Jaunaren ots biguña

          1

Haize zorrotzak txistu

dagi leihotan,

euria goitik behera,

dana ilunpetan;

mendi tontor zuriak

dakusguz aurrean,

baga ikaragarriak

itxaso haserrean...

Hotza besterik ez da

lurralde hauetan.

Zein eder dan etxea

Negu gogorrean!

          2

Gure goiko Artzai onak

morroe bat nahi du;

aterik ate dabil,

ezin du aurkitu.

— Zure artalderako

morroirik ez, Josu?

Latsurregi txokoan

atea jo eizu.

          3

Jaunaren hots biguna

ez al nuan aitu?

Latsurregi txokotik

nintzan, bai aldendu.

Orain ez daukat hotzik:

eguzkiak erten du,

Jaunaren hots bigunak

hotza du berotu.

          4

Ama, jaunak bi seme

eskatu dizkio:

biak eman diozka.

Berak ze ordainduko?

Ama, zeruko atea

Berak zabalduko.

Olerti, 1959-III, 139-140 orr.

© Felix Markiegi