Il baño lentxuago

Pikete'ko bat'i

Euskeldun dala igarrita

Mintza zayo Markiegi:

«Zapi au il ondoren

Nere odolez busti

Ta Aramayonara juan da

Eskeñiok apaizari»

Abiatu

Ura etxian arki

Negarrez agurtu ta eskeintza erakutsi

Zuri-zuri soñak dar-dar

«Ez naiz ni, dio, ez naiz ni»

Uka naian

Egia azaldu argi

Gure gazte itxutu, zapia ari jaurti

Ta apaiz odolak gorritu

Apaizan arpegi txuri

OHARRA: Markiegi, Jose Markiegi apaiza da,
1936an faxistek Oiartzunen fusilatua epaiketarik gabe.
Markiegik egin zuen 1934an Lizardiren
Itz-Lauz prosa antologia postumoan
sinatu gabe azaldu zen hitzaurrea.

Loyola jauregian

Euskal gudariak

Amaika andiki etxe aurrian

Urrutitik etorriak

Eskian omen datos

Ta es Aita Iñasiori

Belaunikaturik dagos

Otoitz abertzaliari

Batek naiko

Bere etxe saintzeko

Aingeru aietako pare bat gudari

Geienak dar-dar ta artian

Ango itzalpian lo toki

Sori aldatu

Egin onak astu

Ta atzoko aingeruak gaur zintzilizkatu

¿Ta aien gorputzen aurrian

Es al zerate ikaratu?

Giputz konde jaun batek

Aita jabonero

Ta aundiki jayo es baidek

Andiki antza artzen zaill gero

Kondia'n jauregia

Koroiez dek orni

Bai zarrerako atian

Baita oi azpiko pix ontzi

Ta giputzak

Bai giñan garbitzen

Kondia aberastu jaboietak saltzen

«Galdera bat konde jauna

utziko ez al dit egiten»?

«Jaboi orrek

Bai al du alegija

Odol mantxak kentzen indar beresija?

Beorren eskuk, konde jauna

Ba dute jaboi premija.

Jaunak neure erria

Erri izana da

Gernika sutan utzija

Naiz, ta aren pian zendija

Baserritarrak doyas

Beyekin perira

Nexka ta amonak astoaz

Lurran emanak saltzera

Ez dira iñoiz

Etxera itzuliko

Zugaitz albon dagoz gaur lotan betiko

Or euskeldunen gorputzak

Hitler'en probetarako

Billa nabil

Bear bai dot jakin

Arrotzari deika geurian nor dabil

Gurasoz ta jaioterriz

Umesurtz nabela'ko egin

Komunistak gerala

Argi erakusteko

Gure erriko sakristaua

Ara emen gure arteko

Gorri utzak gerala

Argi erakusteko

Gure erriko sakristaua

Ara emen gure arteko

Abestutzen

Ba espada edo

Requien et Kirie dakiski ondo

Egunes Elizan bixi

Goiz ta illuntzian kampai jo

Txuri'k errin

Agertu orduko

Sakristiko leyotik anka ein bearko

Apaiza otoitzen gerata

Burgosko kartzelan dago

Erriak ausi dira,

Baserriak ustu

Negarres euskel gurdija

Bilbo kaletan agertu

Morua atzetik dute

Egaski'k ortzian

Agure, andra, ganau ta ume

Mendi barrena igesian

Eta artian

Artxanda mendijan

Gudariak sutan atzera es naian

Euskal lur gutxi bai dute

Ta ura galtzeko sorian

Zer zaitugu

Gudari ala aingeru

Sutan il bearrak gorrotorik es du

Larrinaga atia iriki

Ta iltzalle bera askatu

Langostak gaitza luke

Isanda arrain gorri

Ogi yaten kexka nuke

Esbaita nai ala txuri

Mantendu bearrian

Antziña'ko oroitzes

«Luzeru ta imperiu pian»

Anai illak goserik ez.

Lana ugari

Trintxerak iriki

Kartzelak altza ta zigor pian jarri

Lurrai koxk gose ba aiz ta

Malko edan ba aiz egarri

Kompexatu

Ta apaizak galdetu

Barau ta bigili ote nitun zaindu

«Bai jauna urte gusian,

Ta auxe bai Franco'n meritu»

Maroto ta Espartero

Besarkatu ziran

Estalin ta Hitler gero

Or nun gaur lagunak diran

Gu moruak iltzera

Zertarako eraman

Gero moruak etxera

Ekarri bear baziran

Jainko'n alde

Jaiki bazerate

Apaizak zergaitik erail dituzute

Arin zanak Elizari

Egiten al zion kalte?

«España una»

Zati bi'n urratu

«España grande y libre» arrotzari zaldu

Zuek gerra irabazi ta

Guk aurki Euzkadi azkatu

Bidani plaza erdian

Inguruko nausi

Etxe argi zabal batian

Zituk anai santu zar bi

Goizian Jauna artuta

Bexperak kantari

Lengo eraz jasten oituta

Sombrerodun pralle iruri

Parrokitan

Eskolak iriki

Kombentu aldareak urre gorriz orni

Apaizak aien aurrian

Irri-par goxo ugari

Fede dunak

Bidani'n agiri

Ta gure anai santu giltzapian jarri

Or nun Franco'k errenditu

Dinamiteru gorri bi