino,

argituago eguzkia baino

zabaltzen da ustegez

uztai eder bat lez

Adur ibaitik Ebro alderaino,

geren Euskadi horla geldituaz

lotuta Urtziren laztan berotsuaz.

 

Egi-argia eragitzen dari

gure herriaren alde guztiari.

Aranan indarrak

horren dira azkarrak!

Sabin da halako eusko irakaslari

esnatutzeko gizon argikorrak

eta sartzeko lurpean satorrak!

 

Usoa uso eta belea bele;

ez da gezurrik egiaren alde.

Aberria aberri

atzerria atzerri:

ez da gezurrik egiaren alde.

Behetuta laster uriol zakarrak

garbitu dira ur zikin nabarrak.

 

Non daude orain hegazti gautiak;

atzerrizale gizon beldurtiak;

Judas euskotarrak

arerio txarrak

gure lurreko suge eta piztiak?

Sabin haundia, Sabin ospetsua

begira zer dan Lagi-Jaungoikua.

 

Jaungoiko-Lagi dasaiguzunian

jarrita txutik Aralarmendian...

goi-gainetik beherantz

gaiztoak lurperantz

amildu dira denak bat-batian:

Nor gure kaltez? Gu aina, nork dira?

esanda darortz oro ilundira.

 

Tximist-ortzantzak ekaitz erauntsiak

ez dira gehio; joan dira nekiak,

etsaiak, lapurrak,

gaizkile andurrak,

oinaze minak, nahaste galgarriak.

Gaurtik gentza da. Euskotar Abenda,

oihu eta oihu: GURENDA, GURENDA!