ÜRZUAK

                I

Oda zirzill baten ondotik da larrazkena eder heltü

Artho alhorrak hollitü dira eta mendiak gorritü

Xibero gaña eta pettarra egün harruan dütügü

Eskual-Herrialat lehen ürzuat egün agertü betzaizkü

                II

Bethiz geroztik urthe güziez ürzuak sasoin berrian

Phausatzen dira gure lürretan beren bidaje luzian

Zer boztariua, Ihizlariak, beren armak bizkarrian

Harien goraita juranik dira, elderra ahun, argitzian

                III

Ez uste ükhen solaza dela ürzo horien ihizteka

Zunbat hasperen, zunbat espanto ta zunbat Jinko karraska

Hüts egin dianak ez dû ogenik kartuxak zütin malphuxka

Konsolatzeko pipa bat egin ta xahakua marrüxka

                IV

Ihizlariak egün Ligin niz kabana haitü batetan

Eskapilako mahaiñ batian ürzo erre bat furxetan

«Zamaltzaiñ»-etik bi drago edanik orai hasten niz koblakan

Zier aholküz dezazien ürzo ausarki müsetan

                        Izkibatürik 1956-urthian.

                        «Zamaltzaiña» zen Hastoy Atharraztarraren ardu gorri baten izena.

                        Ahaide posible bat: «Ahaire deliziuz huntan...».

© Etxahun-Iruri