ENE AZKEN BERSETAT

 

                I

Khantore horik huntü dititzüt lor lanaren inganio

Sasuen gisa batian trixte bestian oro boztario

Denbora heñ bat lüze ükhen dot horien ororen medioz

Bena nik uste beharko dit erran ]aster güzier adio

 

                II

A! mündü huntako izatia nunbait behar enganatü

Hun-gaixtuk ahal bezala egartez gero güziak kitatü

Arragretik ez do ükheiteko heñ bat dianak gozatü

Nik ja hortan ez diket herrürrik klarki nahi düt aithortü

 

                III

Bethiz geroztik ixtant goxorik gozatzen du koblakarik

Uhure franko mahaiñ ederrik ahal bezaiñ üsü kurri

Adixkide hanitx egiten do ere traidore ederrik

Bena nihure ez da akabi sall hortan aberastürik

 

                IV

Irus bizi-niz aide sanuan laborantxan Xiberuan

Khantore zunbait huntüz mendian edo süthondo xokhuan

Horik exkentzen dereitziet bat begiratüz goguan

Entrada gisa khanta dezadan Josefateko sohuan

 

 

                        Izkibatürik Iruri-n 1977 urthian maiatzian 13-ian

 

        Gaixo Etxahun, poeta umil eta handia

        Zure khantore hanitx, herratürik, erdi ahatzerik

        ibilten dira Xiberuan gainti edo hürrünago...

        eta ezkapi zaizku... Ze phena! Pharka ezagüzü...

 

 

 

© Etxahun-Iruri

 

 

"Etxahun-Iruri: Khantan" orrialde nagusia