URTHE BERRI HUN ALGER-EKO ESKUALDUNER

                I

Nathabitatek lekhü eginik heltü zaikü urthe berri

Bortiak xuriz bezti dira zilhar fina bezaiñ argi

Aize hegua'imur goxo bat mañü ephel bat udüri

Afrikatik jin zaikü agurrez Ama Eskual-Herriari

                II

Ama nolaxek ez da gozatzen karesü hun horri phara

Lo-etarik erriz baduago plaseran-handiz ikhara

Amets goxo batetan dua-Afrika bero hortarat

Karesü horrekin orhitürik han dütian bere haurrak

                III

Gaixo amatto uste züniana hariek züntiela ahazten

Aize goxo hortan dereizie hasperettobat igorten

Zük lehen erakutsi ürhatsak bethi dütie segitzen

Beitakie ez dela Eskualdün Ama dianak ükhatzen

                IV

ALGER-eko portü ederrian nurk phentsü zükin badela

Eskualdün batarzün berri bat jüntatü nahiz fidelak

Balekie khantatzen dela han «Gernikako arbola»

Belhariko jar liztaketzü Donianeko mariñelak

                V

Oro batzarri, oro erri da gure haur sorthü berria

Ama! zure izeneko da oi gure «Eskual-Herria»

Junta dezagün handit dakigün, nik badüt ustekeria

Denbora lüze gabe datila potro bat izigarria

                VI

Ikhusten zütüt ALGER maitia gure haurraren lo-eratzen

Zure itxaso blü ederrian egün oroz mirallstatzen

Zure ekhi beruaren pian othoitze deizüt egiten

Lekhü eijer bat berhez dezagün gur'Eskualdün banderaren

                VII

Ene aurhidiak üzten zütiet eskik emanik elgarri

Alagrantzian egükitzera berriz daigün «Urthe berri»

usü üsia hasperenttobat orhitzapenez Amari

Ene suheta: «Berriz artino xantza hun ta osagarri»

                        Etxahunek izkibatürik 1955-1956 altian

                        Alger-eko Eskualdünentako.

© Etxahun-Iruri